រាជធានីភ្នំពេញ ៖ នគរបាលចរាចរណ៍ខណ្ឌចំការមន សហការជាមួយនគរបាលចរាចរណ៍ក្រុង បន្តចុះអប់រំណែនាំដល់បងប្អូនប្រជាពលរដ្ឋ ដែលបានធ្វើដំណើរបើកបរបញ្ច្រាសទិសដៅចរាចរណ៍នៅតាមផ្លូវព្រះនរោត្តម ។ ជាក់ស្ដែងនៅថ្ងៃ២៤ ខែមិថុនា ឆ្នាំ២០២៥នេះ…
រាជធានីភ្នំពេញ ៖ នគរបាលចរាចរណ៍ខណ្ឌចំការមន សហការជាមួយនគរបាលចរាចរណ៍ក្រុង បន្តចុះអប់រំណែនាំដល់បងប្អូនប្រជាពលរដ្ឋ ដែលបានធ្វើដំណើរបើកបរបញ្ច្រាសទិសដៅចរាចរណ៍នៅតាមផ្លូវព្រះនរោត្តម ។
ជាក់ស្ដែងនៅថ្ងៃ២៤ ខែមិថុនា ឆ្នាំ២០២៥នេះ កម្លាំងផ្នែកសណ្ដាប់ធ្នាប់ នៃអធិការដ្ឋាននគរបាលខណ្ឌចំការមន សហការជាមួយកម្លាំងការិយាល័យចរាចរណ៍ផ្លូវគោករាជធានីភ្នំពេញ បន្តចុះអនុវត្តអប់រំណែនាំដល់បងប្អូនប្រជាពលរដ្ឋដែលបានបើកបរបញ្ច្រាសទិស សញ្ញាចរាចរណ៍ តាមបណ្ដោយផ្លូវព្រះនរោត្តម ដោយបានធ្វើការអប់រំណែនាំដល់អ្នកបើកបរចំនួន១១នាក់ ក្នុងនោះម៉ូតូកង់បីឥណ្ឌា ០១គ្រឿង និងម៉ូតូ ចំនួន១០គ្រឿង ដែលបានបើកបរល្មើសច្បាប់ចរាចរណ៍ ។
សមត្ថកិច្ចឃាត់ធ្វើការណែនាំអប់រំពន្យល់ពីការជិះបញ្ច្រាសផ្លូវ ដែលប្រឈមឲ្យមានគ្រោះចរាចរណ៍ និងបង្កការកកស្ទះតាមដងផ្លូវ ។ និងធ្វើឲ្យបញ្ឈប់រាល់ការ ជិះបញ្ច្រាស់ផ្លូវបន្តទៀត ទើបអនុញ្ញាតអោយត្រឡប់ទៅវិញ ៕
ចែករំលែកព័តមាននេះ