យោងទៅតាមប្រភពព័ត៌មានពីកាសែតអង់គ្លេសចេញផ្សាយកាលពីថ្ងៃអង្គារ ទី២៣ សីហា បានឱ្យដឹងថា ៖ គ្រូបង្វឹកដែលចូលចិត្តប្រើសង្គ្រាមពាក្យសំដី និងអំនួតច្រើនមូរីញ៉ូ អាចប្រឈមមុខនឹងការជាប់បម្រាម១២ប្រកួតពីបទប្រើអំពើហិ.ង្សាវាយតប់ជាមួយលោក Tito Vilanova ជំនួយការគ្រូបង្វឹកក្លឹប Barcelona ក្រោយពីបញ្ចប់ការប្រកួត
យោងទៅតាមប្រភពព័ត៌មានពីកាសែតអង់គ្លេសចេញផ្សាយកាលពីថ្ងៃអង្គារ ទី២៣ សីហា បានឱ្យដឹងថា ៖ គ្រូបង្វឹកដែលចូលចិត្តប្រើសង្គ្រាមពាក្យសំដី និងអំនួតច្រើនមូរីញ៉ូ អាចប្រឈមមុខនឹងការជាប់បម្រាម១២ប្រកួតពីបទប្រើអំពើហិង្សាវាយតប់ជាមួយលោក Tito Vilanova ជំនួយការគ្រូបង្វឹកក្លឹប Barcelona ក្រោយពីបញ្ចប់ការប្រកួតដណ្តើមពានរង្វាន់ស៊ុបពើរខាប់រវាងក្រុម Barcelona និងក្រុមរបស់លោកកាលពីថ្ងៃទី១៨ សីហា កន្លងមកនេះ ។
សហព័ន្ធបាល់ទាត់អេស្ប៉ាញបានអះអាងថា សហព័ន្ធនឹងបើកការស៊ើបសង្កេតបន្ទាន់មួយទៅលើករណីលោកមូរីញ៉ូ ដែលទង្វើបែបនេះវាខុសទៅនឹងច្បាប់ក្រមសីលធម៌កីឡា និងគ្រូបង្វឹកត្រង់មាត្រា៩៨ និង១០០ ។
ទោះបីជាមានការគំរាមពីសហព័ន្ធក្នុងការដាក់បម្រាមដល់រូបលោកបែបនេះក្តី ក៏លោកមូរីញ៉ូ មិនមានការភ្ញាក់ផ្អើលនោះទេ ហើយថែមទាំងនិយាយថា ៖ «ខ្ញុំនឹងធ្វើការសុំទោសត្រឹមតែអ្នកគាំទ្រ និងក្លឹបរបស់ខ្ញុំប៉ុណ្ណោះ តែខ្ញុំមិនធ្វើការសុំទោសដល់ក្លឹប Barcelona នោះទេ»។
គួររំលឹកដែរថា អំពើហិង្សាវាយតប់គ្នារវាងលោកមូរីញ៉ូ និងជំនួយការក្លឹប Barcelona បានកើតឡើងក្រោយពីអាជ្ញាកណ្តាលបណ្តេញកីឡាករ Marcelo របស់ក្លឹប Real M ចេញពីទីលានប្រកួតធ្វើឱ្យលោកមូរីញ៉ូ ខឹងសម្បារយ៉ាងខ្លាំង ហើយនៅចុងបញ្ចប់ការប្រកួតក៏មានឧប្បត្តិហេតុបែបនេះកើតឡើងតែម្តង៕
ចែករំលែកព័តមាននេះ