រាជធានីភ្នំពេញ ៖ ម៉ូតូកង់បី១គ្រឿង បើកបរក្នុងល្បឿនលឿន វ៉ាជែងរថយន្តមិនចាំម៉ាក១គ្រឿង ដែលកំពុងបើកបរស្របគ្នា ជ្រុលចូលទៅគន្លងផ្លូវម្ខាងទៀត រួចក៏ទៅបុកជាមួយរថយន្តធុនធំ១គ្រឿងទៀត ម៉ាកហ៊ីណូ ខណៈពេលកំពុងធ្វើដំណើរក្នុងទិសដៅបញ្ច្រាសគ្នាពេញទំហឹង…
រាជធានីភ្នំពេញ ៖ ម៉ូតូកង់បី១គ្រឿង បើកបរក្នុងល្បឿនលឿន វ៉ាជែងរថយន្តមិនចាំម៉ាក១គ្រឿង ដែលកំពុងបើកបរស្របគ្នា ជ្រុលចូលទៅគន្លងផ្លូវម្ខាងទៀត រួចក៏ទៅបុកជាមួយរថយន្តធុនធំ១គ្រឿងទៀត ម៉ាកហ៊ីណូ ខណៈពេលកំពុងធ្វើដំណើរក្នុងទិសដៅបញ្ច្រាសគ្នាពេញទំហឹង បណ្តាលឲ្យបុរស ដែលជាអ្នកបើកបរម៉ូតូកង់បីនោះ រងរបួសធ្ងន់ធ្ងរ បន្ទាប់មកអ្នកបើកបររថយន្តចុះរត់គេចខ្លួនបាត់ ។
ឧប្បត្តិហេតុនោះ បានកើតឡើងកាលពីវេលាម៉ោង១១និង៥០នាទីព្រឹកថ្ងៃទី២៤ ខែមិថុនា ឆ្នាំ២០២៥ នៅលើផ្លូវបេតុង ស្ថិតនៅក្នុងភូមិទួលកី សង្កាត់ភ្លើងឆេះរទេះ ខណ្ឌកំបូល រាជធានីភ្នំពេញ ។
បុរសអ្នកបើកម៉ូតូកង់បីខាងលើនោះ ឈ្មោះ ហន់ សុភារម្យ អាយុជាង៤០ឆ្នាំ ស្នាក់នៅភូមិតាភេម សង្កាត់កំបូល ខណ្ឌកំបូល រាជធានីភ្នំពេញ ។
សមត្ថកិច្ចបានប្រាប់ឲ្យដឹងថា នៅមុនពេលកើតហេតុ បុរសរងគ្រោះរូបនេះបានបើកបរម៉ូតូកង់បី១គ្រឿងពណ៍ស ពាក់ស្លាកលេ ភ្នំពេញ1HM-9135
ធ្វើដំណើរតាមផ្លូវបេតុងខាងលើ ក្នុងទិសដៅពីលិចទៅកើត ។ លុះពេលទៅដល់ត្រង់ចំណុចកើតហេតុបានបើកវ៉ាជែងខាងឆ្វេងរថយន្តមិនចាំម៉ាកនិងមិនចាំស្លាកលេខ១គ្រឿងកំពុងធ្វើដំណើរក្នុងស្របទិសដៅគ្នា រួចក៏ជ្រុលចូលទៅគន្លងផ្លូវម្ខាងទៀត ។
សមត្ថកិច្ចបានប្រាប់ឲ្យដឹងបន្តទៀតថា ខណៈនោះគេចចូលមកគន្លងផ្លូវផ្នែកខាងស្ដាំរបស់ខ្លួនវិញអត់ទាន់ ក៏បានបុកជាមួយរថយន្តធុនធំ១គ្រឿង ម៉ាកហ៊ីណូពណ៍ខៀវលាយត្រួយចេក ពាក់ស្លាកលេខព្រះសីហនុ3A-0943 ដែលកំពុងធ្វើដំណើរក្នុងទិសដៅបញ្ច្រាស់គ្នាពេញទំហឹង ។ បណ្តាលឲ្យបុរសអ្នករត់កង់បីរូបនោះរងរបួសធ្ងន់ធ្ងរ បន្ទាប់មកត្រូវបានរថយន្តសង្គ្រោះរបស់មន្ទីពេទ្យបង្អែកពោធិ៍ចិនតុង ដឹកបញ្ជូនទៅសង្គ្រោះបន្ទាន់ ចំណែករថយន្តបានឈប់នៅជិតនោះ ហើយអ្នកបើកបរបានចុះរត់គេចខ្លួនបាត់ ។
ក្រោយពេលកើតហេតុនគរបានខណ្ឌកំបូលបានចុះទៅធ្វើការវាស់វែងរួចនាំយករថយន្តនិងម៉ូតូកង់បីទៅរក្សាទុករង់ចាំការដោះស្រាយនៅពេលក្រោយ ៕
ចែករំលែកព័តមាននេះ