ខេត្តព្រៃវែង ៖ គ្រឿងចក្រ២ដើមបានធ្វើសកម្មភាពជីកកាយដឹកជញ្ជូនយកអាចម៌ដីបឹងចាក់ខ្លាញ់ ស្ថិតក្នុងឃុំបាបោង ស្រុកពាមរក៍ ខេត្តព្រៃវែង។ ប្រភពពីប្រជាពលរដ្ឋ បានអោយដឹងថា គ្រឿងចក្រទាំង២ដើមនេះ បានចូលមកធ្វើសកម្មភាពជីកកាយដីបឹងចាក់ខ្លាញ់រយ:ពេលជាង១ខែហើយ…
ខេត្តព្រៃវែង ៖ គ្រឿងចក្រ២ដើមបានធ្វើសកម្មភាពជីកកាយដឹកជញ្ជូនយកអាចម៌ដីបឹងចាក់ខ្លាញ់ ស្ថិតក្នុងឃុំបាបោង ស្រុកពាមរក៍ ខេត្តព្រៃវែង។ ប្រភពពីប្រជាពលរដ្ឋ បានអោយដឹងថា គ្រឿងចក្រទាំង២ដើមនេះ បានចូលមកធ្វើសកម្មភាពជីកកាយដីបឹងចាក់ខ្លាញ់រយ:ពេលជាង១ខែហើយ ឃើញតែរថយន្តប៉ែនតូចធំជាច្រើនគ្រឿងដឹកជញ្ជូនអាចម៌ដីចេញជារៀងរាល់ថ្ងៃ មិនដឹងគេដឹកយកទៅនៅកន្លែងណាទេ។
ប្រភពដដែលបញ្ជាក់បន្ថែមថា បឹងចាក់ខ្លាញ់គឺជាបឹងធម្មជាតិកើតមានឡើងតាំពីដូនតាមកម្លេះ ផ្ទៃលាតសន្ធឹង នឹងមានសារ:សំខាន់ណាស់ សម្រាប់បងប្អូនប្រជាពលរដ្ឋរស់នៅជុំវិញបឹងក្នុងឃុំបាបោងនិងឃុំពាមរក៍ប្រើប្រាស់ទឹកអាស្រ័យផលស្រោចស្របផលដំណាំផ្សេងៗចិញ្ចឹមជីវិត។ប៉ុន្តែបច្ចុប្បន្នបឹងចាក់ខ្លាញ់នេះ ត្រូវបានជនជាតិវៀតណាមនិងខ្មែររំលោភបំពានយកធ្វើជាកម្មសិទ្ធ មានខ្លះសាងសង់ផ្ទះថ្ម ផ្ទះឈើនិងជីកស្រះចិញ្ចឹមត្រីដូចរុនបាយខុន ធ្វើអោយផ្ទៃបឹងពី១ឆ្មាំទៅ១ឆ្មាំរួមតូចទៅៗ អត់មានអាជ្ញាធរណាឈឺក្បាលឡើយ ។
ជុំវិញគ្រឿងចក្រ២គ្រឿងជីកកាយដីបឹងចាក់ខ្លាញ់នេះ លោក កៅ ពិសី អភិបាលស្រុកពាមរក៍ បានប្រាប់អ្នកសារព៌តមានតាមប្រព័ន្ធតេឡេក្រាមអោយដឹងនារសៀលថ្ងៃទី៧ ខែកក្កដា ឆ្នាំ២០២៥នេះថា ការងារនេះគេមានច្បាប់ទម្លាប់សុំគ្រប់មន្ត្រីជំនាញដល់ខេត្តដើម្បីស្តារបឹងចាក់ខ្លាញ់នេះអោយមានជម្រៅជ្រៅ ហើយអាចម៌ដីគេដឹកយកមកចាក់លុបកន្លែងកសិដ្ឋានភ្ញាស់កូនត្រីធ្វើការអភិវឌ្ឍន៍។ ចំណែកអាជ្ញាធរឃុំនិងម្ចាស់គ្រឿងចក្រអ្នកសារព៌តមានយើងមិនអាចទំនាក់ទំនងសូមការបំភ្លឺបានទេ។ ដោយទូរស័ព្ទតេចូលតែគ្មានអ្នកលើក។
សង្ស័យណាស់ សុទ្ធតែចែកផលប្រយោជន៍គ្នា ទាំងអ្នកយល់ព្រម ទាំងអ្នកជីក ឯរាស្ត្រខាតបង់ផលប្រយោជន៍ទាំងអស់ពីបឹងនេះ។
ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព ៕
ចែករំលែកព័តមាននេះ