ហ្វ៊ីលីព ម៉ាសានិយាយថា មានមូលហេតុដ៏សមរម្យបំផុតចំពោះក្រុមប្រណាំងហ្វេរ៉ារីក្នុងការរក្សាការវាយសម្រុកទៅមុខតាមដែលអាចធ្វើទៅបានសម្រាប់រដូវកាលប្រណាំងដែលនៅសល់៨កម្មវិធីទៀតនេះ បើទោះណាក្រុមនេះ ស្ថិតឆ្ងាយឱកាសដណ្តើមពានជើងឯកពិភពលោកក៏ដោយ។
ហ្វ៊ីលីព ម៉ាសានិយាយថា មានមូលហេតុដ៏សមរម្យបំផុតចំពោះក្រុមប្រណាំងហ្វេរ៉ារីក្នុងការរក្សាការវាយសម្រុកទៅមុខតាមដែលអាចធ្វើទៅបានសម្រាប់រដូវកាលប្រណាំងដែលនៅសល់៨កម្មវិធីទៀតនេះ បើទោះណាក្រុមនេះ ស្ថិតឆ្ងាយឱកាសដណ្តើមពានជើងឯកពិភពលោកក៏ដោយ។
ម៉ាសានិងមិត្តរួមក្រុមហ្វឺណាន់ដូ អាឡុនសូបច្ចុប្បន្នកំពុងតែតាមពីក្រោយកីឡាករអាល្លឺម៉ង់សេបាស្ទៀន វេតទែលនៅលើតារាងជើងឯកពិភពលោក។ ដូច្នេះបើទោះណាក្រុមហ្វេរ៉ារីបានប្រឹងប្រែងកែច្នៃប្រព័ន្ធគ្រឿងម៉ាស៊ីនយ៉ាងណាក៏ដោយ ប៉ុន្តែឈ្នះឬចាញ់មួយភាគធំគឺអាស្រ័យលើអ្នកបើកបរផងដែរ។ ប៉ុន្តែសម្រាប់កីឡាករម៉ាសាបានគាំទ្រចំពោះទស្សនៈអ្នកចាត់ការក្រុមលោកស្ទេហ្វាណូ ដូមេនីកាលីដែលយល់ថា ការបំពាក់បរិក្ខារទំនើបសម្រាប់ការប្រណាំងរៀងរាល់ចុងសប្តាហ៍គឺជាការល្អមួយ។
នៅក្នុងគេហទំព័រផ្លូវការរបស់ក្រុមហ្វេរ៉ារី ម៉ាសាសរសេរថា៖ «ក្នុងពេលនេះយើងបានឈានចូលមកដល់ការប្រណាំងចុងរដូវកាលហើយ។ ទោះជាយ៉ាងនេះក្តី នៅតែមានកម្មវិធីប្រណាំងជាច្រើនទៀតកំពុងរង់ចាំយើង។ ខ្ញុំយល់ស្របជាមួយអ្នកចាត់ការក្រុមដែលថា ក្នុងនាមជាក្រុមមួយ យើងគួរតែប្រឹងប្រែងដើម្បីយកឈ្នះការប្រណាំងក៏ដូចជាពិន្ទុឲ្យបានច្រើនតាមដែលអាចធ្វើទៅបាន។ ពិតណាស់ដោយឈរលើទស្សនៈបែបនេះ គោលដៅជាបន្ទាន់របស់ខ្ញុំគឺថា ប្រឹងប្រែងដណ្តើមយកពានជើងឯកឲ្យខាងតែបាន។ ថ្វីដ្បិតរឿងនេះមិនងាយស្រួលដោយសារសល់ពេលតែពីរទៅបីខែ ប៉ុន្តែយើងក៏មិនត្រូវបោះបង់ចោលដែរ»។
កីឡាករសញ្ជាតិប្រេស៊ីលហ្វ៊ីលីព ម៉ាសាគ្រោងនឹងទៅចូលរួមការប្រណាំង Belgian Grand Prix នៅប្រទេសបែលហ្ស៊ិកនាចុងសប្តាហ៍នេះដោយសង្ឃឹមយ៉ាងមុតមាំថានឹងដណ្តើមបានជោគជ័យឈ្នះពានជើងឯក ។ នៅក្នុងអាជីពគេធ្លាប់បានយកឈ្នះពានជើងឯកចំនួន១១លើកនិងមានពិន្ទុសរុបក្នុងអាជីព៥៣៤ពិន្ទុ។ ដោយឡែកនៅលើតារាងជើងឯកឆ្នាំ២០១១នេះគេស្ថិតនៅលំដាប់ទី៦មាន៧០ពិន្ទុ៕
ចែករំលែកព័តមាននេះ