មនុស្សយ៉ាងតិច៣៩នាក់បានត្រូវស្លា.ប់កាលពីថ្ងៃទី១៧ និង១៨ សីហា នៅក្រុងការ៉ាជី ជាទីក្រុងធំមួយនៅភាគខាងត្បូងប៉ាគីស្ថានដែលហែកហួដោយជម្លោះនយោបាយ និងម៉ាហ្វីយ៉ា ។ យោងតាមប៉ូលិសថា អតីតសមាជិកសភាម្នាក់នៃគណបក្សប្រជាជនប៉ាគីស្ថាន កំពុងកាន់អំណាចលោកវ៉ាចា ការីមដាដ ស្ថិតក្នុងចំណោមជនរងគ្រោះដោយ
មនុស្សយ៉ាងតិច៣៩នាក់បានត្រូវស្លាប់កាលពីថ្ងៃទី១៧ និង១៨ សីហា នៅក្រុងការ៉ាជី ជាទីក្រុងធំមួយនៅភាគខាងត្បូងប៉ាគីស្ថានដែលហែកហួដោយជម្លោះនយោបាយ និងម៉ាហ្វីយ៉ា ។ យោងតាមប៉ូលិសថា អតីតសមាជិកសភាម្នាក់នៃគណបក្សប្រជាជនប៉ាគីស្ថាន កំពុងកាន់អំណាចលោកវ៉ាចា ការីមដាដ ស្ថិតក្នុងចំណោមជនរងគ្រោះដោយសារអំពើហិង្សាទាំងនេះដែលនៅបន្ត ទោះបីមានការដាក់ពង្រាយកាលពីខែ កក្កដា នូវទាហានបន្ថែមជាច្រើនរយនាក់ទៀត ក្នុងទីក្រុងនេះក៏ដោយ ។
ប្រមុខប៉ូលិសក្រុងការ៉ាជីថ្លែងថា តុល្យការជនរងគ្រោះចាប់ពីព្រឹកថ្ងៃទី១៧ សីហា មកអ្នកស្លាប់ឡើងដល់៣៩នាក់ ហើយអំពើហិង្សាកើតមានក្នុងសង្កាត់ជាច្រើននៃក្រុងការ៉ាជីពិសេសក្នុងសង្កាត់លីយ៉ារីភាគខាងត្បូងក្រុងនេះ ។ សភាពការណ៍នៅតែតានតឹងក្នុងសង្កាត់លីយ៉ារី និងក្នុងសង្កាត់ដទៃៗទៀត ភាគខាងត្បូងក្រុងការ៉ាជី ដែលនៅទីនោះមានការបាញ់កាំភ្លើងរប៉េះរប៉ោះនៅឡើយ ។ អ្នកទទួលខុសត្រូវប៉ូលិសម្នាក់ស្នើមិនបញ្ចេញឈ្មោះនិយាយថា នោះជាសកម្មភាពរបស់ពួកម៉ាហ្វីយ៉ា ។
នាយករដ្ឋមន្ត្រីប៉ាគីស្ថានលោកយូសូហ្វ រ៉ាហ្សាហ្ស៊ីឡានី បានបញ្ជូនរដ្ឋមន្ត្រីមហាផ្ទៃរបស់លោកជាថ្មីទៅកាន់ក្រុងការ៉ាជី ហើយអំពាវនាវឱ្យមានសកម្មភាពបន្ទាន់ ប្រឆាំងពួកឧក្រិដ្ឋជនដែលបង្កភាពចលាចលក្នុងទីក្រុងនោះ ៕
ចែករំលែកព័តមាននេះ