ខេត្តតាកែវ ៖ យុវជនជាជាងកញ្ចក់ម្នាក់បានជួបគ្រោះអកុសល ខណៈទៅដាក់កញ្ចក់ផ្ទះល្វែងមួយនៅជាន់ទីមួយ ឃើញសត្វចាបជាច្រើនទំលើខ្សែកាបអត់ឆក់ ក៏យកប៊ិចភ្លើងទៅសាកស្រាប់តែឆក់ធ្លាក់ ហើយត្រូវបានអ្នករួមការងារចាប់ជាប់ត្រឹមចង្កេះ តែក្បាលដល់ដី ។ ហេតុការណ៍នេះបានកើតឡើងកាលពីវេលាម៉ោង២ និង៣០
ខេត្តតាកែវ ៖ យុវជនជាជាងកញ្ចក់ម្នាក់បានជួបគ្រោះអកុសល ខណៈទៅដាក់កញ្ចក់ផ្ទះល្វែងមួយនៅជាន់ទីមួយ ឃើញសត្វចាបជាច្រើនទំលើខ្សែកាបអត់ឆក់ ក៏យកប៊ិចភ្លើងទៅសាកស្រាប់តែឆក់ធ្លាក់ ហើយត្រូវបានអ្នករួមការងារចាប់ជាប់ត្រឹមចង្កេះ តែក្បាលដល់ដី ។ ហេតុការណ៍នេះបានកើតឡើងកាលពីវេលាម៉ោង២ និង៣០នាទីរសៀលថ្ងៃទី២៣ សីហា នៅផ្សារកំពង់ជ្រៃ ស្ថិតតាមបណ្ដោយផ្លូវជាតិលេខ២ ក្នុងឃុំស្មោង ស្រុកទ្រាំង ។
ប្រភពព័ត៌មានពីមិត្ដភក្ដិបានឱ្យដឹងថា យុវជនរងគ្រោះឈ្មោះនុង ចិន អាយុ២០ឆ្នាំ មានស្រុកកំណើតនៅភូមិក្រោះ ឃុំក្រាំងចេក ស្រុកឧដុង្គ ខេត្ដកំពង់ស្ពឺ ស្នាក់នៅកន្លែងសិប្បកម្មធ្វើទ្វារបង្អូចកញ្ចក់នៅភូមិក្បាលដំរី សង្កាត់កាកាប ខណ្ឌដង្កោ រាជធានីភ្នំពេញ កាលពីថ្ងៃទី២៣ សីហា នេះ ពួកគេបានទៅដាក់កញ្ចក់បង្អួចឱ្យគេនៅផ្សារកំពង់ជ្រៃ ដោយហេតុថា សិប្បកម្មនៅខេត្ដតាកែវជាដៃគូសហការពេលណាគេមានម៉ូយធ្វើច្រើនតែងតែហៅក្រុមខ្លួនទៅជួួយធ្វើ ហើយនៅថ្ងៃនោះ គឺអ្នកម៉ៅការនៅខេត្ដតាកែវបានហៅឱ្យទៅដាក់កញ្ចក់បង្អួចផ្ទះល្វែងសង់ថ្មី។ ពេលពួកគេទៅដល់ម្ចាស់ផ្ទះប្រាប់ថា មានខ្សែកាបស្រាតបីខ្សែនៅជិតរានហាលជាន់ទីមួយដែលមានចរន្តអគ្គិសនី ហើយអាចឆក់ ដូច្នេះពេលលើករបស់របរផ្សេងៗត្រូវប្រុងប្រយ័ត្នកុំឱ្យប៉ះឱ្យសោះ ។
ប្រភពព័ត៌មានដដែលបន្ដទៀតថា បន្ទាប់ពីគេប្រាប់ហើយក៏ទៅបាត់ទៅនៅសល់តែក្រុមជាងរបស់ពួកខ្លួនមានគ្នា៣នាក់ គឺ១-ឈ្មោះនុង ចិន, ២-ឈ្មោះវណ្ណ ភក្ដី អាយុ៣០ឆ្នាំ និង៣-ឈ្មោះយិន តឿ អាយុ២២ឆ្នាំទាំងអស់គ្នាស្នាក់នៅផ្ទះលេខ៩៧E4 សង្កាត់អូរឫស្សីទី២ ខណ្ឌ៧មករា ។ ក្នុងចំណោមគ្នាទាំង៣នាក់ មាន២នាក់ដាក់រន្ទាឡើងទៅជាន់ទីមួយដើម្បីដាក់កញ្ចក់ បង្អួច ចំណែកឈ្មោះយិន តឿ នៅខាងក្រោម ប៉ុន្ដែឈ្មោះនុង ចិន ពេលដែលឡើងតាមរន្ទាទៅជាន់ទីមួយជិតដល់ខ្សែកាបដែលនៅពីលើក្បាលចេះតែនិយាយថា មិនជឿថា ខ្សែកាបនោះមានភ្លើងទេ បើមានភ្លើងហេតុអីក៏ចាបទំមិនឆក់ ។លុះនិយាយហើយយុវជននោះក៏យកប៊ិចភ្លើងសម្រាប់មើលឱ្យច្បាស់ថា មានភ្លើងឬអត់ទៅប៉ះនឹងខ្សែកាបស្រាតដែលនៅពីលើក្បាលនោះ ស្រាប់តែឆក់បែកផ្កាភ្លើងឆេះរលាកត្រឹមចង្កេះឡើងលើ និងដៃទាំងសងខាង រលាករលាត់ស្បែក ហើយធ្លាក់មកដី ប៉ុន្ដែត្រូវឈ្មោះយិន តឿ ជួយទ្រចាប់ជាប់ត្រង់ចង្កេះឯក្បាលបោកទៅនឹងថ្ម។
បន្ទាប់ពីរងរបួសភ្លាមៗជនរងគ្រោះត្រូវបានបញ្ជូនទៅព្យាបាលនៅមន្ទីរពេទ្យខេត្ដតាកែវ រួចបញ្ជូនបន្ដមកព្យាបាលនៅមន្ទីរពេទ្យព្រះកុសុមៈ ។ វេជ្ជបណ្ឌិតមានប្រសាសន៍ថា ការរលាកត្រឹមកម្រិត២០ភាគរយមិនអីទេ ប៉ុន្ដែស្ថានភាពដែលធ្ងន់ធ្ងរនោះ គឺជនរងគ្រោះធ្លាក់មកបោកក្បាលបណ្តាលឱ្យកកឈាមក្នុងខួរក្បាល និងមិនអាចវះកាត់បានមានតែប្រើថ្នាំឱ្យរលាយឈាម ៕
ចែករំលែកព័តមាននេះ