ខេត្តស្ទឹងត្រែង ៖ មកទល់នឹងវេលាថ្ងៃទី២២ សីហា ២០១១ នេះ ប្រជាពលរដ្ឋខ្មែរម្នាក់រស់នៅស្រុកសៀមប៉ាង ខេត្តស្ទឹងត្រែង ដែលត្រូវតម្រួតព្រំដែនឡាវ ចាប់ខ្លួនពីបទឆ្លងដែនចូលដីឡាវដោយខុសច្បាប់ កាលពីថ្ងៃទី១៦ សីហា កន្លងមកនេះ នៅមិនទាន់អាជ្ញាធរឡាវដោះលែងមកវិញនៅឡើយទេ។
ខេត្តស្ទឹងត្រែង ៖ មកទល់នឹងវេលាថ្ងៃទី២២ សីហា ២០១១ នេះ ប្រជាពលរដ្ឋខ្មែរម្នាក់រស់នៅស្រុកសៀមប៉ាង ខេត្តស្ទឹងត្រែង ដែលត្រូវតម្រួតព្រំដែនឡាវ ចាប់ខ្លួនពីបទឆ្លងដែនចូលដីឡាវដោយខុសច្បាប់ កាលពីថ្ងៃទី១៦ សីហា កន្លងមកនេះ នៅមិនទាន់អាជ្ញាធរឡាវដោះលែងមកវិញនៅឡើយទេ។
គួររំលឹកថា កាលពីវេលាម៉ោង៤និង៤០នាទីរសៀលថ្ងៃទី១១ សីហា ២០១១ ប្រជាពលរដ្ឋខ្មែរ២នាក់ ក្នុងនោះ១នាក់ត្រូវបានតម្រួតព្រំដែនឡាវបាញ់ បណ្តាលឱ្យត្រូវប្រអប់ជើងខាងឆ្វេងពីស្មងជើងធ្លាយបាតជើង ឈ្មោះទា បឿន អាយុ២១ឆ្នាំ រស់នៅភូមិកញ្ចាញគោក ឃុំស្រែសំបូរ ស្រុកសៀមប៉ាង និងម្នាក់ទៀតត្រូវចាប់ខ្លួនឈ្មោះផៃ ធិន អាយុ១៨ឆ្នាំ រស់នៅភូមិខិក្រោម ឃុំព្រែកមាស ស្រុកសៀមប៉ាង ។ ហេតុការណ៍នេះបានកើតឡើង នៅចន្លោះបង្គោលព្រំដែនលេខ៥៦ និង៥៧ ចម្ងាយពីទឹកដីកម្ពុជា២គីឡូម៉ែត្រ។ មេបញ្ជាការវរការពារព្រំដែន៧០១ លោកស៊ុន បាន ធ្លាប់បានលើកឡើងថា ការជួបប្រជុំជាមួយភាគីឡាវ យើងបានសំណូមពរដល់ភាគីឡាវ ប្រសិនបើមានការឆ្លងដែនហួសខ្សែបន្ទាត់ ឬខុសយ៉ាងណា មេត្តាកុំបាញ់បោះអី សូមទុកឱ្យមានជីវិត និងកុំឱ្យមានរបួស ដោយរង់ចាំដោះស្រាយតាមច្បាប់រៀងៗខ្លួន តែមិនដឹងជាមូលហេតុអ្វីទេ ទើបតម្រួតព្រំដែនឡាវបាញ់បណ្តាលឱ្យបាក់ជើងដូចនេះ។
នៅព្រឹកថ្ងៃទី២២ សីហា ២០១១ នេះលោកឈុន វាសនា ជំនួយការរបស់លោកវរការពារព្រំដែនកម្ពុជា-ឡាវ បានបញ្ជាក់ថា រយៈកាលដែលទាហានឡាវបាញ់ និងចាប់ខ្លួនបញ្ជូនទៅខេត្តចំប៉ាសាក់ ប្រទេសឡាវនោះ ខាងនគរបាលវរការពារព្រំដែន៧០១ រួមជាមួយទាហានការពារព្រំដែន១០១ ព្រមទាំងក្រុមគ្រួសារ និងមេភូមិ េមឃុំបាននាំគ្នាទៅទំនាក់ទំនងខាងតម្រួតឡាវ ដើម្បីរកវិធីដោះស្រាយឱ្យបានឆាប់រហ័ស តែភាគីឡាវ បានឆ្លើយតបមកវិញថា នៅមិនទាន់បានចម្លើយពីថ្នាក់លើ ដូច្នេះនៅរង់ចាំបន្តិចទៀតសិន។ លោកបន្តថា ទោះបីជាយ៉ាងណា ដំណោះស្រាយនៅតែមាន។
បច្ចុប្បន្នពលរដ្ឋខ្មែរម្នាក់ឈ្មោះផៃ ធិន អាយុ១៨ឆ្នាំ នោះ កំពុងស្ថិតក្រោមការឃុំខ្លួននៅខេត្តចំប៉ាសាក់ ប្រទេសឡាវ។ ចំណែកពលរដ្ឋម្នាក់ឈ្មោះទា បឿន អាយុ២១ឆ្នាំ ដែលត្រូវតម្រួតឡាវបាញ់បណ្តាលឱ្យបែកប្រអប់ជើងខាងឆ្វេង កំពុងសម្រាកព្យាបាលនៅភូមិកំណើតខាងលើ ៕
ចែករំលែកព័តមាននេះ