ប្រធានាធិបតីយេម៉ែន លោកអាលី អាប់ឌុលឡាហ៍ សាឡេហ៍ កាលពីថ្ងៃទី១៦ សីហា បានវាយប្រហារដោយពាក្យសម្តីខ្លាំងៗចំពោះពួកប្រឆាំងដោយប្រកាសពីការវិលត្រឡប់របស់លោកមកកាន់រដ្ឋធានីសាណាវិញ នាពេលខាងមុខនេះ។ លោកសាឡេហ៍ បានថ្លែងមកកាន់ពួកអ្នកគាំទ្រលោកក្នុងសុន្ទរកថាមួយផ្សាយតាមទូរទស្សន៍រដ្ឋពីទីក្រុងរីយ៉ាដ
ប្រធានាធិបតីយេម៉ែន លោកអាលី អាប់ឌុលឡាហ៍ សាឡេហ៍ កាលពីថ្ងៃទី១៦ សីហា បានវាយប្រហារដោយពាក្យសម្តីខ្លាំងៗចំពោះពួកប្រឆាំងដោយប្រកាសពីការវិលត្រឡប់របស់លោកមកកាន់រដ្ឋធានីសាណាវិញ នាពេលខាងមុខនេះ។ លោកសាឡេហ៍ បានថ្លែងមកកាន់ពួកអ្នកគាំទ្រលោកក្នុងសុន្ទរកថាមួយផ្សាយតាមទូរទស្សន៍រដ្ឋពីទីក្រុងរីយ៉ាដ ជាកន្លែងលោកសម្រាក ក្រោយពេលចេញពីមន្ទីរពេទ្យ បន្ទាប់ពីទទួលការព្យាបាលរបួសដោយការវាយប្រហារមួយប្រឆាំងវិមានរបស់លោកកាលពីថ្ងៃទី៣ មិថុនា ។
លោកសាឡេហ៍ ដែលស្ថិតក្នុងមន្ទីរពេទ្យរយៈពេល២ខែ គេឃើញពេលនេះហាក់មានសុខភាពល្អ ហើយមានប្រសាសន៍ប្រើពាក្យម៉ីងម៉ាត់។លោកបានចោទប្រកាន់ពួកប្រឆាំងនឹងរបបលោកថា ពួកគេនោះរួមមានពួកម៉ាក្សស៊ីស្ត ពួកតាលីបង់ និងពួកអ្នកគាំទ្រ អ៊ីម៉ាម ជាអតីតស្តេចយេម៉ែន។ ពួកជនទាំងនេះគិតតែពីផលប្រយោជន៍ពួកគេ ហើយបានលួចពាក្យស្លោកទាំងឡាយរបស់ពួកយុវជនបដិវត្តន៍ដែលក្រាញធ្វើបាតុកម្មនៅបរិវេណសាកលវិទ្យាល័យក្រុងសាណា។ លោកអះអាងបែបនេះ ខណៈពួកប្រឆាំងមានបំណងរួមប្រជុំគ្នានាថ្ងៃទី១៧ សីហា ក្នុងរដ្ឋធានីដើម្បីបង្កើតក្រុមប្រឹក្សាសម្រាប់ដំណាក់កាលឆ្លងកាត់មួយនៅយេម៉ែន។
លោកសាឡេហ៍ ថ្លែងទៀតថា វិបត្តិបង្កឡើងដោយកងកម្លាំងនយោបាយដែលមានគោលបំណងដណ្តើមអំណាច។ លោកសាឡេហ៍ ឆ្លៀតថ្លែងសុន្ទរកថានេះដើម្បីប្រកាសពីការវិលត្រឡប់នាពេលខាងមុខនេះ មកកាន់ប្រទេសលោកវិញ ដោយលោកអះអាងថា ឆាប់ៗនេះ ខ្ញុំនឹងមកកាន់រដ្ឋធានីសាណារបស់យើងវិញហើយ ៕
ចែករំលែកព័តមាននេះ