ខេត្តកំពង់ឆ្នាំង ៖ ស្ត្រីពុំស្គាល់អត្តសញ្ញាណម្នាក់បានត្រូវរថយន្តបុកស្លា.ប់ កាលពីវេលាម៉ោង១១និង៤៥នាទីយប់ថ្ងៃទី២២ សីហា ឆ្នាំ២០១១ នៅតាមបណ្តោយផ្លូវជាតិលេខ៥ ត្រង់ចន្លោះគីឡូម៉ែត្រលេខ៨៣ និង៨៤ ស្ថិតក្នុងភូមិថ្មី ឃុំជ្រៃបាក់ ស្រុករលាប្អៀរ ។
ខេត្តកំពង់ឆ្នាំង ៖ ស្ត្រីពុំស្គាល់អត្តសញ្ញាណម្នាក់បានត្រូវរថយន្តបុកស្លាប់ កាលពីវេលាម៉ោង១១និង៤៥នាទីយប់ថ្ងៃទី២២ សីហា ឆ្នាំ២០១១ នៅតាមបណ្តោយផ្លូវជាតិលេខ៥ ត្រង់ចន្លោះគីឡូម៉ែត្រលេខ៨៣ និង៨៤ ស្ថិតក្នុងភូមិថ្មី ឃុំជ្រៃបាក់ ស្រុករលាប្អៀរ ។
យោងតាមប្រភពពីមន្ត្រីប៉ូលិសចរាចរស្រុករលាប្អៀរ បាននិយាយថា ស្ត្រីរងគ្រោះរូបនោះមានអាយុប្រមាណ៣៥ឆ្នាំ ពាក់អាវនិងស្លៀកខោក្រឡាការ៉ូស-ខ្មៅ កាត់សក់ការ៉េ សក់ក្បាលលើរាងទំពែកបន្តិច។ ប្រភពដដែលបានអះអាងថា ស្ត្រីរូបនេះជាមនុស្សវិកលចរិត តែងដើរនៅម្តុំកន្លែងកើតហេតុ និងតែងហៅរថយន្តតាមថ្នល់ជាតិឱ្យឈប់ធ្វើឱ្យអ្នកបើកបររថយន្តបង្ខំចិត្តជាន់ហ្វ្រាំងយ៉ាងប្រថុចញ៉ុច រកកល់នឹងកើតគ្រោះថ្នាក់ចរាចរណ៍ទៀតផង។ នៅពេលកើតហេតុស្ត្រីរូបនេះបានដើរតាមថ្នល់ជាតិនៅកន្លែងកើតហេតុ ហើយក៏ត្រូវរថយន្តពុំស្គាល់ម៉ាកបុកបណ្តាលឱ្យរបួសធ្ងន់ធ្ងរ លុះនាំមកដល់មន្ទីរពេទ្យក៏បានស្លាប់តែម្តង។
សពស្ត្រីមិនស្គាល់អត្តសញ្ញាណនេះបានកំពុងតម្កល់ទុកនៅមន្ទីរពេទ្យនៅឡើយ ដើម្បីរង់ចាំក្រុមគ្រួសារដឹកយកទៅធ្វើបុណ្យតាមប្រពៃណី ប៉ុន្តែមិនដឹងថា ក្រុមគ្រួសារនៅឯណានោះទេ ហើយបើសិនជាមិនឃើញក្រុមគ្រួសារទេ ខាងមន្ទីរពេទ្យនឹងយកសពនេះទៅបញ្ចុះជាបណ្តោះអាសន្ន ទើបស្វែងរកក្រុមសាច់ញាតិជាក្រោយ៕
ចែករំលែកព័តមាននេះ