លោក HILDE JOHNSON អ្នកទទួលខុសត្រូវរបស់ អ.ស.ប នៅស៊ូដង់ខាងត្បូង រាយការណ៍ថា ការប៉ះទង្គិចគ្នានានារវាងពួកកុលសម្ព័ន្ធបណ្តាលឱ្យមនុស្សស្លា.ប់យ៉ាងតិច៦០០នាក់ និង៩៨៥នាក់ទៀតត្រូវរបួសចាប់តាំងពីថ្ងៃទី១៨ សីហា មក ក្នុងរដ្ឋ JONGLEI ប្រទេសស៊ូដង់ ខាងត្បូង ដែលទើបបង្កើតថ្មី។ លោកបានអំពាវនាវកាលពីថ្ងៃទី២២ សីហា
លោក HILDE JOHNSON អ្នកទទួលខុសត្រូវរបស់ អ.ស.ប នៅស៊ូដង់ខាងត្បូង រាយការណ៍ថា ការប៉ះទង្គិចគ្នានានារវាងពួកកុលសម្ព័ន្ធបណ្តាលឱ្យមនុស្សស្លាប់យ៉ាងតិច៦០០នាក់ និង៩៨៥នាក់ទៀតត្រូវរបួសចាប់តាំងពីថ្ងៃទី១៨ សីហា មក ក្នុងរដ្ឋ JONGLEI ប្រទេសស៊ូដង់ ខាងត្បូង ដែលទើបបង្កើតថ្មី។ លោកបានអំពាវនាវកាលពីថ្ងៃទី២២ សីហា ឱ្យមានភាពស្ងប់ស្ងាត់នៅទីនោះ។
អភិបាលរដ្ឋ JONGLEI លោក KUOL MANYANG JUUK ថ្លែងកាលពីថ្ងៃទី១៩ សីហា កន្លងមកនេះថា ការវាយប្រហារមួយនាថ្ងៃទី១៨ សីហា វេលាម៉ោង៥ព្រឹកបានបន្តពេញមួយថ្ងៃក្នុងអនុតំបន់ BIER។ លោកបញ្ជាក់ថា សាកសពមនុស្ស៣៨នាក់ត្រូវបានរកឃើញកាលពីថ្ងៃទី១៨ សីហា នៅតំបន់ BIER នេះ តែតុល្យការអាចមានខ្ពស់ជាងនេះទៀត។
អភិបាលរដ្ឋរូបនោះបន្តថា បណ្តាសមាជិកកុលសម្ព័ន្ធ MURLE សង្ស័យថា ជាអ្នកវាយប្រហារលើភូមិ៥របស់ពួកកុលសម្ព័ន្ធ LOU NUER ។ ពួកនេះបានចាប់កុមារ និងស្ត្រីទាំងឡាយ ដុតផ្ទះចោលជាច្រើនខ្នង ហើយប្លន់យកសត្វពាហនៈ។ ស៊ូដង់ខាងត្បូងបានក្លាយជារដ្ឋឯករាជ្យមួយកាលពីថ្ងៃទី៩ កក្កដា ជាមួយការទ្រទ្រង់របស់សហគមន៍អន្តរជាតិ ក៏ប៉ុន្តែបណ្តាអ្នកការទូត នៅតែសម្តែងការព្រួយបារម្ភចំពោះស្ថេរភាពនយោបាយរបស់ប្រទេសនេះ និងភាពតានតឹងជាមួយក្រុងខាទុម ៕
ចែករំលែកព័តមាននេះ