រាជធានីភ្នំពេញ ៖ និស្សិតសាកលវិទ្យាល័យបញ្ញាសាស្ត្រកម្ពុជាចំនួនជាង៥០០នាក់បាន ចូលរួមសិក្ខាសាលាស្តីពីកាតព្វកិច្ចនៃទីក្រុងនៅកម្ពុជា ដែលសិក្ខាសាលានោះផ្តោតជាសំខាន់ទៅលើការកសាងទីក្រុងត្រូវ ធ្វើឡើងនៅសាកលវិទ្យាល័យបញ្ញាសាស្ត្រ កាលពីថ្ងៃទី១៩ សីហា កន្លងមកនេះ។
រាជធានីភ្នំពេញ ៖ និស្សិតសាកលវិទ្យាល័យបញ្ញាសាស្ត្រកម្ពុជាចំនួនជាង៥០០នាក់បានចូលរួមសិក្ខាសាលាស្តីពីកាតព្វកិច្ចនៃទីក្រុងនៅកម្ពុជា ដែលសិក្ខាសាលានោះផ្តោតជាសំខាន់ទៅលើការកសាងទីក្រុងត្រូវធ្វើឡើងនៅសាកលវិទ្យាល័យបញ្ញាសាស្ត្រ កាលពីថ្ងៃទី១៩ សីហា កន្លងមកនេះ។
សិក្ខាសាលានេះត្រូវធ្វើឡើងក្រោមកិច្ចសហការរវាងសាកលវិទ្យាល័យបញ្ញាសាស្ត្រកម្ពុជា និងសមាគមស្ថាបត្យករកម្ពុជាក្នុងគោលបំណងផ្តល់ឱកាសឱ្យមានការផ្លាស់ប្តូរបទពិសោធន៍ក្នុងចំណោមស្ថាបត្យករ ដែលមានបទពិសោធន៍យូរឆ្នាំ គឺមានទាំងភាពងាយស្រួល និងការលំបាកនានា ធ្លាប់បានប្រទះឃើញនៅក្នុងការកសាងសំណង់ទីក្រុង។
សិក្ខាសាលាមានវាគ្មិនចំនួន៥នាក់ ដើម្បីធ្វើបទបង្ហាញ និងរង់ចាំឆ្លើយទៅនឹងសំណួរជាច្រើនរបស់និស្សិត។ តាមខ្លឹមសាររបស់សាកលវិទ្យាល័យបញ្ញាសាស្ត្រដែលបានចែកជូននៅក្នុងសិក្ខាសាលាបាននិយាយឱ្យដឹងថា ប្រទេសកំពុងអភិវឌ្ឍន៍ជាច្រើននៅលើពិភពលោក ស្ថិតក្រោមសម្ពាធនៃអភិវឌ្ឍន៍ទីក្រុងដ៏ឆាប់រហ័ស។ ដូចគ្នានេះដែរការរីកដុះដាលលើវិស័យសេដ្ឋកិច្ចរយៈពេល១០ឆ្នាំកន្លងមកនេះ វិស័យអភិវឌ្ឍន៍ទីក្រុងនៅប្រទេសកម្ពុជាមានការរីកចម្រើនគួរឱ្យកត់សម្គាល់។ ជាមួយអត្រាកំណើន២០ភាគរយ នៃប្រជាជនទីក្រុងនាឆ្នាំ២០០៨ និង៥០ភាគរយនៃកំណើនប្រជាជនសរុបត្រូវបានរាប់បញ្ចូល។ តាមការប៉ាន់ប្រមាណ១០ឆ្នាំទៅខាងមុខនេះចំនួនប្រជាជនសរុបនៅក្នុងទីក្រុង នឹងកើនឡើងដល់ទៅ៣០ភាគរយ ឬស្មើនឹង៥.៦លាននាក់។ ទោះបីជាយ៉ាងណា ការរៀបចំ និងអភិវឌ្ឍន៍ទីក្រុងនៅមិនទាន់បានយកចិត្តទុកដាក់ពីរដ្ឋាភិបាលជាតិនៅឡើយ សូម្បីតែនៅក្នុងឯកសារយុទ្ធសាស្ត្រ នៃការអភិវឌ្ឍជាតិ ក៏មិនទាន់រៀបចំដែរ។
ទស្សនៈនៃការអភិវឌ្ឍទីក្រុងឱ្យមានស្ថិរភាព និងការកើនឡើងនៃការប្រកួតប្រជែងនៅក្នុងតំបន់ និងលើពិភពលោកត្រូវបានលើកយកពិភាក្សាជាញឹកញាប់ករណីទាំងនេះមិនធ្លាប់ត្រូវយកមកពិភាក្សានៅក្រុងប្រទេសកម្ពុជានៅឡើយទេ។ ការប្រឹងប្រែងខ្លះទៀត ត្រូវបានធ្វើឡើងដើម្បីបង្កើតការរៀបចំទីក្រុង និងការគ្រប់គ្រងកែលំអ ប៉ុន្តែដំណើរការរបស់គេហាក់បីដូចជាមានសភាពយឺតយ៉ាវ។
នេះគឺជាការប្រឹងប្រែងដំបូង ដែលត្រូវបានផ្តួចផ្តើមឡើងដោយក្រុមអ្នកជំនាញផ្នែកស្ថាបត្យកម្ម និងរៀបចំទីក្រុងដើម្បីណែនាំពីសារៈសំខាន់នៃការរៀបចំទីក្រុង ទៅដល់និស្សិតជំនាញស្ថាបត្យកម្ម និងសំណង់។ ការធ្វើសិក្ខាសាលាខាងលើនេះ ត្រូវរំពឹងទុកថា មានការចាប់អារម្មណ៍ និងការចូលរួមពីសំណាក់អ្នកស្តាប់ សមាជិកសហគមន៍, អង្គការក្រៅរដ្ឋាភិបាលជាតិNGOs ដៃគូអភិវឌ្ឍន៍ និងអាជ្ញាធរមូលដ្ឋាននៅឆ្នាំក្រោយទៀត៕
ចែករំលែកព័តមាននេះ