ប្រភពមន្ទីរពេទ្យប៉ាឡេស្ទីនរាយការណ៍ថា កងទ័ពអ៊ីស្រាអែលបានធ្វើកាលពីយប់ថ្ងៃទី១៥ មកទី១៦ សីហា នូវការវាយឆ្មក់តាមអាកាសជាច្រើនលើជ្រោយហ្គាហ្សា បណ្តាលឱ្យមនុស្សស្លា.ប់ម្នាក់ និងរបួស៥នាក់។ កងទ័ពអ៊ីស្រាអែលពុំបានធ្វើអត្ថាធិប្បាយឡើយ ក្នុងពេលភ្លាមៗ។ យោងតាមប្រភពនេះថា
ប្រភពមន្ទីរពេទ្យប៉ាឡេស្ទីនរាយការណ៍ថា កងទ័ពអ៊ីស្រាអែលបានធ្វើកាលពីយប់ថ្ងៃទី១៥ មកទី១៦ សីហា នូវការវាយឆ្មក់តាមអាកាសជាច្រើនលើជ្រោយហ្គាហ្សា បណ្តាលឱ្យមនុស្សស្លាប់ម្នាក់ និងរបួស៥នាក់។
កងទ័ពអ៊ីស្រាអែលពុំបានធ្វើអត្ថាធិប្បាយឡើយ ក្នុងពេលភ្លាមៗ។ យោងតាមប្រភពនេះថា ជនសកម្មប្រយុទ្ធ៣នាក់ ដែលចូលរួមក្នុងការបាញ់គ្រាប់រ៉ុក្កែត លើអ៊ីស្រាអែលបានត្រូវរបួសធ្ងន់ក្នុងពេលវាយប្រហារតាមអាកាសដំបូងគេមុនពេលព្រឹកព្រលឹមនៅភាគខាងកើតជ្រោយហ្គាហ្សា ហើយជនសកម្មប្រយុទ្ធម្នាក់ស្លាប់ដោយរបួសធ្ងន់ធ្ងរពេក។ ជនស៊ីវិលប៉ាឡេស្ទីន៣នាក់ ក្នុងនោះមានកុមារម្នាក់បានត្រូវរបួស ក្នុងការវាយឆ្មក់មួយទៀត ដែលសំដៅលើរូងក្រោមដីរត់ពន្ធមួយនៅតាមព្រំដែនរវាងជ្រោយហ្គាហ្សា និងអេហ្ស៊ីប។
យោងតាមម៉ាស៊ីនឃោសនាអ៊ីស្រាអែលថា គ្រាប់រ៉ុក្កែតរបស់ប៉ាឡេស្ទីនមួយគ្រាប់ ត្រូវបានបាញ់កាលពីថ្ងៃទី១៥ សីហា លើដែនដីអ៊ីស្រាអែលក្នុងទីក្រុង BEERSHEBA តែពុំបណ្តាលឱ្យមានអ្នករងគ្រោះឡើយ ៕
ចែករំលែកព័តមាននេះ