កូរ៉េ ចិននិងជប៉ុនកាលពីប្រកួតកីឡាអូឡាំពិកពេលកន្លងមកគឺជាអ្នកដែលប្រមូលបានមេដាយច្រើនជាងគេដល់ទៅ៦,៦ភាគរយនៃចំនួនមេដាយសរុប។ ប៉ុន្តែនៅក្នុងការប្រកួតជ្រើសរើសជើងឯកកីឡាអត្តពលកម្មពិភពលោកគឺជារឿងផ្សេង។ សម្រាប់ប្រទេសកូរ៉េខាងត្បូងវិញគឺពុំទាន់បានយកឈ្នះមេដាយមាសនៅក្នុងព្រឹត្តិការណ៍ដែលរៀបចំ
កូរ៉េ ចិននិងជប៉ុនកាលពីប្រកួតកីឡាអូឡាំពិកពេលកន្លងមកគឺជាអ្នកដែលប្រមូលបានមេដាយច្រើនជាងគេដល់ទៅ៦,៦ភាគរយនៃចំនួនមេដាយសរុប។ ប៉ុន្តែនៅក្នុងការប្រកួតជ្រើសរើសជើងឯកកីឡាអត្តពលកម្មពិភពលោកគឺជារឿងផ្សេង។ សម្រាប់ប្រទេសកូរ៉េខាងត្បូងវិញគឺពុំទាន់បានយកឈ្នះមេដាយមាសនៅក្នុងព្រឹត្តិការណ៍ដែលរៀបចំឡើង២ឆ្នាំម្តងនៅឡើយទេ ។ នៅក្នុងឱកាសដែលខ្លួនជាអ្នករៀបចំសម្រាប់ឆ្នាំ២០១១ ប្រទេសនេះសង្ឃឹមថា ខ្លួនពិតជាអាចដណ្តើមបានមេដាយច្រើនគ្រឿង។
អំឡុងការប្រកួតកីឡាអូឡាំពិករដូវក្តៅនិងរដូវរងា ប្រទេសទាំង៣ខាងលើប្រមូលបានមេដាយ១.០៨៧គ្រឿង។ កាលពីព្រឹត្តិការណ៍អូឡាំពិកឆ្នាំ២០០៨នៅប្រទេសចិន ជាតិសាសន៍ទាំង៣នេះដណ្តើមបានមេដាយ១៥៦គ្រឿងគិតជាភាគរយស្មើ១៦%នៃចំនួនមេដាយសរុប។ ចំពោះកីឡាអត្តពលកម្មវិញ ប្រទេសទាំង៣ខាងលើមិនទាន់ឈានដល់ចំណុចខ្លាំងនៅឡើយទេ។ គិតចាប់តាំងពីការប្រកួតកីឡាអត្តពលកម្មពិភពលោកលើកដំបូងនៅទីក្រុងហ៊ែលស៊ីនគី ប្រទេសហ្វាំងឡង់ឆ្នាំ១៩៨៣មកដល់ការប្រកួតចុងក្រោយបំផុតនៅទីក្រុងប៊ែរឡាំងប្រទេសអាល្លឺម៉ង់ឆ្នាំ២០០៩ ប្រទេសកូរ៉េចិននិងជប៉ុនយកឈ្នះមេដាយបានតែ៤៧គ្រឿងប៉ុណ្ណោះ។ នេះបញ្ជាក់ថា ស្រមោលខ្មៅនៅគ្របដណ្តប់លើជាតិសាសន៍ទាំងនេះនៅឡើយ។
បណ្តាអត្តពលិកមកពីប្រទេសទាំង៣បើប្រៀបធៀបជាមួយអត្តពលិកមកពីអាមេរិក ហ្សាម៉ាអ៊ីក កេនយ៉ា អេត្យូពីនិងអឺរ៉ុបហាក់ដូចជាកូនក្មេងទើបរៀនដើរ។ នៅក្នុងវិញ្ញាសារត់ប្រណាំងចម្ងាយមធ្យមនិងចម្ងាយឆ្ងាយគឺមានតែអត្តពលិកមកពីកេនយ៉ានិងអេត្យូពីប៉ុណ្ណោះដែលដណ្តើមបានមេដាយ។ ចំណែកវិញ្ញាសាលោតចម្ងាយ លោតកំពស់ ចោលលំពែង ចោលដុំដែកគឺជាជំនាញរបស់បណ្តាអត្តពលិកមកពីទ្វីបអឺរ៉ុបខណៈវិញ្ញាសារត់យកល្បឿន(រត់ចម្ងាយជិតៗ)ជាជំនាញរបស់បណ្តាអត្តពលិកមកពីសហរដ្ឋអាមេរិកនិងប្រទេសហ្សាម៉ាអ៊ីក ។
នៅក្នុងព្រឹត្តិការណ៍ប្រកួតកីឡាអត្តពលកម្មឆ្នាំ២០១១ដែលនឹងចាប់ផ្តើមនាចុងខែនេះ ប្រទេសចិនមានបំណងស្តារមុខមាត់ខ្លួនមកវិញដូចកាលឆ្នាំ១៩៩៣ដែលពេលនោះចិនដណ្តើមបានមេដាយមាសរត់ចម្ងាយ រត់ចម្ងាយ ១.៥០០ម៉ែត្រផ្នែកនារី ៣.០០០ម៉ែត្រនិង១០.០០០ម៉ែត្រ។ ប្រកួតនាពេលនោះចិនស្ថិតនៅលំដាប់ទី២នៃប្រទេសដែលដណ្តើមបានមេដាយច្រើនជាងគេ។
ចំពោះប្រទេសជប៉ុនមានបំណងដណ្តើមឲ្យបានមេដាយមាសវិញ្ញាសារត់បណ្តាក់ចម្ងាយ៤០០ម៉ែត្រផ្នែកបុរស។ ឯកូរ៉េខាងត្បូងបំណងរបស់គេគឺធ្វើយ៉ាងណាឈានចូលឲ្យដល់វគ្គផ្តាច់ព្រ័ត្រនៃវិញ្ញាសានីមួយៗ។ កីឡាករដែលជាក្តីសង្ឃឹមរបស់ខ្លួនមានប៉ាក់ ទែយុង អាយុ៣១ឆ្នាំផ្នែកវិញ្ញាសារត់ផ្លោះរបង។ កាលពីប្រកួតកីឡា Asian Gamesនៅក្វាងចូវប្រទេសចិនឆ្នាំ២០១០កន្លងមក ប៉ាក់ ទែយុងដណ្តើមបានមេដាយសំរឹទ្ធិរត់ផ្លោះរបងចម្ងាយ១១០ម៉ែត្រ៕
ចែករំលែកព័តមាននេះ