នាងគីម យូណាដែលប្រជាជនកូរ៉េខាងត្បូងប្រសិទ្ធនាមឱ្យថាជា «រាជិនីស្គីសម្តែងនៅលើទីលាន»បានព្រមទទួលយកការតែងតាំងតួនាទីជា ឯកអគ្គរដ្ឋអូឡាំពិកពិសេសពិភពលោកសម្រាប់ព្រឹត្តិការណ៍ប្រកួតកីឡា អូឡាំពិកពិភពលោកក្នុងឆ្នាំ២០១៣នៅក្រុងពីយ៉ុងឆាង។
នាងគីម យូណាដែលប្រជាជនកូរ៉េខាងត្បូងប្រសិទ្ធនាមឱ្យថាជា«រាជិនីស្គីសម្តែងនៅលើទីលាន»បានព្រមទទួលយកការតែងតាំងតួនាទីជាឯកអគ្គរដ្ឋអូឡាំពិកពិសេសពិភពលោកសម្រាប់ព្រឹត្តិការណ៍ប្រកួតកីឡាអូឡាំពិកពិភពលោកក្នុងឆ្នាំ២០១៣នៅក្រុងពីយ៉ុងឆាង។
សម្រាប់នាងគីម យូណានេះគឺជាតួនាទីថ្មីមួយទៀតដែលនាងត្រូវបំពេញបន្ទាប់ពីនាងទទួលបានជោគជ័យនៅក្នុងការបំពេញតួនាទីចុងក្រោយបំផុតជួយឃោសនាឱ្យទីក្រុងពីយ៉ុងឆាងទទួលបានការគាំទ្រយ៉ាងច្រើនលើសលប់ជាប់ជាម្ចាស់ផ្ទះរៀបចំការប្រកួតកីឡាអូឡាំពិករដូវរងាឆ្នាំ២០១៨ ។
នៅក្នុងនាមជាអ្នកឃោសនាឱ្យទីក្រុងរបស់ខ្លួន នាងយូណាបំពេញភារកិច្ចទំនាក់ទំនងសាធារណៈបានយ៉ាងល្អប្រសើរទាំងនៅក្នុងប្រទេសនិងក្រៅប្រទេស។
ការទទួលបានតួនាទីថ្មីក្នុងនាមជាឯកអគ្គរដ្ឋទូតអូឡាំពិកពិសេសលើកនេះរឹតតែធ្វើឲ្យភាពល្បីល្បាញរបស់នាងលេចធ្លោឡើង។ ភាពលេចធ្លោនេះក៏បានផ្តល់ផលប្រយោជន៍មួយផ្នែកចំពោះនាងផងដែរ ជាពិសេសលើចំណូលប្រចាំឆ្នាំ។
យោងតាមការធ្វើចំណាត់ថ្នាក់ប្រភេទប្រាក់ចំណូលប្រចាំឆ្នាំរបស់បណ្តាអត្តពលិកក្នុងលោកដោយទស្សនាវដ្តីForbesដែលចេញផ្សាយក្នុងខែសីហានេះឲ្យដឹងថាមានកីឡាការិនីចំនួន១០រូបដែលរកចំណូលបានច្រើនជាងគេដោយក្នុងនោះក៏មាននាងគីម យូណាផងដែរ។ នាងយូណាស្ថិតនៅលំដាប់ទី៧ដោយរកចំណូលបានប្រមាណ១០លានដុល្លារ ពោលគឺច្រើនជាងកំពូលកីឡាការិនីតឺន្នីសរបស់ចិនលីណា។
នេះគ្រាន់តែជាចំណូលដែលគិតរយៈពេល១២ខែកន្លងមកបញ្ចប់ត្រឹមថ្ងៃទី១ខែកក្កដាឆ្នាំ២០១១នេះប៉ុណ្ណោះ។
ព្រឹត្តិការណ៍អូឡាំពិកពិសេសត្រូវបានរៀបចំធ្វើរៀងរាល់២ឆ្នាំម្តងគឺជាព្រឹត្តិការណ៍ប្រកួតសម្រាប់បណ្តាអត្តពលិកដែលមានបញ្ញាខ្សោយ។ ឯកអគ្គរដ្ឋទូតបច្ចុប្បន្នរបស់ព្រឹត្តិការណ៍កីឡានេះមានដូចជា ម៉ៃឃើល ហ្វែ៊ល(ជើងឯកអូឡាំពិកវិញ្ញាសាហែលទឹក) តារាសម្តែងចិននាងហ្សាង ហ្ស៊ីលី តារាបាល់បោះចិនយ៉ាវ មីង តារាស្គីសម្តែងរបស់អាមេរិកនាងមីសែល វ៉ាន់ជាដើម…៕
ចែករំលែកព័តមាននេះ