ខេត្តកំពង់ស្ពឺ ៖ សមត្ថកិច្ចបានឆ្មក់ចូលលំនៅឋានមួយនៅភូមិទី៣ ក្នុងឃុំត្រែងទ្រយឹង ស្រុកភ្នំស្រួច កាលពីព្រឹកថ្ងៃទី២៣ សីហា និងបានឃាត់ខ្លួនជនសង្ស័យ៣នាក់ក្នុងនោះស្ត្រីម្នាក់ត្រូវ ជាម្តាយ ។ សមត្ថកិច្ចក្នុងការបង្ក្រាបនោះគឺសមត្ថកិច្ចនៃស្នងការដ្ឋាន នគរបាលខេត្តដឹកនាំដោយស្នងការរង លោកវរសេនីយ៍ឯកអ៊ុក
ខេត្តកំពង់ស្ពឺ ៖ សមត្ថកិច្ចបានឆ្មក់ចូលលំនៅឋានមួយនៅភូមិទី៣ ក្នុងឃុំត្រែងទ្រយឹង ស្រុកភ្នំស្រួច កាលពីព្រឹកថ្ងៃទី២៣ សីហា និងបានឃាត់ខ្លួនជនសង្ស័យ៣នាក់ក្នុងនោះស្ត្រីម្នាក់ត្រូវជាម្តាយ ។ សមត្ថកិច្ចក្នុងការបង្ក្រាបនោះគឺសមត្ថកិច្ចនៃស្នងការដ្ឋាននគរបាលខេត្តដឹកនាំដោយស្នងការរង លោកវរសេនីយ៍ឯកអ៊ុក សុផល ទទួលបន្ទុកផែនប្រឆាំាងបទល្មើសគ្រឿងញៀនសហការផ្ទាល់ជាមួយអធិការនគរបាលស្រុកភ្នំស្រួច ។ ជនទាំង៣នាក់នោះត្រូវបានបញ្ជូនទៅសាលាដំបូងខេត្តដោយចោទពីបទចែកចាយ និងផ្តល់ទីកន្លែងសេពគ្រឿងញៀន ។
លោកវរសេនីយ៍ត្រីហែម ផល្លា នាយការិយាល័យនគរបាលប្រឆាំងបទល្មើសគ្រឿង ញៀនប្រាប់ឱ្យដឹងថា កាលពីព្រឹកម៉ោង៦ និង៤៥នាទីថ្ងៃទី២៣ សីហា សមត្ថកិច្ចប្រឆាំងបទល្មើសគ្រឿងញៀនសហការជាមួយអធិការនគរបាលស្រុក នាយប៉ុសិ៍្តរដ្ឋបាលឃុំត្រែងទ្រយឹង បានឃាត់ខ្លួនជនសង្ស័យ។ ជនទាំង៣នាក់នោះ១-ឈ្មោះទន់ មុំ ភេទស្រី អាយុ៥៥ឆ្នាំ ជាម្តាយ ២-ឈ្មោះនួន ទឹក ភេទប្រុស ហៅឆិល ឆាំ អាយុ២៨ឆ្នាំ និង៣-ឈ្មោះនួន ឆែម ភេទប្រុស ហៅឆិល វិបុល អាយុ២៦ឆ្នាំ មានទីលំនៅភូមិទី៣ (ចំការចេក) ។ ជនសង្ស័យទាំង៣នាក់ពាក់ព័ន្ធករណីចែកចាយគ្រឿងញៀន និងផ្តល់ទីតាំងសម្រាប់សេពគ្រឿងញៀន ។
លោកវរសេនីយ៍ត្រីហែម ផល្លា នាយការិយាល័យប្រឆាំងបទល្មើសគ្រឿងញៀនខេត្តឱ្យដឹងថា ជនទាំង៣នាក់ជាម្តាយ និងកូននោះធ្វើសកម្មភាពចែកចាយថ្នាំញៀនយ៉ាងស្ងាត់ស្ងៀមជាច្រើនខែមកហើយ នៅតំបន់ត្រែងទ្រយឹង ព្រមទាំងផ្តល់ផ្ទះរបស់ខ្លួនធ្វើជាទីតាំងសំងាត់បម្រើការសេពគ្រឿងញៀនទៀតផង ។
វត្ថុតាងប្រមូលបានមានថ្នាំញៀនប្រភេទម៉ាទឹកកកច្រើនកញ្ចប់ និងប្រដាប់ជក់ថ្នាំញៀនមួយចំនួនធំទៀត ហើយត្រូវកសាងសំណុំរឿងបញ្ជូនទៅសាលាដំបូងខេត្ត ដើម្បីផ្តន្ទាទោស ៕
ចែករំលែកព័តមាននេះ