កីឡាករប្រដាល់អង់គ្លេសអាមៀ ខាន់បានលុបចោលលទ្ធភាពជួបប្រកួតជាលើកទី២ជាមួយកីឡាករអាហ្សង់ ទីន ម៉ាកូស មេដាណាហើយជំនួសមកវិញគេប្រាថ្នាជួបជាមួយកីឡាករម៉ិកស៊ិកអេរីក ម៉ូរ៉ាល់ជាគូប្រកួតចុងក្រោយនៅក្នុងប្រភេទម្ងន់ Light Welterweight។
កីឡាករប្រដាល់អង់គ្លេសអាមៀ ខាន់បានលុបចោលលទ្ធភាពជួបប្រកួតជាលើកទី២ជាមួយកីឡាករអាហ្សង់ទីន ម៉ាកូស មេដាណាហើយជំនួសមកវិញគេប្រាថ្នាជួបជាមួយកីឡាករម៉ិកស៊ិកអេរីក ម៉ូរ៉ាល់ជាគូប្រកួតចុងក្រោយនៅក្នុងប្រភេទម្ងន់ Light Welterweight។
កីឡាករមេដាណាបានប្រឹងប្រែងនិយាយបញ្ចុះបញ្ចូលឲ្យអាមៀ ខាន់ព្រមទទួលយកការប្រកួតរបស់ខ្លួនជាលើកទី២ទៀត។ ការប្រកួតកាលពីឆ្នាំទៅមិញ មេដាណាបានចាញ់អាមៀ ខាន់ដោយអាជ្ញាកណ្តាលបញ្ឈប់ក្នុងទឹកទី១០។ ប៉ុន្តែម្ចាស់ជើងឯក២ស្ថាប័នWBAនិងIBF រូបនេះដែលបានកំណត់យកថ្ងៃទី១០ខែធ្នូឆ្នាំនេះជាការប្រកួតចុងក្រោយរបស់ខ្លួនក្នុ្ងងប្រភេទទម្ងន់ Light Welterweightយល់ថា វាគ្មានតម្លៃអ្វីទាល់តែសោះដែលត្រូវប្រកួតជាមួយកីឡាករមេដាណាជាលើកទី២ទៀតនោះ ។ គេបាននិយាយថា៖«កីឡាករមេដាណាបានកំពុងនិយាយថា ខ្ញុំគេវេះនិងមិនចង់ប្រកួតជាមួយគេ។ ប៉ុន្តែគេកាលពីឆ្នាំទៅមិញ ការប្រកួតដណ្តើមខ្សែក្រវាត់តាមអាណត្តិខ្ញុំបានយកឈ្នះគេដោយយុត្តិធម៌។ ឥឡូវនេះគេចង់បានការប្រកួតជាលើកទី២ទៀត។ ប៉ុន្តែជាការគួរឲ្យសោកស្តាយខ្ញុំមានគូប្រកួតផ្សេងដែលសំខាន់ជាងគេ។ ប្រសិនជាខ្ញុំប្រកួតជាមួយមេដាណាម្តងទៀត ខ្ញុំប្រាកដជាយកឈ្នះគេជាថ្មីទៀត។ ខ្ញុំនឹងឈ្នះគេងាយស្រួលជាងលើកមុន ដ្បិតអីពេលនេះខ្ញុំបានស្គាល់ចំណុចខ្សោយរបស់គេហើយ។ វាអាចកើតមានទៅថ្ងៃខាងមុខ តែក្នុងពេលឥឡូវនេះមានកីឡាករផ្សេងដែលខ្ញុំចង់ជួបមុនការជួបជាមួយរូបគេជាលើកទី២ »។
កីឡាករម៉ូរ៉ាល់គ្រោងនឹងជួបប្រកួតជាមួយកីឡាករលូកាស ម៉ាតទីសដើម្បីគ្រងខ្សែក្រវាត់ដែលនៅទំនេរស្ថាប័ន WBCក្នុងថ្ងៃជាមួយគ្នានឹងការប្រកួតរវាងមេវេដឌ័រនិងវិចទ័រ អូទីស។
នាយកប្រតិបត្តិក្រុមហ៊ុនរៀបចំការប្រកួតGolden Boy Promotionsលោករីឆាដ ស្គេហ្វ៊័របាននិយាយថា គ្រប់យ៉ាងគឺថា អាមៀ ខាន់នឹងត្រូវបានផ្តល់ជូនតាមសំណូមពររបស់គេជួបប្រកួតជាមួយកីឡាករម៉ូរ៉ាល់។ លោកបន្តថា៖«វាពិតណាស់ អាមៀ ខាន់ត្រូវតែជួបប្រកួតជាមួយអ្នកឈ្នះជាពិសេសប្រសិនជាអ្នកឈ្នះនោះគឺជាកីឡាករម៉ូរ៉ាល់។ បញ្ហាសម្រាប់អាមៀ ខាន់គឺថាគេមានគូប្រកួតអាណត្តិ២នាក់ដែលកំពុងរង់ចាំ ។ ម្នាក់ក្នុងចំណោមពួកគេនោះគឺកីឡាករឡាម៉ុន ភីធ័រសុនខណៈម្នាក់ទៀតគឺជាអ្នកឈ្នះរវាងមេដាណានិងរ៉ូបឺត ហ្គើរេរ៉ូនៅចុងខែនេះ»៕
ចែករំលែកព័តមាននេះ