ខេត្តកំពត ៖ លំនៅឋានប្រក់សង្ក័សីនិងបាំងជញ្ជាំងស្លឹកដូង ស្ថិតនៅក្នុងភូមិព្រៃចេក ឃុំទូកមាសខាងលិច ស្រុកបន្ទាយមាស វិះនឹងក្លាយជាចំណីព្រះអគ្គីដោយសារម្ចាស់ផឹកស្រាស្រវឹងជោក ហើយដុតផ្ទះរបស់ខ្លួនចោល ប៉ុន្តែសំណាងល្អបានអ្នកភូមិនាំគ្នាជួយពន្លត់ទាន់ ។ ហេតុការណ៍នេះបានកើតឡើងនៅវេលាម៉ោង៤រសៀល
ខេត្តកំពត ៖ លំនៅឋានប្រក់សង្ក័សីនិងបាំងជញ្ជាំងស្លឹកដូង ស្ថិតនៅក្នុងភូមិព្រៃចេក ឃុំទូកមាសខាងលិច ស្រុកបន្ទាយមាស វិះនឹងក្លាយជាចំណីព្រះអគ្គីដោយសារម្ចាស់ផឹកស្រាស្រវឹងជោកហើយដុតផ្ទះរបស់ខ្លួនចោល ប៉ុន្តែសំណាងល្អបានអ្នកភូមិនាំគ្នាជួយពន្លត់ទាន់ ។ ហេតុការណ៍នេះបានកើតឡើងនៅវេលាម៉ោង៤រសៀលថ្ងៃទី១៤ សីហា បង្កឡើងដោយបុរសម្នាក់ឈ្មោះទៀ ណៃ អាយុ២៩ឆ្នាំ។
បើយោងតាមសម្តីនារីម្នាក់ដែលមានផ្ទះនៅជាប់គ្នាបានប្រាប់ឱ្យដឹងថា បុរសឈ្មោះទៀ ណៃ នោះឱ្យតែផឹកស្រាស្រវឹងគឺដូចជាមនុស្សញៀនថ្នាំតែងតែវាយទាត់ធាក់ប្រពន្ធមិនត្រាប្រណី។ នៅរសៀលថ្ងៃទី១៤ សីហា នោះបុរសនេះបានខឹងប្រពន្ធខ្លួនជេរតិះដៀលពីរឿងផឹកស្រាស្រវឹងមិនខំរកស៊ី ក៏បានយកភ្លើងទៅដុតជញ្ជាំងផ្ទះខ្លួនឯងបណ្តាលឱ្យឆាបឆេះដល់ដំបូល តែសំណាងល្អបានអ្នកភូមិដែលមានផ្ទះជិតគ្នានាំគ្នាជួយដងទឹកជះពន្លត់រហូតបានសម្រេច។ បន្ទាប់ពីអ្នកភូមិជួយពន្លត់ភ្លើងឱ្យរលត់ហើយនោះបុរសរូបនោះបានរត់ទៅចង.កធ្វើអត្តឃាតទៀត ប៉ុន្តែមិនបានសម្រេចទេ ដោយសារអ្នកភូមិចាប់ឃាត់ទាន់។
ក្រោយពេលកើតហេតុ មន្ត្រីប៉ូលិសស្រុកបន្ទាយមាសបានហៅបុរសនោះទៅធ្វើការអប់រំណែនាំ ឱ្យឈប់ប្រព្រឹត្តអំពើផ្តេសផ្តាសបន្តទៀត រួចក៏ដោះលែងទៅវិញ។ ការដោះលែងបុរសនេះដោយសារប៉ូលិសមានការយោគយល់ច្រើន ព្រោះគ្រួសារនេះស្ថិតនៅក្នុងស្ថានភាពក្រីក្រ ហើយប្រពន្ធមានផ្ទៃពោះទៀតទើបសមត្ថកិច្ចមិនចាប់ទោសអូសដំណើរ ៕
ចែករំលែកព័តមាននេះ