រាជធានីភ្នំពេញ ៖ រថយន្តម៉ាកមែរសឺដេសC២៣០ ពណ៌ខ្មៅ ពាក់ស្លាកលេខភ្នំពេញ២D ៩៨១១ ដែលគេអះអាងថា ជាកម្មសិទ្ធិ និងបើកបរដោយមន្ត្រីរដ្ឋបាលព្រៃឈើបានជ្រុលទៅបុកក្បាលរបាំងថ្ម ពេញទំហឹង បណ្តាលឱ្យមន្ត្រីរូបនោះរបួសធ្ងន់ត្រូវគេបញ្ជូនទៅកាន់មន្ទីរ ពេទ្យ។
រាជធានីភ្នំពេញ ៖ រថយន្តម៉ាកមែរសឺដេសC២៣០ ពណ៌ខ្មៅ ពាក់ស្លាកលេខភ្នំពេញ២D ៩៨១១ ដែលគេអះអាងថា ជាកម្មសិទ្ធិ និងបើកបរដោយមន្ត្រីរដ្ឋបាលព្រៃឈើបានជ្រុលទៅបុកក្បាលរបាំងថ្មពេញទំហឹង បណ្តាលឱ្យមន្ត្រីរូបនោះរបួសធ្ងន់ត្រូវគេបញ្ជូនទៅកាន់មន្ទីរពេទ្យ។
គ្រោះថ្នាក់ចរាចរណ៍នេះសមត្ថកិច្ចឱ្យដឹងថា កើតឡើងកាលពីវេលាម៉ោង១២ និង១០នាទីរំលងអធ្រាត្រឈានចូលថ្ងៃ ទី២៥ ខែសីហា នៅស្តុបផ្សារដើមគតាមដងមហាវិថីម៉ៅសេងទុងកែងផ្លូវលេខ៣៣៦ សង្កាត់បឹងសាឡាង ខណ្ឌទួលគោក។ នៅក្នុងគ្រោះថ្នាក់នេះបណ្តាលឱ្យអ្នកបើកបរលោកថៃ ហាងម៉េង អាយុ៣៦ឆ្នាំ ជាមន្ត្រីរដ្ឋបាលព្រៃឈើរស់នៅផ្ទះលេខ២៩មហាវិថីម៉ៅសេទុង សង្កាត់ទួលទំពូងទី២ ខណ្ឌចំការមន រងរបួសធ្ងន់ត្រូវរថយន្តបញ្ជូនទៅកាន់មន្ទីរពហុព្យាបាលប៉ុល សារឿន។ ចំណែកក្បាលរបាំងថ្មប៉ើងចេញ ហើយរថយន្តរងការខូចខាតធ្ងន់ផ្នែកខាងមុខ។
សាក្សីឱ្យដឹងថា រថយន្តម៉ាកមែរសឺដេសពណ៌ខ្មៅនោះធ្វើដំណើរតាមមហាវិថីម៉ៅសេទុងពីជើងទៅត្បូងក្នុងល្បឿនលឿន។ នៅពេលធ្វើដំណើរដល់ចំណុចស្តុបកែងនឹងផ្លូវលេខ៣៣៦ រថយន្តជ្រុលទៅបុកក្បាលរបាំងថ្មពេញទំហឹងបណ្តាលឱ្យបើុងចេញ ឯរថយន្តរងការខូចខាតផ្នែកខាងមុខ។
នៅយប់នោះសមត្ថកិច្ចបានស្ទូចយករថយន្តទៅកាន់សាលារាជធានីភ្នំពេញដើម្បីឱ្យម្ចាស់ដោះស្រាយសងការខូចខាត ៕
ចែករំលែកព័តមាននេះ