យោងតាមរដ្ឋអាជ្ញា លោក MARTIN MCROBB ថា យុវជនអង់គ្លេស២នាក់ត្រូវបានកាត់ទោសកាលពីថ្ងៃទី១៦ សីហា នៅអង់គ្លេសដាក់គុកក្នុងម្នាក់ៗ៤ឆ្នាំពីបទអុជអាលឱ្យមានចលាចលតាមរយៈបណ្តាញអ៊ីនធើរណេត។ ក្នុងការបះបោរដែលធ្វើឱ្យកក្រើកប្រទេសអង់គ្លេសកាលពីសប្តាហ៍កន្លងមកនេះ
យោងតាមរដ្ឋអាជ្ញា លោក MARTIN MCROBB ថា យុវជនអង់គ្លេស២នាក់ត្រូវបានកាត់ទោសកាលពីថ្ងៃទី១៦ សីហា នៅអង់គ្លេសដាក់គុកក្នុងម្នាក់ៗ៤ឆ្នាំពីបទអុជអាលឱ្យមានចលាចលតាមរយៈបណ្តាញអ៊ីនធើរណេត។
ក្នុងការបះបោរដែលធ្វើឱ្យកក្រើកប្រទេសអង់គ្លេសកាលពីសប្តាហ៍កន្លងមកនេះ យុវជនឈ្មោះ JORDAN BLACKSHAW អាយុ២០ឆ្នាំ បានបញ្ជូនសារមួយតាម FACEBOOK មានចំណងជើងថា កម្ទេចទីក្រុងនៅភាគពាយ័ព្យអង់គ្លេស។ ទំព័រFACEBOOK នេះរូបគេបានបង្កើតកាលពី ថ្ងៃទី៩ សីហា ។ ជនជាប់ចោទទី២ឈ្មោះ PERRY SUTCLIFFE KEENAN អាយុ២២ឆ្នាំ បានអុជអាលឱ្យមានការបះបោរក្នុងសង្កាត់វ៉ារីញតុនរបស់គេ ដោយបើកទំព័រ FACEBOOK មួយមានឈ្មោះថា ការរៀបចំបះបោរមួយ។
យុវជនទាំង២នាក់នេះបានប្រើប្រាស់ FACEBOOK សម្រាប់រៀបចំភាពចលាចលទ្រង់ទ្រាយធំពេលការបះបោររាលដាលដល់តំបន់ឯទៀតៗរបស់ប្រទេស។ ប៉ូលិសបានធ្វើអន្តរាគមន៍ភ្លាមៗបិទបណ្តាញទាំងនោះ ហើយអះអាងថា គ្មានមនុស្សណាម្នាក់ចូលរួមក្នុងគម្រោងការនោះឡើយ។ ក៏ប៉ុន្តែសារទាំងនេះបង្កឱ្យមានការជ្រួលច្របល់យ៉ាងខ្លាំង និងបង្កើតអារម្មណ៍បះបោរក្នុងសង្កាត់ទាំងឡាយ៕
ចែករំលែកព័តមាននេះ