ខេត្តតាកែវ ៖ នាថ្ងៃទី១៦សីហា លោកង៉ោ ហុងលី ប្រធានក្រុមការងារថ្នាក់កណ្តាលចុះជួយឃុំគិរីចុងកោះ បានដឹកនាំក្រុមគ្រូពេទ្យទៅជួយពិនិត្យព្យាបាលជំងឺជូនប្រជាពលរដ្ឋ ដោយឥតគិតថ្លៃនៅឃុំគិរីចុងកោះ ស្រុកគិរីវង់ ។
ខេត្តតាកែវ ៖ នាថ្ងៃទី១៦សីហា លោកង៉ោ ហុងលី ប្រធានក្រុមការងារថ្នាក់កណ្តាលចុះជួយឃុំគិរីចុងកោះ បានដឹកនាំក្រុមគ្រូពេទ្យទៅជួយពិនិត្យព្យាបាលជំងឺជូនប្រជាពលរដ្ឋដោយឥតគិតថ្លៃនៅឃុំគិរីចុងកោះ ស្រុកគិរីវង់ ។
ក្រុមគ្រូពេទ្យស្ម័គ្រចិត្តមកពីប្រទេសបារាំងរួមមាន លោកវេជ្ជបណ្ឌិតឡោ គឹមសុង ជំនាញឯកទេសសុខភាពសាធារណៈ ជំងឺប្រភេទក្តៅ ជំងឺទូទៅ ឯកទេសសម្ផស្សនិងកាំរស្មីឡាស៊ែរ និងលោកវេជ្ជបណ្ឌិតយូ វ៉ាត ឯកទេសវះកាត់ រួមនឹងលោកវេជ្ជបណ្ឌិត ទ្រី ប្រុស ឯកទេសជំងឺទូទៅ បានស្ម័គ្រចិត្តចំណាយពេលវេលា ថវិកា និងសម្ភារបរិក្ខារពេទ្យ ថ្នាំពេទ្យ សម្រាប់ការងារមនុស្សធម៌នេះ ព្រមទាំងមានការចូលរួមពីមន្ត្រីសុខាភិបាលនៃមន្ទីរពេទ្យបង្អែកស្រុកគិរីវង់ចំនួន៥រូបផងដែរ ។
លោកង៉ោ ហុងលី មានប្រសាសន៍សំណេះសំណាលទៅកាន់អ្នកជំងឺថា «ក្រោមការដឹកនាំរបស់គណបក្សប្រជាជនកម្ពុជា ដែលមានសម្តេចអគ្គមហាទាំង៣ជាប្រមុខ ទើបកម្ពុជាទទួលបានសុខសន្តិភាពពេញលេញ មានការអភិវឌ្ឍគ្រប់វិស័យដូចដែលបងប្អូនបានឃើញនាពេលសព្វថ្ងៃនេះ ។ អាស្រ័យដោយមានការយកចិត្តទុកដាក់ពីប្រមុខដឹកនាំ គណបក្សប្រជាជនកម្ពុជា និងលោកបណ្ឌិតសភាចារ្យសុខ អាន ប្រធានគណៈពង្រឹងមូលដ្ឋានខេត្តតាកែវវ ទើបកន្លងមកនេះក្រុមគ្រូពេទ្យស្ម័គ្រចិត្តរបស់ខ្ញុំបានចុះមកពិនិត្យព្យាបាលជំងឺជូនប្រជាពលរដ្ឋជាបន្តបន្ទាប់ដោយឥតគិតថ្លៃ »។
ក្នុងឱកាសនោះដែរ លោកស្រី ពៅ ឡាដា ភរិយាលោកង៉ោ ហុងលី និងលោកស្រីឡោ វីឡា ភរិយាលោកវេជ្ជបណ្ឌិតឡោ គឹមសុង បាននាំយកសម្ភារ និងអាហារសម្រន់ចែកជូនប្រជាពលរដ្ឋដែលមករង់ចាំទទួលការពិនិត្យនិងព្យាបាលជំងឺ ។
ជាលទ្ធផលក្រុមគ្រូពេទ្យស្ម័គ្រចិត្តមកពីប្រទេសបារាំងពិនិត្យ និងព្យាបាលជំងឺជូនប្រជាពលរដ្ឋបានចំនួន២៦២នាក់ ក្នុងនោះមានប្រភេទជំងឺ ក្អក ក្តៅ ឈឺក្បាល ឈឺក្រពះ ខ្សោយកម្លាំង របួសផ្សេងៗ ស្ត្រីមានផ្ទៃពោះ ជំងឺលើសឈាម រលាកសន្លាក់ ជំងឺសួត និងជំងឺកុមារជាដើម ។
បន្ទាប់ពីបានថ្លែងអំណរគុណយ៉ាងជ្រាលជ្រៅដល់ក្រុមគ្រូពេទ្យស្ម័គ្រចិត្តមកពីប្រទេសបារាំង ជាពិសេសលោកវេជ្ជបណ្ឌិតឡោ គឹមសុង និងលោកវេជ្ជបណ្ឌិតយូ វ៉ាត ព្រមទាំងភរិយារួចមក លោកង៉ោ ហុងលី និងប្រតិភូរួមដំណើរទាំងអស់ បានឧបត្ថម្ភថវិកាចំនួន១លាន៦សែនរៀល សម្រាប់ការរៀបចំកម្មវិធី និង១០ម៉ឺនរៀល សម្រាប់ស្នាក់ការបក្សឃុំគិរីចុងកោះ ៕
ចែករំលែកព័តមាននេះ