ខេត្តក្រចេះ ៖ ប៉ូលិសបានចាប់ឃាត់ខ្លួនបុរសពីរនាក់កសាងសំណុំរឿងបញ្ជូនទៅកាន់ សាលាដំបូងខេត្ត ក្រោយពីឆែកឆេររកឃើញមានលាក់ទុកអាវុធខ្លីមួយដើមខុសច្បាប់។ ការឃាត់ខ្លួននេះបានធ្វើឡើងកាលពីវេលាម៉ោង៩ព្រឹក ថ្ងៃទី១៨ សីហា ដោយកម្លាំងប៉ូលិសក្រុងក្រចេះសហការជាមួយកម្លាំងការិយាល័យកណ្តាល សណ្តាប់ធ្នាប់ នៅចំណុចស្ពានពាមទេរ ភូមិទី២ សង្កាត់រកា
ខេត្តក្រចេះ ៖ ប៉ូលិសបានចាប់ឃាត់ខ្លួនបុរសពីរនាក់កសាងសំណុំរឿងបញ្ជូនទៅកាន់សាលាដំបូងខេត្ត ក្រោយពីឆែកឆេររកឃើញមានលាក់ទុកអាវុធខ្លីមួយដើមខុសច្បាប់។ ការឃាត់ខ្លួននេះបានធ្វើឡើងកាលពីវេលាម៉ោង៩ព្រឹក ថ្ងៃទី១៨ សីហា ដោយកម្លាំងប៉ូលិសក្រុងក្រចេះសហការជាមួយកម្លាំងការិយាល័យកណ្តាលសណ្តាប់ធ្នាប់ នៅចំណុចស្ពានពាមទេរ ភូមិទី២ សង្កាត់រកាកណ្តាល ក្រុងក្រចេះ ខណៈបុរសទាំងពីរនាក់នេះកំពុងជិះម៉ូតូពីជើងទៅត្បូង។
លោកវរសេនីយ៍ត្រីអ៊ សំអាង អធិការប៉ូលិសក្រុងក្រចេះបានឱ្យដឹងថា បុរសទាំងពីរនាក់នេះ ម្នាក់ឈ្មោះកែវ សុខា អាយុ៣០ឆ្នាំ មានទីលំនៅក្នុងភូមិបាក់ខែង សង្កាត់ព្រែកលៀប ខណ្ឌឫស្សីកែវ រាជធានីភ្នំពេញ និងម្នាក់ទៀតឈ្មោះតិ ជ្រុយ អាយុ២៥ឆ្នាំ មានទីលំនៅភូមិល្វាសង្កាត់កោះដាច់ ខណ្ឌឫស្សីកែវ។ លោកអធិការបញ្ជាក់ថា ការចាប់ឃាត់ខ្លួននេះសមត្ថកិច្ចបានឆែកឆេររកឃើញអាវុធខ្លីធុនកា៥៤ផលិតនៅប្រទេសចិនចំនួន១ដើម និងមានគ្រាប់ចំនួន១គ្រាប់ ហើយកាំភ្លើងមួយដើមនេះគឺនៅសល់គុណភាព៦០ភាគរយ។
តាមប្រភពព័ត៌មានបានឱ្យដឹងថា បុរសទាំងពីរនាក់នេះជាមុខសញ្ញាទើបតែចេញពីពន្ធនាគារនៅខេត្តកណ្តាលដោយជាប់ចោទពីបទប្លន់ប្រដាប់អាវុធ។ លោកអធិការបានឱ្យដឹងទៀតថា ប៉ូលិសបានកសាងសំណុំរឿងបញ្ជូនបុរសទាំងពីរនាក់នេះទៅកាន់សាលាដំបូងខេត្ត រីឯអាវុធខ្លីសមត្ថកិច្ចកំពុងធ្វើការស្រាវជ្រាវបន្ត ៕
ចែករំលែកព័តមាននេះ