កីឡាការិនីតឺន្នីសបែលហ្ស៊ិកគីម ឃ្លីស្ទ័របានធ្លាក់មកលំដាប់ទី៣នៅលើតារាងចំណាត់ថ្នាក់ពិភពលោក របស់សមាគមតឺន្នីសស្ត្រី WTA កាលពីថ្ងៃចន្ទបន្ទាប់ពីកីឡាការិនីជើងខ្លាំងរូបនេះអវត្តមានក្នុង កម្មវិធីប្រកួតនៅប្រទេសកាណាដាសប្តាហ៍កន្លងទៅ ។ សូមបញ្ជាក់ថា នាងគីម ឃ្លីស្ទ័រកាលដើមឡើយជាកីឡាការិនីលំដាប់ទី២ពិភពលោក។
កីឡាការិនីតឺន្នីសបែលហ្ស៊ិកគីម ឃ្លីស្ទ័របានធ្លាក់មកលំដាប់ទី៣នៅលើតារាងចំណាត់ថ្នាក់ពិភពលោករបស់សមាគមតឺន្នីសស្ត្រី WTA កាលពីថ្ងៃចន្ទបន្ទាប់ពីកីឡាការិនីជើងខ្លាំងរូបនេះអវត្តមានក្នុងកម្មវិធីប្រកួតនៅប្រទេសកាណាដាសប្តាហ៍កន្លងទៅ ។ សូមបញ្ជាក់ថា នាងគីម ឃ្លីស្ទ័រកាលដើមឡើយជាកីឡាការិនីលំដាប់ទី២ពិភពលោក។
ដោយឡែកកីឡាការិនីរុស្ស៊ីវេរ៉ា ហ្សូណារេវ៉ាបានឡើងមកលំដាប់ទី២វិញបន្ទាប់ពីកីឡាការិនីដាណឺម៉ាកការ៉ូលីន វ៉ូនីអាកគីដែលនៅរក្សាតំណែងជាកីឡាការិនីលំដាប់ទី១ពិភពលោកដដែល។ នាងវ៉ូនីអាកគីពេលនេះសន្សំបាន៩៩១៥ពិន្ទុ ។ កីឡាការិនីអាមេរិកស៊េរីណា វីលៀមបានឡើងពីចំណាត់ថ្នាក់ទី៤៩មកទី៣១វិញបន្ទាប់ពីបានយកឈ្នះពានជើងឯកនៅក្រុងតូរ៉ុនតូជាលើកទី២។ នាងអាចនឹងទទួលបានសិទ្ធិពិសេសចូលប្រកួតក្នុងក្របខណ្ឌធំ US Open។
កីឡាការិនីរុស្ស៊ីម៉ារីយ៉ា សារ៉ាប៉ូវ៉ាស្ថិតនៅលំដាប់ទី៧តាមពីក្រោយកីឡាការិនីចិនលីណាដែលស្ថិតនៅលំដាប់ទី៥ ។ ឯចំណាត់ថ្នាក់ផ្នែកបុរស ATP Rankingsវិញ កីឡាករស៊ែរប៊ីណូវ៉ាក់ យ៉ូកូវិចនៅតែស្ថិតនៅលំដាប់លើគេដដែល។ បន្ទាប់ពីបានយកឈ្នះពានជើងឯកជាលើកទី៩ក្នុងរដូវកាលនៅក្រុងម៉ុងរ៉េអាល់សប្តាហ៍កន្លងមក យ៉ូកូវិចសន្សំបាន១៣.៥០០ពិន្ទុ នាំមុខកីឡាករអេស្ប៉ាញរ៉ាហ្វាអែល ណាដាល់ដែលមាន១១.៤២០ពិន្ទុ។ ចំណែកកីឡាករស្វ៊ីសរ៉ូជើ ហ្វេដឺរ័រស្ថិតនៅលំដាប់ទី៣ដដែលបន្ទាប់ពីសន្សំបាន៩.២០០ពិន្ទុ ។ កីឡាករលំដាប់ទី១របស់អង់គ្លេសអ៊ែនឌី មូរ៉េស្ថិតនៅលំដាប់ទី៤មាន៥.១៧៥ពិន្ទុ ៕
ចែករំលែកព័តមាននេះ