មេដឹកនាំកូរ៉េខាងជើងគីម ជុងអ៊ីល បានទៅពិនិត្យរោងចក្រវារីអគ្គិសនីដ៏ធំបំផុតក្នុងប្រទេសរុស្ស៊ីដែលស្ថិតនៅភាគខាងកើតប្រទេស។ តាមសារព័ត៌មានពីរុស្ស៊ី Portamur និយាយថា កាលពីថ្ងៃទី២១ សីហា លោកគីមបានធ្វើដំណើរទៅទស្សនារោងចក្រអគ្គិសនី ក្នុងតំបន់ Amur ។ គាត់បានចាកចេញពីរថភ្លើងក្នុងស្ថានីយ៍រថភ្លើងមួយដែល
មេដឹកនាំកូរ៉េខាងជើងគីម ជុងអ៊ីល បានទៅពិនិត្យរោងចក្រវារីអគ្គិសនីដ៏ធំបំផុតក្នុងប្រទេសរុស្ស៊ីដែលស្ថិតនៅភាគខាងកើតប្រទេស។ តាមសារព័ត៌មានពីរុស្ស៊ី Portamur និយាយថា កាលពីថ្ងៃទី២១ សីហា លោកគីមបានធ្វើដំណើរទៅទស្សនារោងចក្រអគ្គិសនី ក្នុងតំបន់ Amur ។ គាត់បានចាកចេញពីរថភ្លើងក្នុងស្ថានីយ៍រថភ្លើងមួយដែលនៅក្បែររោងចក្រនោះ ហើយគាត់ត្រូវបានទទួលស្វាគមន៍យ៉ាងកក់ក្តៅ។
ក្រោយមក លោកគីម បានប្តូរទៅជិះរថយន្តដើម្បីធ្វើដំណើរបន្តទៅកាន់រោងចក្រអគ្គិសនី។ គាត់ត្រូវបានអភិបាលក្នុងតំបន់ពន្យល់បង្ហាញពីដំណើរការ និងសកម្មភាពរបស់រោងចក្រដូចជាចូលបន្ទប់កង្ហារទឹក និងពិនិត្យដំណើរនៃចរន្តទឹកក្នុងទំនប់។ ក្រោយមកទៀតលោកគីម បានចុះហត្ថលេខាលើបញ្ជីអ្នកចូលទស្សនារោងចក្រ។ នេះជាដំណើរលើកទីមួយរបស់លោកគីមជុងអ៊ីល មកកាន់ប្រទេសរុស្ស៊ីក្នុងរយៈពេល៩ឆ្នាំ។ គាត់បានធ្វើដំណើរតាមរថភ្លើងពិសេសពីតំបន់រុស្ស៊ីភាគខាងកើតទៅតំបន់ស៊ីបេ រី។
បន្ទាប់ពីបញ្ចប់ដំណើរទស្សនកិច្ច លោកគីម នឹងធ្វើដំណើរបន្តទៅកាន់ភាគខាងកើតនៃតំបន់ស៊ីបេរីក្នុងទីក្រុង Ulan-Ude ដែលជាទីកន្លែងជួបគ្នាដំបូងជាមួយប្រធានាធិបតីរុស្ស៊ីលោក Dmitry Medvedev ដែលនឹងប្រព្រឹត្តទៅនាសប្តាហ៍ក្រោយនេះ។ មេដឹកនាំាំទាំងពីរនឹងពិភាក្សាលើកម្មវិធីអាវុធ នុយក្លេអ៊ែរ បន្ទាប់មកបន្តកិច្ចចរចា៦ភាគគីឡើងវិញ ព្រមទាំងកិច្ចសហប្រតិបត្តិការពាណិជ្ជកម្មទ្វេភាគី៕
ចែករំលែកព័តមាននេះ