ប្រធានាធិបតីរុស្ស៊ីលោកឌីមីទ្រី ម៉េដវេដេវ និងលោកគីម ជុងអ៊ីល មេដឹកនាំកូរ៉េខាងជើង កាលពីថ្ងៃទី២៤ សីហា បានព្រមព្រៀងគ្នាលើការបើកធ្វើឡើងវិញដោយឆាប់រហ័សដែលអាចធ្វើទៅបាននូវការចរចា៦ភាគីដែលធ្លាក់ក្នុងភាពទាល់ច្រក ។ ក្នុងឱកាសនៃការជួបពិភាក្សាគ្នានៅជិតទីក្រុងអ៊ូឡាន អ៊ូដ តំបន់ស៊ីបេរីរុស្ស៊ី មេដឹកនាំទាំង២
ប្រធានាធិបតីរុស្ស៊ីលោកឌីមីទ្រី ម៉េដវេដេវ និងលោកគីម ជុងអ៊ីល មេដឹកនាំកូរ៉េខាងជើង កាលពីថ្ងៃទី២៤ សីហា បានព្រមព្រៀងគ្នាលើការបើកធ្វើឡើងវិញដោយឆាប់រហ័សដែលអាចធ្វើទៅបាននូវការចរចា៦ភាគីដែលធ្លាក់ក្នុងភាពទាល់ច្រក ។
ក្នុងឱកាសនៃការជួបពិភាក្សាគ្នានៅជិតទីក្រុងអ៊ូឡាន អ៊ូដ តំបន់ស៊ីបេរីរុស្ស៊ី មេដឹកនាំទាំង២ ក៏សម្រេចបានផងដែរ នូវកុងសង់ស៊ុសមួយលើគម្រោងថាមពលដែលផ្តោតលើការកសាងបំពង់បង្ហូរឧស្ម័នមួយដែលភ្ជាប់ពីរុស្ស៊ីទៅកូរ៉េ ខាងត្បូងកាត់តាមកូរ៉េខាងជើង ព្រមទាំងលើបំណុលដែលនៅពុំទាន់បានសងរបស់កូរ៉េខាងជើងដល់រុស្ស៊ី ។
ការជួបគ្នាកំពូលរុស្ស៊ី-កូរ៉េខាងត្បូងធ្វើឡើងនៅឯមូលដ្ឋានយោធាមួយកន្លែងក្នុងភូមិសូស្នូវី បូរចម្ងាយ៥០គ.ម ពីទីក្រុងអ៊ូឡាន អ៊ូដ រដ្ឋធានីរបស់រដ្ឋ BOURIATIE រុស្ស៊ី ។
លោកស្រីណាតាលីយ៉ា ទីម៉ាកូវ៉ា អ្នកនាំពាក្យរបស់វិមានក្រឹមឡាំង ក្រោយការជួបគ្នា នេះគូសបញ្ជាក់ថា កូរ៉េខាងជើងត្រៀមបើកធ្វើឡើងវិញនូវការចរចា៦ភាគីស្តីពីការរំសាយនុយក្លេអ៊ែរនៅឧបទ្វីបកូរ៉េដោយគ្មានលក្ខខណ្ឌជាមុន។
ក្រោយពីការចរចា៦ភាគីធ្លាក់ក្នុងភាពទាល់ច្រកពីឆ្នាំ២០០៨ មក សហរដ្ឋអាមេរិក និងកូរ៉េខាងត្បូងបានទទូចលើប្រការដែលថា ក្រុងព្យុងយ៉ាងត្រូវផ្អាកសកម្មភាពនុយក្លេអ៊ែរមុនពេលបើកធ្វើឡើងវិញនូវការចរចានោះដែលចិន និងជប៉ុនចូលរួមដែរ ។ ក៏ប៉ុន្តែយោងតាមអ្នកនាំពាក្យរូបនេះថា លោកគីមបានប្រាប់ដល់សមភាគីរុស្ស៊ីថា កូរ៉េខាងជើងត្រៀមដោះស្រាយបញ្ហានៃការពន្យារពេលលើការសាកល្បងនុយក្លេអ៊ែរ និងលើការផលិតមីស៊ីលទាំងឡាយ និងអាវុធនុយក្លេអ៊ែរ តែក្នុងក្របខណ្ឌនៃការចរចាប៉ុណ្ណោះ ៕
ចែករំលែកព័តមាននេះ