ប្រធានាធិបតីអាមេរិក លោកបារ៉ាក់ អូបាម៉ា វាយតម្លៃកាលពីថ្ងៃទី១៦ សីហា ថា លោកពុំសូវភ័យខ្លាចចំពោះប្រតិបត្តិការភេរវកម្មធំមួយ និងមានការរៀបចំឡើយតែខ្លាចការវាយប្រហារដោយ «ចចកទោល» ខណៈជិតដល់ខួបគំរប់១០ឆ្នាំនៃការវាយប្រហារភេរវកម្មថ្ងៃទី១១ កញ្ញា។
ប្រធានាធិបតីអាមេរិក លោកបារ៉ាក់ អូបាម៉ា វាយតម្លៃកាលពីថ្ងៃទី១៦ សីហា ថា លោកពុំសូវភ័យខ្លាចចំពោះប្រតិបត្តិការភេរវកម្មធំមួយ និងមានការរៀបចំឡើយតែខ្លាចការវាយប្រហារដោយ «ចចកទោល» ខណៈជិតដល់ខួបគំរប់១០ឆ្នាំនៃការវាយប្រហារភេរវកម្មថ្ងៃទី១១ កញ្ញា។
ក្នុងក្របខណ្ឌនៃដំណើរទស្សនកិច្ចមួយរបស់លោកតាមរថយន្តបឺសពាសដែកកាត់រដ្ឋគន្លឹះ៣នៅភាគខាងជើងប្រទេស លោកអូបាម៉ា ថ្លែងតាម CNN ថា សេណារីយ៉ូ ដែលអាចកើតមានគឺអាចជាប្រតិបត្តិការមួយធ្វើដោយចចកទោលណាមួយជាជាងការវាយប្រហារភេរវកម្មទ្រង់ទ្រាយធំដែលមានការសម្របសម្រួលគ្នា។ ក៏ប៉ុន្តែយើងពុំបន្ថយដាច់ខាតការប្រុងប្រយ័ត្នរបស់យើង។ លោកមានប្រសាសន៍ថា យើងត្រូវតែប្រុងប្រយ័ត្ន។ ពីពេលនេះតទៅដាច់ខាតយើងពុំកាត់បន្ថយការប្រុងប្រយ័ត្នឡើយ។ លោកបានអំពាវនាវឱ្យចាត់វិធានការសន្តិសុខដ៏សំខាន់បំផុតនានា ហើយឱ្យប្រុងប្រយ័ត្នខ្ពស់ ខណៈជិតដល់ខួប១០ឆ្នាំនៃការវាយប្រហារភេរវកម្មថ្ងៃទី១១ កញ្ញា។
ប្រធានាធិបតីអាមេរិកត្រូវគេសួរលោកពីគ្រោះថ្នាក់នៃការវាយប្រហារទាំងឡាយដែលអាចកើតមានក្នុងឱកាសខួបនោះ ឬដើម្បីវាយបកចំពោះការសម្លាប់ប្រមុខអាល់កៃដា អូសាម៉ា ប៊ីនឡាដេន។ លោកអូបាម៉ា អះអាងថា បណ្តាអ្នកទទួលខុសត្រូវអាមេរិកបានត្រួតពិនិត្យលើគ្រោះថ្នាក់ជាអចិន្ត្រៃយ៍ និងថា បណ្តាយុទ្ធនាការធ្វើឡើងដោយសហរដ្ឋអាមេរិកបានប្រែក្លាយអាល់កៃដាទៅជាអង្គការមួយកាន់តែផុយស្រួយជាមួយសមត្ថភាពចុះខ្សោយខ្លាំងជាងកាលពី២ឬ៣ឆ្នាំមុន។ គ្រោះថ្នាក់ដែលយើងព្រួយបារម្ភខ្លាំងនាពេលនេះ គឺគ្រោះថ្នាក់របស់ចចកទោលជាមនុស្សណាមួយដែលអាចសម្លាប់រង្គាលជាមួយអាវុធតែមួយដូចនៅន័រវែសនាពេលថ្មីៗនេះ ៕
ចែករំលែកព័តមាននេះ