រាជធានីភ្នំពេញ ៖ ខ្មាន់កាំភ្លើងដែលបា.ញ់សម្លា.ប់មន្ត្រីប៉ូលិស២នាក់មើលទៅគួរ ឱ្យរន្ធត់នោះ ត្រូវបានតុលាការបង្គាប់ឱ្យឃុំខ្លួនបណ្តោះអាសន្ននៅនាយកដ្ឋាន ព្រហ្មទណ្ឌក្រសួងមហាផ្ទៃបន្ទាប់ពីសាកសួរកាលពីរសៀលថ្ងៃទី២២ សីហា ២០១១ នៅសាលាដំបូងរាជធានីភ្នំពេញរួចមក។វេលាម៉ោង៥និង១០នាទីល្ងាច ថ្ងៃទី២២
រាជធានីភ្នំពេញ ៖ ខ្មាន់កាំភ្លើងដែលបាញ់សម្លាប់មន្ត្រីប៉ូលិស២នាក់មើលទៅគួរឱ្យរន្ធត់នោះ ត្រូវបានតុលាការបង្គាប់ឱ្យឃុំខ្លួនបណ្តោះអាសន្ននៅនាយកដ្ឋានព្រហ្មទណ្ឌក្រសួងមហាផ្ទៃបន្ទាប់ពីសាកសួរកាលពីរសៀលថ្ងៃទី២២ សីហា ២០១១ នៅសាលាដំបូងរាជធានីភ្នំពេញរួចមក។វេលាម៉ោង៥និង១០នាទីល្ងាចថ្ងៃទី២២ សីហា ២០១១ ខ្មាន់កាំភ្លើងឈ្មោះញៀវ ធឿន ហៅមាំង ត្រូវបានសមត្ថកិច្ចប៉ូលិសបណ្តើរចេញពីបន្ទប់សាកសួរ ដោយមានទឹកមុខហាក់ស្លេកស្លាំងជាងពេលចាប់ខ្លួនដំបូង ។
គួររំលឹកថា ខ្មាន់កាំភ្លើងបាញ់ប្រហារមន្ត្រីប៉ូលិស២នាក់ ស្លាប់កាលពីជាងមួយសប្តាហ៍មុន ឈ្មោះញៀវ ធឿន ហៅមាំង ត្រូវបានប៉ូលិសនាំខ្លួនកាលពីវេលាម៉ោង៤និង៣០រសៀលថ្ងៃទី១៩ សីហា២០១១ ខណៈសំងំលាក់ខ្លួននៅផ្ទះបងថ្លៃក្នុងក្រុងតាខ្មៅ។ តាមក្រុមសាច់ញាតិខ្មាន់កាំភ្លើងឈ្មោះញៀវ ធឿន ហៅមាំង បានឱ្យដឹងថា ពេលសម្ងំលាក់ខ្លួននៅក្រុងតាខ្មៅ សាច់ញាតិបានបញ្ចុះបញ្ចូលឱ្យមាំងទៅសារភាពប្រគល់ខ្លួនឱ្យសមត្ថកិច្ចទៅ ក្រែងនៅមានជីវិត ។
សូមបញ្ជាក់ថា កាលពីយប់ថ្ងៃទី១៤ សីហា មានចោរមួយក្រុមបម្រុងប្លន់ជនបរទេសដូចសព្វដងទៀត ប៉ុន្តែដោយសារជនល្មើសបានឃើញ និងសង្ស័យលើកម្លាំងសមត្ថកិច្ចទើបពួកគេបានបោះបង់សកម្មភាពហើយគេចខ្លួន។ ដូច្នេះពេលកំណត់បានមុខសញ្ញាច្បាស់លាស់ ហើយលោកគង់ សុវិចិត្រ ហៅជា រហស្សនាមរាត្រី៣៦ និងលោករឿង ប៉ូ ហៅមាស រហស្សនាមរាត្រី៨៥ បានបើករថយន្តតាមមុខសញ្ញានោះ លុះទៅដល់ក្បែរអង់តែនទូរទស្សន៍ជាតិទួលគោក មន្ត្រីនគរបាលទាំង២សម្រេចបើករថយន្តកៀរជនល្មើសឱ្យឈប់ដើម្បីត្រួតពិនិត្យ ។ ពេលនោះលោករឿងប៉ូ ហៅមាស រាត្រី៨៥ ចុះពីលើរថយន្តបាញ់គំរាម១គ្រាប់ និងប៉ុនប៉ងបាញ់មួយគ្រាប់ទៀត ប៉ុន្តែគាំងកាំភ្លើងជាការផ្តល់ឱកាសឱ្យជនល្មើសដកកាំភ្លើងពីចង្កេះបាញ់ស្រោចតបវិញ (ខណៈអាវុធរបស់រាត្រី៨៥ ត្រូវអាក់ស៊ីដង់) បណ្តាលឱ្យស្លាប់ភ្លាម ។ បន្ទាប់មកជនល្មើសបានបន្តបាញ់លោកគង់ សុវិចិត្រ ហៅជា រាត្រី៣៦ ដែលនៅកាន់ចង្កូតរថយន្តឱ្យស្លាប់បន្តទៀត ហើយជិះម៉ូតូគេចខ្លួនបាត់ទៅ ៕
ចែករំលែកព័តមាននេះ