ខេត្តបន្ទាយមានជ័យ ៖ កាលពីវេលាម៉ោង៨និង២០នាទីព្រឹកថ្ងៃទី២៥ សីហា ២០១១ ប្រតិភូសភាពាណិជ្ជកម្មរបស់ខេត្តរាជបូរី ប្រទេសថៃ មួយក្រុមមានគ្នាប្រមាណ៥៦នាក់ បានចូលមកកម្ពុជាតាមច្រកទ្វារអន្តរជាតិប៉ោយប៉ែត ក្នុងគោលដៅឆ្ពោះទៅខេត្តសៀមរាប ដើម្បីជួបពិភាក្សា និងចាប់ដៃគូពាណិជ្ជកម្មជាមួយមណ្ឌលសភា
ខេត្តបន្ទាយមានជ័យ ៖ កាលពីវេលាម៉ោង៨និង២០នាទីព្រឹកថ្ងៃទី២៥ សីហា ២០១១ ប្រតិភូសភាពាណិជ្ជកម្មរបស់ខេត្តរាជបូរី ប្រទេសថៃ មួយក្រុមមានគ្នាប្រមាណ៥៦នាក់ បានចូលមកកម្ពុជាតាមច្រកទ្វារអន្តរជាតិប៉ោយប៉ែត ក្នុងគោលដៅឆ្ពោះទៅខេត្តសៀមរាប ដើម្បីជួបពិភាក្សា និងចាប់ដៃគូពាណិជ្ជកម្មជាមួយមណ្ឌលសភា ពាណិជ្ជកម្មខេត្តសៀមរាប ឧត្តរមានជ័យ។
ក្រុមប្រតិភូថៃមួយក្រុមនេះត្រូវភាគីកម្ពុជាយករថយន្តកាំមីញ៉ុង៤៥កៅអី ទៅទទួលដល់ក្នុងទឹកដីថៃ ពីសណ្ឋាគារ ឥណ្ឌូចិន ស្ថិតក្នុងស្រុកអារញ្ញ។
បើតាមប្រភពព័ត៌មានពីមន្ត្រីកម្ពុជាបានឱ្យដឹងថា ប្រតិភូមួយក្រុមនេះគឺមានទាំងអាជីវករ និងតំណាងក្រុមហ៊ុនមួយចំនួនមកពីខេត្តរាជបូរីនោះផងដែរ។
ប្រភពបន្តថា ប្រតិភូមួយក្រុមនេះចូលមកកម្ពុជាគឺក្នុងគោលបំណងដើម្បីពិភាក្សាលើការងារចាប់ដៃគូពាណិជ្ជកម្មរវាងខេត្តរាជបូរី ប្រទេសថៃ ជាមួយមណ្ឌលសភាពាណិជ្ជកម្ម ខេត្តសៀមរាប ឧត្តរមានជ័យ ហើយទីកន្លែងជួបពិភាក្សាគ្នានោះនឹងធ្វើឡើងនៅសណ្ឋាគារសាលីណា ក្នុងខេត្តសៀមរាប ហើយគ្រោងនឹងវិលត្រឡប់ទៅប្រទេសថៃវិញនៅថ្ងៃទី២៦ សីហា ២០១១ ៕
ចែករំលែកព័តមាននេះ