កីឡាករលីយ៉ូណេល ម៉េសស៊ី កំពូលខ្សែប្រយុទ្ធជនជាតិអាហ្សង់ទីន បានបង្ហាញស្នាមសាក់រូបផ្ទៃមុខម្តាយរបស់ខ្លួននៅលើខ្នង ក្នុងអំឡុងពេលសម្រាកលំហែកាយជាមួយគូស្នេហ៍នៅប្រទេសអេស្ប៉ាញ។ ខ្សែប្រយុទ្ធអាយុ២៤ឆ្នាំរូបនេះ បានចំណាយពេលសម្រាកលំហែកាយជាមួយនាងអាន់តូណេលឡា រ៉ូគូសសូ ជាគូស្នេហ៍
កីឡាករលីយ៉ូណេល ម៉េសស៊ី កំពូលខ្សែប្រយុទ្ធជនជាតិអាហ្សង់ទីន បានបង្ហាញស្នាមសាក់រូបផ្ទៃមុខម្តាយរបស់ខ្លួននៅលើខ្នង ក្នុងអំឡុងពេលសម្រាកលំហែកាយជាមួយគូស្នេហ៍នៅប្រទេសអេស្ប៉ាញ។
ខ្សែប្រយុទ្ធអាយុ២៤ឆ្នាំរូបនេះ បានចំណាយពេលសម្រាកលំហែកាយជាមួយនាងអាន់តូណេលឡា រ៉ូគូសសូ ជាគូស្នេហ៍ រួមជាមួយកីឡាករដានៀល អាល់វ៉េស មិត្តរួមក្លឹបបាសេឡូណាទៅដើរកម្សាន្តក្នុងថ្ងៃឈប់សម្រាកនៅតំបន់អ៊ីប៊ីសា ប្រទេសអេស្ប៉ាញ។ នៅក្នុងអំឡុងពេលនៃការសម្រាកលំហែកាយខាងលើ អ្នកប្រមាញ់រូបថតបានចាប់យករូបភាពស្នាមសាក់នៅលើខ្នងខាងឆ្វេងដែលជារូបផ្ទៃមុខរបស់លោកស្រីស៊ីលីយ៉ា គូសស៊ីទីនី ម្តាយរបស់កីឡាករម៉េសស៊ី ។ ការសាក់នេះគឺដើម្បីជាការបង្ហាញពីក្តីគោរពនិងស្រឡាញ់ដ៏លើសលប់ចំពោះម្តាយរបស់ខ្លួន។
ការបង្ហាញពីទឹកចិត្តស្រឡាញ់ម្តាយរបស់ម៉េសស៊ីនេះ គឺមិនមែនជាលើកដំបូងឡើយដោយមុននេះធ្លាប់ត្រូវបានពិន័យជាប្រាក់២.០០០អឺរ៉ូ ក្រោយពីកីឡាកររូបនេះបង្ហាញអត្ថន័យជូនពរថ្ងៃខួបកំណើតដល់ម្តាយរបស់ខ្លួន ក្រោយពីបានស៊ុតបញ្ចូលទីក្លឹប Santander ក្នុងការប្រកួតក្របខណ្ឌ Laliga អេស្ប៉ាញកាលពីខែមករាកន្លងទៅ៕
ចែករំលែកព័តមាននេះ