លោករដ្ឋមន្ត្រីក្រសួងមហាផ្ទៃ Yongyuth Wichaidit គួរតែចុះរុះរើភូមិក្រហមព្រោះវាជាជំហានអន់ថយដំបូងនៃការបែកបាក់សង្គម។ នេះជាសម្តីរបស់ប្រធានគណបក្សប្រឆាំង លោកអាប់ភីស៊ីត វីចាជីវ៉ា ដែលចេញផ្សាយតាមសារព័ត៌មានថៃ The Nation នាថ្ងៃអង្គារ ទី១៦ សីហា។
លោករដ្ឋមន្ត្រីក្រសួងមហាផ្ទៃ Yongyuth Wichaidit គួរតែចុះរុះរើភូមិក្រហមព្រោះវាជាជំហានអន់ថយដំបូងនៃការបែកបាក់សង្គម។ នេះជាសម្តីរបស់ប្រធានគណបក្សប្រឆាំង លោកអាប់ភីស៊ីត វីចាជីវ៉ា ដែលចេញផ្សាយតាមសារព័ត៌មានថៃ The Nation នាថ្ងៃអង្គារ ទី១៦ សីហា។
គាត់បន្តថា វាមិនគួរមានទាល់តែសោះចំពោះការព្យាយាមបំបែកប្រជាពលរដ្ឋដោយត្រូវបង្កើតជាភូមិក្រហម។ ប្រជាពលរដ្ឋមិនគួរ ត្រូវបានហាមប្រាមពីការចូលរួមក្នុងសកម្មភាពនយោបាយ ប៉ុន្តែស្របជាមួយគ្នានោះការបង្កើតចលនានយោបាយដើម្បីបំបែកប្រជាជនគឺមិនអាចទទួលយកបានឡើយ។ លោកអាប់ភីស៊ីតនិយាយថា ការលុបចោលភូមិក្រហមអាចជាភស្តុតាងដើម្បីបង្ហាញភាពស្មោះត្រង់របស់រដ្ឋាភិបាលក្នុងការបង្រួបបង្រួមជាតិ។
គណរដ្ឋមន្ត្រីថៃថ្មីបានអនុម័តលើសេចក្តីប្រកាសស្តីពីគោលនយោបាយរបស់រដ្ឋាភិបាលថ្មី ដែលនឹងត្រូវដាក់លើតុក្នុងសភាដើម្បីសុំការអនុម័តនៅសប្តាហ៍ក្រោយ។ នេះបើតាមសម្តី របស់លោកស្រីយីងឡាក់ ស៊ីណាវ៉ាត្រា ដែលចេញផ្សាយតាមសារព័ត៌មានថៃ The Nation នាថ្ងៃអង្គារ ទី១៦ សីហា។
លោកស្រីបន្តថា ខណៈពេលស្ថានការណ៍សេដ្ឋកិច្ចអន្តរជាតិមិននឹងនរ រដ្ឋាភិបាលរបស់ខ្ញុំនឹងសង្កត់ធ្ងន់ឲ្យបានខ្លាំងក្លាលើសេដ្ឋកិច្ចក្នុងស្រុកជាងការនាំចេញ។ ភាពរស់ឡើងវិញនៃសេដ្ឋកិច្ចក្នុងស្រុក បានធ្វើឱ្យរដ្ឋាភិបាលផ្តោតការយកចិត្តទុកដាក់លើការពង្រីកប្រាក់ចំណូលនិងកាត់បន្ថយការចំណាយក្នុងប្រទេស។
លោកស្រីនាយករដ្ឋមន្ត្រីក៏និយាយផងដែរថា រដ្ឋាភិបាលនឹងបង្ហាញជំហានផែនការរបស់ខ្លួនដែលត្រូវយកមកអនុវត្តដើម្បីពង្រីកសេដ្ឋកិច្ចឱ្យលូតលាស់ពេលខ្លួនបញ្ចេញប័ណ្ណថវិកាជាតិនៅខែក្រោយ។ លោកស្រីក៏បានដាស់តឿនពីការរិះគន់មិនគួរមានក្តីបារម្ភជ្រុលហួសពេកអំពីបញ្ហាអតិផរណា ទេ ព្រោះរដ្ឋាភិបាលនឹងផ្តោតការចាប់អារម្មណ៍លើការលើកកំពស់បរិមាណការប្រើប្រាស់ក្នុងប្រទេស។
តុលាការខេត្ត Udon Thani បានព្រមព្រៀងដោះលែងក្រុមអាវក្រហម២២នាក់ជាបណ្តោះអាសន្នដែលជាប់សង្ស័យពាក់ព័ន្ធនឹងការដុតសាលាខេត្តកាលពីខែឧសភា។ នេះបើតាមការចេញផ្សាយតាមសារព័ត៌មានថៃThe Nation នាថ្ងៃអង្គារ ទី១៦ សីហា។ តុលាការសំរេចឲ្យដាក់ប្រាក់ធានាចំនួន១លានបាតសំរាប់ជនជាប់សង្ស័យម្នាក់។
សមាជិកគណបក្សភឿថៃក្នុងខេត្ត Udon Thani ធ្លាប់បានប្រើឋានៈរបស់ពួកគេដើម្បីធានាការដោះលែងជនជាប់សង្ស័យអាវក្រហម។ ជនជាប់សង្ស័យអាវក្រហមទាំង២២នាក់ត្រូវបានចូលសវនាការកាត់ទោស៤ផ្សេងគ្នា ដែលជាប់ពាន់ព័ន្ធនឹងការបង្កអគ្គិភ័យ៕
ចែករំលែកព័តមាននេះ