ខេត្តបាត់ដំបង ៖ ក្រុមយុវជនរាប់រយនាក់ដែលមានជំនឿលើបារមីដ៏ពូកែស័ក្តិសិទ្ធិ របស់លោកតាដំបងគ្រញូង ពិតជាបានវិលត្រឡប់មកលត់ជង្គង់ចំពោះមុខរូបសំណាកលោកតាដំបង គ្រញូងជាថ្មី តាមការសន្យាមែន ជាមួយនឹងសំណែនផ្លែឈើទាខ្វៃ មាន់ស្ងោរ ដើម្បីបន់ស្រន់ លាបំណន់ ក្រោយពីពួកគេទទួលបានលទ្ធ
ខេត្តបាត់ដំបង ៖ ក្រុមយុវជនរាប់រយនាក់ដែលមានជំនឿលើបារមីដ៏ពូកែស័ក្តិសិទ្ធិរបស់លោកតាដំបងគ្រញូង ពិតជាបានវិលត្រឡប់មកលត់ជង្គង់ចំពោះមុខរូបសំណាកលោកតាដំបងគ្រញូងជាថ្មី តាមការសន្យាមែន ជាមួយនឹងសំណែនផ្លែឈើទាខ្វៃ មាន់ស្ងោរ ដើម្បីបន់ស្រន់ លាបំណន់ ក្រោយពីពួកគេទទួលបានលទ្ធផលប្រឡងជាប់សញ្ញាបត្រមធ្យមសិក្សាទុតិយភូមិដែលទើបបញ្ចប់ការប្រឡងកាលពីចុងខែកក្កដា កន្លងទៅថ្មីនេះ ប៉ុន្តែបេក្ខជនដែលប្រឡងធ្លាក់កំពុងដើរឈ្ងោកមុខ មិនហ៊ានមកជួបលោកតា ដំបងគ្រញូងឡើយ ព្រោះខ្លួនឯងរៀនខ្សោយពេក។
ចាប់តាំងពីព្រឹកថ្ងៃទី២០ សីហា ២០១១ រហូតមក ពោលគឺបន្ទាប់ពីការប្រកាសលទ្ធផលតែប៉ុន្មានម៉ោងប៉ុណ្ណោះ គេសង្កេតឃើញក្រុមយុវសិស្សទាំងប្រុស ទាំងស្រី រាប់រយនាក់ចាប់ផ្តើមមកលត់ជង្គង់នៅចំពោះមុខរូបសំណាកលោកតាដំបងគ្រញូងភ្លាមៗដែរ ជាមួយនឹងសំណែនដ៏ច្រើនសន្ធឹកសន្ធាប់តំរៀបគ្នាយ៉ាងមានរបៀបពាសពេញខឿននៃរង្វង់មូលរូបសំណាកលោកតាដំបងគ្រញូង ដែលលប់បាត់ទៅដោយផ្សែងធូបខ្មួលខ្មាញ់។
ស្ថិតក្នុងទឹកមុខញញឹមញញែម ដែលក្នុងដៃមានកាន់ចានដាក់ទាខ្វៃ១គូ លំអដោយបាច់ផ្កាចម្រុះអមជាមួយធូបប៉ុន្មានសរសៃផង កញ្ញាភេន សុផារី វ័យ២០ឆ្នាំ រស់នៅឯស្រុកសំឡូត បានផ្តល់បទសម្ភាសន៍ជាមួយកោះសន្តិភាពថា នាងមានក្តីរំភើបរីករាយខ្លាំងណាស់ ពេលដែលឈ្មោះរបស់នាងត្រូវគេប្រកាសថា ប្រឡងជាប់។ ព័ត៌មានលម្អិតនឹងផ្សាយជូននៅពេលក្រោយ និងនៅលើទំព័រកាសែតកោះសន្តិភាព៕
ចែករំលែកព័តមាននេះ