កីឡាករបារាំងសេបាស្ទៀន អូហ្ស៊ីយ៉េកំពុងខិតចូលកាន់តែជិតពានរង្វាន់ជើងឯកប្រណាំងរថយន្តប្រភេទរ៉ែលលីកម្មវិធី Rallye Deutschland បន្ទាប់ពីបានយកឈ្នះការប្រណាំងថ្ងៃទី២កាលពីថ្ងៃទី២០ សីហា កន្លងមក។ កម្មវិធីប្រណាំងនេះត្រូវបានរៀបចំធ្វើនៅទីក្រុង Trier ប្រទេសអាល្លឺម៉ង់។
កីឡាករបារាំងសេបាស្ទៀន អូហ្ស៊ីយ៉េកំពុងខិតចូលកាន់តែជិតពានរង្វាន់ជើងឯកប្រណាំងរថយន្តប្រភេទរ៉ែលលីកម្មវិធី Rallye Deutschland បន្ទាប់ពីបានយកឈ្នះការប្រណាំងថ្ងៃទី២កាលពីថ្ងៃទី២០ សីហា កន្លងមក។ កម្មវិធីប្រណាំងនេះត្រូវបានរៀបចំធ្វើនៅទីក្រុង Trier ប្រទេសអាល្លឺម៉ង់។
អូហ្ស៊ីយ៉េដែលបើកបរឱ្យក្រុម Citroen បានបញ្ចប់ការប្រណាំងក្នុងថិរវេលា២ម៉ោង៤៤នាទីនិង៤៣.២វិនាទីយកឈ្នះកីឡាករមិត្តរួមជាតិ និងរួមក្រុមសេបាស្ទៀន ឡូអែបដែលបានប្រើថិរវេលាយឺតជាង១នាទីនិង១១.៣វិនាទី។ កីឡាករអូហ្ស៊ីយ៉េទទួលបានឱកាសយកឈ្នះបន្ទាប់ពីរថយន្តរបស់កីឡាករជើងខ្លាំងឡូអែបបានបែកកង់មុខខាងស្តាំ។ ឡូអែបដែលបានគ្រងជើងឯកពិភពលោក៨លើករួចមកហើយនោះបានខកខានទៅវិញ ព្រោះយឺតអស់ជាង១នាទី។ គេបាននិយាយថា៖ «នៅលើផ្លូវខ្ញុំបានមើលឃើញដុំថ្មពីរទៅបីដុំហើយខ្ញុំគិតថា ប្រហែលជាដុំថ្មទាំងនេះហើយដែលធ្វើឱ្យកង់រថយន្តខ្ញុំធ្លាយ។ តើខ្ញុំអាចធ្វើអ្វីបានក្រៅពីឈប់រថយន្តធ្វើការជួសជុល»។
ចំណែកកីឡាករដែលបើកលឿនលំដាប់ទី៣បានទៅលើដានី ស័រដូ។ ស័រដូដែលបើកបរឱ្យក្រុម Mini បានចូលដល់ទីព្រ័ត្រដោយប្រើថិរវេលាយឺតជាងអូហ្ស៊ីយ៉េ២នាទីនិង១០.២វិនាទីឈ្នះកីឡាករមីកកូ ហ៊ីវ៉ូណឹនរបស់ក្រុមហ្វដដែលបានបញ្ចប់ការប្រណាំងក្នុងលំដាប់ទី៤។ ហ៊ីវ៉ូណឹនបានប្រើថិរវេលាច្រើនជាងអូហ្ស៊ីយ៉េ២នាទីនិង៤៣.៣វិនាទី។
កីឡាករភីធ័រ សូលបឺកបញ្ចប់ការប្រណាំងក្នុងលំដាប់ទី៦តាមពីក្រោយកីឡាករគ្រីស មីករបស់ក្រុម Mini ។ សូលបឺកដែលបើកបរឲ្យក្រុម Solberg Citroen បានប្រើថិរវវេលាច្រើនជាងកីឡាករអូហ្ស៊ីយ៉េ៣នាទីនិង៤២.៣វិនាទីនាំមុខកីឡាករគីមី រ៉េកកូណឹនដែលបញ្ចប់ការប្រណាំងក្នុងថិរវេលា២ម៉ោង៤៩នាទីនិង៩៦.៧វិនាទី ។ សម្រាប់រ៉េកកូណឹនចំណាត់ថ្នាក់លេខ៧នេះគឺជាលទ្ធផលមួយល្អបើប្រៀបធៀបនឹងការប្រណាំងក្នុងថ្ងៃដំបូង ៕
ចែករំលែកព័តមាននេះ