រាជធានីភ្នំពេញ,ប្រទេសកម្ពុជា(១៩ សីហា ២០១១) ៖ នៅថ្ងៃទី៥ ខែសីហា ឆ្នាំ ២០១១ ធនាគារអភិវឌ្ឍន៍អាស៊ី(ADB)បាន ទទួល​ដំណឹងថា អង្គការក្រៅរដ្ឋាភិបាលក្នុង ស្រុកគឺ​សមាគមធាងត្នោតSTT ដែលបានធ្វើការ​ពិនិត្យ​យ៉ាងសកម្មទៅលើផលប៉ះពាល់នៃការ តំាងទី​លំ​នៅថ្មីនៃគម្រោងស្តារផ្លូវដែកឡើង វិញសម្រាប់​ប្រទេសកម្ពុជា និងប្រទេសក្នុង មហាអនុតំបន់ទន្លេមេគង្គ គាំទ្រដោយធនាគារ អភិវឌ្ឍន៍អាស៊ីត្រូវបានផ្អាកសកម្មភាពរយៈ ពេល៥ខែ ​ចាប់​តំាង​ពីថ្ងៃទី១ ខែសីហានេះទៅ។ កាលពីម្សិលមិញ ធនាគារអភិវឌ្ឍន៍អាស៊ីបាន ទទួលព័ត៌មានថា អង្គការក្រៅរដ្ឋាភិបាលមួយ ផ្សេងទៀត ដែល​បាន​ចូលរួមអង្កេតលើគម្រោង ផ្លូវរថភ្លើង គឺ​អង្គការក្រៅរដ្ឋាភិបាលអន្តរជាតិ Bridge  Across  Borders Cambodia (BABC) ត្រូវបានស្នើឱ្យចូលរួមប្រជុំមួយជា មួយក្រសួងការ​បរទេស អំពីសកម្មភាពរបស់ អង្គការនេះ។

ចាប់តាំងពីការបដិសន្ធិនៃគម្រោងផ្លូវរថភ្លើង​មក សមាគមធាងត្នោតSTT និងអង្គការ BABC បានផ្តល់ព័ត៌មានសំខាន់ៗអំពីការវិវត្ត នៃការតាំងទីលំនៅថ្មី ដែលជួយបង្ហាញពីតម្រូវ ការរបស់គ្រួសារដែលរងផលប៉ះពាល់ពីគម្រោង ឱ្យក្រុមការងារទទួលបន្ទុកកិច្ចការតំាងទីលំនៅ​ថ្មីនៃគម្រោងផ្លូវរថភ្លើង។
ធនាគារអភិវឌ្ឍន៍អាស៊ី ADB ពិនិត្យពីការ វិវត្តថ្មីៗនេះយ៉ាងយកចិត្តទុកដាក់ ហើយបាន ជួបជាមួយសមាគមធាងត្នោតSTTអង្គការ BABC និងរដ្ឋាភិបាលកម្ពុជា អំពីបញ្ហានេះ។

ធនាគារអភិវឌ្ឍន៏អាស៊ី ADB បេ្តជ្ញាយ៉ាង ពេញទំហឹងក្នុងការធ្វើការជាមួយអង្គការក្រៅ រដ្ឋាភិបាល សង្គមស៊ីវិល និងរដ្ឋាភិបាលកម្ពុជា ដើម្បីធានាថា គោលនយោបាយស្តីអំពីការការ ពារសង្គម និងបរិស្ថាន ត្រូវបានអនុវត្តក្នុងអំឡុង ពេលនៃការអនុវត្តគ្រប់គម្រោងទំាងអស់ ដែល គាំទ្រផ្នែកហិរញ្ញវត្ថុដោយធនាគារអភិវឌ្ឍន៍​អាស៊ី។

ធនាគារអភិវឌ្ឍន៍អាស៊ីADBជឿជាក់ថា អង្គការក្រៅរដ្ឋាភិបាលនិងសង្គមស៊ីវិលដើរ តួនាទីសំខាន់ក្នុងការអនុវត្តប្រកបដោយជោគ ជ័យនៃគម្រោងអភិវឌ្ឍន៍នានា ហើយសង្ឃឹមថា អង្គការក្រៅរដ្ឋាភិបាលនឹងត្រូវបានអនុញ្ញាតឱ្យ​បន្តការងាររបស់ពួកគេលើគម្រោងកែលម្អ​ផ្លូវ​រថភ្លើង៕