វិទ្យាសាស្ត្រស្រាវជ្រាវអវកាសប្រេស៊ីល INPE ផ្អែកលើទិន្នន័យផ្កាយរណបបណ្តោះអាសន្នគូសបញ្ជាក់កាលពីថ្ងៃទី១៧ សីហា ថា ការកា.ប់បំផ្លាញព្រៃឈើក្នុងតំបន់ព្រៃអាម៉ាហ្សូនប្រេស៊ីលមានការកើនឡើង១៥% រយៈពេល១២ខែចុងក្រោយនេះ ទោះបីជាមានការថយចុះចំនួនពាក់កណ្តាលកាលពីខែកក្កដា ២០១១ បើប្រៀបធៀបទៅនឹងខែកក្កដា ឆ្នាំ២០១០ ក៏ដោយ
វិទ្យាសាស្ត្រស្រាវជ្រាវអវកាសប្រេស៊ីល INPE ផ្អែកលើទិន្នន័យផ្កាយរណបបណ្តោះអាសន្នគូសបញ្ជាក់កាលពីថ្ងៃទី១៧ សីហា ថា ការកាប់បំផ្លាញព្រៃឈើក្នុងតំបន់ព្រៃអាម៉ាហ្សូនប្រេស៊ីលមានការកើនឡើង១៥% រយៈពេល១២ខែចុងក្រោយនេះ ទោះបីជាមានការថយចុះចំនួនពាក់កណ្តាលកាលពីខែកក្កដា ២០១១ បើប្រៀបធៀបទៅនឹងខែកក្កដា ឆ្នាំ២០១០ ក៏ដោយ ។
ពីខែកក្កដា ឆ្នាំ២០១០ ដល់ខែកក្កដា ឆ្នាំ២០១១ ព្រៃអាម៉ាហ្សូន បានបាត់បង់ចំនួន២.៦៥៤គីឡូម៉ែត្រក្រឡា ពិសេសក្នុងរដ្ឋម៉ាតូហ្គ្រោសូ និងរដ្ឋប៉ារ៉ា (ភាគខាងជើង)។ រយៈពេល១២ខែមុននេះ ព្រៃអាម៉ាហ្សូនបានបាត់បង់២.២៩៥គីឡូម៉ែត្រក្រឡា ។ សម្រាប់ខែកក្កដា តែមួយគត់ ព្រៃអាម៉ាហ្សូនដល់ទៅ២២៥គីឡូម៉ែត្រក្រឡា បានត្រូវបំផ្លាញ ក៏ប៉ុន្តែប្រការនេះតំណាងឱ្យពាក់កណ្តាលប៉ុណ្ណោះ នៃតំបន់ដាំដើមឈើឡើងវិញ កាលពីឆ្នាំទៅមិញ ដែលមានទំហំ៤៨៥គីឡូម៉ែត្រក្រឡា។
ក្រោយការខិតខំប្រឹងប្រែងមួយរបស់រដ្ឋាភិបាលក្នុងការតស៊ូប្រឆាំងនឹងការបំផ្លាញព្រៃឈើ ការកាប់បំផ្លាញនេះនៅតែមានការកើនឡើងខ្លាំងកាលពីខែមេសា កន្លងមកនេះគឺព្រៃឈើ៤៧៧គីឡូម៉ែត្រក្រឡាត្រូវកាប់បំផ្លាញក្នុងនោះជិត៤០៦គីឡូម៉ែត្រក្រឡា ក្នុងរដ្ឋម៉ាតូ ហ្គ្រោសូ ជាដែនដីចិញ្ចឹមសត្វពាហនៈ និងជាតំបន់ផលិតសណ្តែកសៀងដ៏ធំមួយ ។ រដ្ឋមន្ត្រីក្រសួងបរិស្ថានប្រើស៊ីល លោកស្រីអ៊ីហ្សាបែល តីសីរ៉ា ធ្លាប់បានប្រកាសពីការបង្កើតការិយាល័យនៃវិបត្តិមួយប្រឆាំងនឹងការកាប់បំផ្លាញព្រៃឈើ ហើយកាលពីខែឧសភា ការកាប់បំផ្លាញព្រៃឈើមានការថយចុះ២៦៨គីឡូម៉ែត្រក្រឡា ៕
ចែករំលែកព័តមាននេះ