ខេត្តស្ទឹងត្រែង ៖ មេការរោងជាងអារឈើនៃក្រុមហ៊ុនសល សុភាពាណិជ្ជបានជិះរថយន្តដេញបុកកម្មករម្នាក់ស្លា.ប់នៅ ក្នុងបរិវេណដីសម្បទានសេដ្ឋកិច្ចរបស់ក្រុមហ៊ុនស្ថិតក្នុងភូមិ កាតូត ឃុំកំភុន ស្រុកសេសាន កាលពីវេលាម៉ោង៧ព្រឹកថ្ងៃទី១៦ សីហា ។ ហេតុការណ៍ដ៏ឃោរ ឃៅនេះកើតឡើងខណៈកម្មកររងគ្រោះកំពុងជិះម៉ូតូ
ខេត្តស្ទឹងត្រែង ៖ មេការរោងជាងអារឈើនៃក្រុមហ៊ុនសល សុភាពាណិជ្ជបានជិះរថយន្តដេញបុកកម្មករម្នាក់ស្លាប់នៅក្នុងបរិវេណដីសម្បទានសេដ្ឋកិច្ចរបស់ក្រុមហ៊ុនស្ថិតក្នុងភូមិកាតូត ឃុំកំភុន ស្រុកសេសាន កាលពីវេលាម៉ោង៧ព្រឹកថ្ងៃទី១៦ សីហា ។ ហេតុការណ៍ដ៏ឃោរ ឃៅនេះកើតឡើងខណៈកម្មកររងគ្រោះកំពុងជិះម៉ូតូទន្ទឹមគ្នា ជាមួយម៉ូតូកម្មករម្នាក់ទៀតហើយបុរសជាមេការបើករថយន្តបុកពីក្រោយស្លាប់ម្នាក់ ឯម្នាក់ទៀតជិះម៉ូតូគេចរួចពីសេចក្តីស្លាប់ ។
មន្ត្រីនគរបាលព្រហ្មទណ្ឌកម្រិតធ្ងន់ឱ្យដឹងថា កម្មករទាំង២នាក់ម្នាក់ឈ្មោះហែម សុភា ភេទប្រុស អាយុ៤០ឆ្នាំ មានទីលំនៅក្នុងភូមិព្រែកចម្លង ឃុំពង្រ ស្រុកកោះសូទិន ខេត្តកំពង់ចាម ត្រូវរថយន្តមេការបុកស្លាប់នៅនឹងកន្លែង និងម្នាក់ទៀតឈ្មោះហែម សុផល ភេទប្រុស អាយុ៤២ឆ្នាំ មានមុខរបរ និងទីលំនៅជាមួយគ្នា និងត្រូវជាបងប្អូនបង្កើតនឹងគ្នា ។ ចំណែកមេការឈ្មោះវង្ស វីរៈ ភេទប្រុស អាយុ៥០ឆ្នាំ ក៏មានទីលំនៅក្នុងភូមិជាមួយគ្នាដែរ ។
ប្រភពព័ត៌មានឱ្យដឹងថា កម្មកររងគ្រោះបានខ្ចីលុយមេការទៅលេងស្រុកកំណើត ហើយសន្យាថា ពេលត្រឡប់មកវិញនឹងសងវិញ ។ នៅគ្រាជនរងគ្រោះត្រឡប់មកពីលេងស្រុកវិញ ពុំទាន់មានលុយសង ក៏កើតជម្លោះ ហើយកម្មករដែលស្លាប់បានដាល់បុរសជាមេការជាច្រើនដៃ តែមិនមានការតបតវិញទេ ។ មិនតែប៉ុណ្ណោះអ្នកស្លាប់បានបោះពាក្យសម្តីថា «ត្រូវប៉ុន្មានដៃប៉ុណ្ណឹងល្មមសមដែរទេ» ហើយក៏ជិះម៉ូតូចេញទៅ លុះបានប្រហែល២០ម៉ែត្រ ក៏ត្រូវមេការដែលមានកំហឹង១០០អង្សាបើករថយន្តតាមពីក្រោយ រួចបុកសម្លាប់តែម្តង ។
ប៉ូលិសជំនាញកំពុងសាកសួរ និងស្រាវជ្រាវបន្ត និងរឹបអូសរថយន្តម៉ាកតូយ៉ូតាតាកូម៉ា គ្មានស្លាកលេខរបស់មេការ និងម៉ូតូជនរងគ្រោះម៉ាកវ៉េវអាល់ហ្វា ពណ៌សំបកឪឡឹក គ្មានស្លាកលេខ ដើម្បីកសាងសំណុំរឿងបញ្ជូនទៅកាន់តុលា
ការ ។ ទាក់ទិននឹងការជំពាក់ប្រាក់នោះមិនត្រូវបានដឹងថា មានចំនួនប៉ុន្មានទេ ៕
ចែករំលែកព័តមាននេះ