រាជធានីភ្នំពេញ ៖ ជាថ្មីម្តងទៀត អ្នកនាំពាក្យក្រសួងការពារជាតិកម្ពុជា បានបញ្ជាក់ថា កម្ពុជាគ្មានការងាកចេញពីស្មារតី និងនីតិវិធីនៃការអនុវត្តនូវដីកាបង្គាប់របស់តុលាការ យុត្តិធម៌អន្តរជាតិ ជាធរមានចេញកាលពីថ្ងៃទី១៨ កក្កដា ២០១១ នោះឡើយ ហើយដែលកម្ពុជា-ថៃ បានយល់ព្រម និងគោរពនូវដីកាបង្គាប់នេះ។
រាជធានីភ្នំពេញ ៖ ជាថ្មីម្តងទៀត អ្នកនាំពាក្យក្រសួងការពារជាតិកម្ពុជា បានបញ្ជាក់ថា កម្ពុជាគ្មានការងាកចេញពីស្មារតី និងនីតិវិធីនៃការអនុវត្តនូវដីកាបង្គាប់របស់តុលាការយុត្តិធម៌អន្តរជាតិ ជាធរមានចេញកាលពីថ្ងៃទី១៨ កក្កដា ២០១១ នោះឡើយ ហើយដែលកម្ពុជា-ថៃ បានយល់ព្រម និងគោរពនូវដីកាបង្គាប់នេះ។
ការបញ្ជាក់ជាថ្មីទៀត ចំពោះជំហររបស់កម្ពុជានេះធ្វើឡើងតាមរយៈសេចក្តីថ្លែងការណ៍របស់អ្នកនាំពាក្យក្រសួងការពារជាតិកម្ពុជាចេញផ្សាយកាលពីថ្ងៃទី២០ សីហា ២០១១ ដែលបានបដិសេធ និងច្រានចោលនូវអត្ថបទដែលបានចុះផ្សាយព័ត៌មានប្រឌិត និងបំពុលដោយកាសែតបាងកកប៉ុស្តិ៍ ចុះថ្ងៃទី២០ សីហា ២០១១ ក្រោមចំណងជើងថា «កម្ពុជាបន្ទន់ឥរិយាបថចំពោះបញ្ហាអ្នកសង្កេតការណ៍»។
សេចក្តីថ្លែងការណ៍អ្នកនាំពាក្យក្រសួងការពារជាតិ ក៏បានបដិសេធនូវព័ត៌មានប្រឌិតដែលបានលើកឡើងថា លោកទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិកម្ពុជា បាននិយាយឆ្លើយឆ្លងផ្ទាល់ និងឯកភាព ជាមួយនឹងលោកយុទ្ធសាក់ សាស្រី ប្រាផា រដ្ឋមន្ត្រីក្រសួងការពារជាតិថៃថា «អ្នកសង្កេតការណ៍ឥណ្ឌូណេស៊ី មិនត្រូវការត្រួតពិនិត្យនៃបទឈប់បាញ់នោះដែរ»៕
ចែករំលែកព័តមាននេះ