ខេត្តស្ទឹងត្រែង ៖ ដោយមើលឃើញសកម្មភាពឈ្មួញមមាញឹកទាំងថ្ងៃទាំងយប់ ហើយរថយន្តសមត្ថកិច្ចដាក់តាំងលំអដកដង្ហើមចោលនៅលើចិញ្ចើម ផ្លូវមិនបើកភ្នែកមើលរថយន្តដឹកបទល្មើសព្រៃឈើនោះលោកអភិបាលខេត្ត បានដឹកនាំបង្ក្រាបជំនួសសមត្ថកិច្ចទាំងនោះដោយផ្ទាល់។
ខេត្តស្ទឹងត្រែង ៖ ដោយមើលឃើញសកម្មភាពឈ្មួញមមាញឹកទាំងថ្ងៃទាំងយប់ ហើយរថយន្តសមត្ថកិច្ចដាក់តាំងលំអដកដង្ហើមចោលនៅលើចិញ្ចើមផ្លូវមិនបើកភ្នែកមើលរថយន្តដឹកបទល្មើសព្រៃឈើនោះលោកអភិបាលខេត្តបានដឹកនាំបង្ក្រាបជំនួសសមត្ថកិច្ចទាំងនោះដោយផ្ទាល់។
ជាក់ស្តែងនៅវេលាម៉ោង១០ទៅ១១យប់លោកអភិបាលខេត្តបានទៅបង្ក្រាបបទល្មើសព្រៃឈើដែលមានកម្លាំងមន្ត្រីនគរបាលនៃស្នងការដ្ឋានខេត្ត និងកម្លាំងកងរាជអាវុធហត្ថខេត្តចេញមើលសកម្មភាពរបស់ក្រុមឈ្មួញ និងសមត្ថកិច្ច ហើយជាលទ្ធផលលោកអភិបាលខេត្តជួបប្រទះរថយន្តទំនើបចំនួន២គ្រឿងដែលផ្ទុកឈើគ្រញូងជាច្រើន រួចយកទៅកាន់ស្នងការដ្ឋានខេត្តដើម្បីរក្សាទុក។
ប្រភពព័ត៌មានបង្ហើបឱ្យកោះសន្តិភាពដឹងថា ការបង្ក្រាបរបស់លោកអភិបាលខេត្តនេះ គឺធ្វើឡើងដោយសម្ងាត់ សូម្បីតែមន្ត្រីរដ្ឋបាលព្រៃឈើក៏មិនដឹងដែរ។ ក្នុងការចុះបង្ក្រាបនេះមិនត្រូវបានឃាត់ខ្លួនជនពាក់ព័ន្ធណាម្នាក់ឡើយ។ ចំពោះរថយន្តដឹកឈើទាំងពីរគ្រឿនេះមានរថយន្តម៉ាកឡង់គ្រីស្ស័រមួយគ្រឿង និងមួយគ្រឿងទៀតម៉ាកកាមរីឆ្លាម។ រថយន្តទាំងពីរគ្រឿងនេះផ្ទុកឈើប្រមាណ៣ពាន់គីឡូក្រាម។
លោកសាន់ និមល នាយការិយាល័យប្រឆាំងបទល្មើសសេដ្ឋកិច្ចឱ្យដឹងថា រថយន្ត និងឈើគ្រញូងដែលលោកបង្ក្រាបនៅយប់ថ្ងៃទី២២ សីហា ដែលមានការចុះបង្ក្រាបផ្ទាល់ពីលោកអភិបាលខេត្ត និងកម្លាំងកងរាជអាវុធហត្ថគឺជាឈើកំទេចកំទី និងគល់ប៉ុណ្ណោះ ហើយត្រូវយកទៅរក្សាទុកក្នុងឃ្លាំងស្នងការដ្ឋាននគរបាល
ខេត្ត។
លោកអ៊ីវ ឯកសាវតី នាយខណ្ឌរដ្ឋបាលព្រៃឈើឱ្យដឹងថា ការបង្ក្រាបករណីនេះលោកមិនបានដឹងទេ ព្រោះជាប់កិច្ចការនៅភ្នំពេញ ហើយមន្ត្រីរបស់លោកក៏មិនបានចូលរួមដែរ។ ជុំវិញករណីនេះភ្នាក់ងារកោះសន្តិភាពមិនអាចទាក់ទងសុំថតរូបភាពរថយន្ត និងវត្ថុតាងបទល្មើសបានទេ៕
ចែករំលែកព័តមាននេះ