កីឡាករន័វែសអេដវ៉ាល បូសុន ហាហ្គែនបានសម្តែងក្តីរីករាយជាខ្លាំងបន្ទាប់ពីយកឈ្នះជើងឯកការប្រណាំងកង់កម្មវិធីEneco Tourនៅប្រទេសហូឡង់កាលពីថ្ងៃអាទិត្យទី១៤ខែសីហា ។ ការប្រណាំងត្រូវបញ្ចប់ជាមួយដំណាក់ផ្តាច់ព្រ័ត្រដែលមានចម្ងាយផ្លូវ២០១,២គីឡូម៉ែតនៅទីក្រុង Geleen។
កីឡាករន័វែសអេដវ៉ាល បូសុន ហាហ្គែនបានសម្តែងក្តីរីករាយជាខ្លាំងបន្ទាប់ពីយកឈ្នះជើងឯកការប្រណាំងកង់កម្មវិធីEneco Tourនៅប្រទេសហូឡង់កាលពីថ្ងៃអាទិត្យទី១៤ខែសីហា ។ ការប្រណាំងត្រូវបញ្ចប់ជាមួយដំណាក់ផ្តាច់ព្រ័ត្រដែលមានចម្ងាយផ្លូវ២០១,២គីឡូម៉ែតនៅទីក្រុង Geleen។
បន្ទាប់ពីឆ្លងកាត់ការប្រណាំងអស់៦ដំណាក់ដែលមានចម្ងាយផ្លូវសរុប៩៦៧,៨គីឡូម៉ែត្រ ហាហ្គែនដែលជាអ្នកជិះកង់ឲ្យក្រុមSky Procyclingបានយកឈ្នះជើងឯកបន្ទាប់ពីបានប្រើអស់ថិរវេលាសរុបតិចជាងគេបំផុតគឺ២២ម៉ោង៥៤នាទីនិង២២វិនាទីយកឈ្នះកីឡាករបែលហ្ស៊ិកPhilippe Gilbertជិះឲ្យក្រុមOmega Pharma-Lottoដែលបានប្រើថិរវេលាច្រើនជាង២២វិនាទី និងឈ្នះកីឡាករអង់គ្លេសដេវីដ មីលល័រជិះឲ្យក្រុមTeam Garmin-Cerveloដែលបានប្រើពេលច្រើនជាង២៨វិនាទី។
ដោយឡែកដំណាក់ទី៦ដែលជាដំណាក់ផ្តាច់ព្រ័ត្រមានចម្ងាយផ្លូវ២០១,២គីឡូម៉ែតចេញដំណើរពីទីក្រុង Sittardទៅកាន់ទីក្រុង Geleenនោះ ជ័យជម្នះបានទៅលើកីឡាករហាហ្គែនដដែល។ ហាហ្គែនបានបញ្ចប់ដំណាក់ជាមួយនឹងថិរវេលា៤ម៉ោង៥៣នាទីនិង០៦វិនាទី យកឈ្នះកីឡាករព័រទុយហ្គាល់ Manuel Antonio Leal Cardosoជិះឲ្យក្រុមTeam RadioShackដែលបានប្រើថិរវេលាដូចគ្នា។
បន្ទាប់ពីដណ្តើមបានពានជើងឯកកីឡាករ ហាហ្គែននិយាយថា៖«ឈ្នះជើងឯកនៅទីនេះធ្វើឲ្យខ្ញុំមានអារម្មណ៍ភ្ញាក់ផ្អើលជាខ្លាំង។ វាជាសុបិនមួយដែលបានក្លាយមកជាការពិត។ ក្រុមរបស់ខ្ញុំពិតជាមានសាមគ្គីគ្នាល្អអំឡុងការប្រណាំងពីដើមដល់ចប់។ យើងមិនបានជួបថ្ងៃស៊យទេ។ ជោគជ័យលើកនេះ គឺជំរុញទឹកចិត្តសម្រាប់ការប្រណាំងក្រោយៗទៀត។ នេះជាជ័យជម្នះយ៉ាងសំខាន់បំផុតក្នុងរដូវកាលនេះ។ ប៉ុន្តែបើគ្មានការព្យាយាមទេ ជោគជ័យលើកនេះមិនបានកើតឡើងទេ »។
ការប្រណាំងកម្មវិធីEneco Tourឆ្នាំនេះមាន៦ដំណាក់ និងមានចម្ងាយផ្លូវសរុប៩៦៧,៨គីឡូម៉ែត្រ។ ការប្រណាំងនេះចាប់ផ្តើមនៅក្នុងទីក្រុង Amersfoortប្រទេសហូឡង់តាំងពីថ្ងៃទី៨ខែសីហាមក ៕
ចែករំលែកព័តមាននេះ