កីឡាករប្រដាល់ចូលនិវត្តន៍របស់អង់គ្លេសរីកគី ហាតតុន ក្នុងពេលថ្មីៗនេះបានបង្ហាញពីគម្រោងរបស់ខ្លួនដែលចង់ក្លាយជាគ្រូបង្ហាត់កីឡាករប្រដាល់ជំនាន់ក្រោយ។ ហាតតុនក្នុងពេលឥឡូវនេះថ្វីដ្បិតតែចូលនិវត្តន៍ហើយក៏ពិតមែន ប៉ុន្តែគេនៅប្រកាន់មុខរបរក្នុងនាមជាអ្នករៀបចំការប្រកួតនៅឡើយ ។ ស្ថិតក្នុងវ័យ៣២ឆ្នាំហាតតុនមិនបានចេញមុខ
កីឡាករប្រដាល់ចូលនិវត្តន៍របស់អង់គ្លេសរីកគី ហាតតុន ក្នុងពេលថ្មីៗនេះបានបង្ហាញពីគម្រោងរបស់ខ្លួនដែលចង់ក្លាយជាគ្រូបង្ហាត់កីឡាករប្រដាល់ជំនាន់ក្រោយ។ ហាតតុនក្នុងពេលឥឡូវនេះថ្វីដ្បិតតែចូលនិវត្តន៍ហើយក៏ពិតមែន ប៉ុន្តែគេនៅប្រកាន់មុខរបរក្នុងនាមជាអ្នករៀបចំការប្រកួតនៅឡើយ ។ ស្ថិតក្នុងវ័យ៣២ឆ្នាំហាតតុនមិនបានចេញមុខប្រកួតនៅលើសង្វៀនទេ ពោលគឺចាប់តាំងពីរូបគេត្រូវកីឡាករហ្វ៊ីលីពីនម៉ានី ប៉ាក់គីអាវវាយឲ្យសន្លប់ក្នុងទឹកទី២កាលពីឆ្នាំ២០០៩ មក។ ចាប់ពីពេលនោះហាតតុនបានដើរតួនាទីត្រឹមជាអ្នករៀបចំការប្រកួតប៉ុណ្ណោះ។
មិនដូចជាគ្រូបង្ហាត់ដទៃទៀតនោះទេ ហាតតុនចង់បានតួនាទីនេះក៏ព្រោះតែគេស្រឡាញ់វិស័យកីឡាមួយនេះច្រើនជាងការយកវាធ្វើជាមុខរបរសម្រាប់រកប្រាក់ចិញ្ចឹមជីវិត។ អាជ្ញាប័ណ្ណជាគ្រូបង្ហាត់ហាតតុនទំនងជានឹងទទួលបាននៅខែកញ្ញាខាងមុខនេះ។ គេមិនទាន់ប្រាកដថា តើហាតតុននឹងបង្ហាត់កីឡាករណាខ្លះនោះទេ។ បច្ចុប្បន្នហាតតុនមានកីឡាករមួយចំនួននៅក្នុងក្លឹបរបស់ខ្លួនឈ្មោះ Hatton Promotions។ កីឡាករទាំងនោះមានដូចជា៖ អានតូនី ក្រូលលឡា កីឡាករស្កុត ឃ្វីក កីឡាករម៉ាទីន មូរ៉េ,ហ្ស៊ូ មូរ៉េ,កីឡាករដេនតុន វ៉ាសសេលនិងប្អូនប្រុសរបស់គេម៉ាតទូ ហាតតុនជាដើម។
គេគិតថាប្រហែលជាហាតតុនអាចជួយបង្ហាត់កីឡាករទាំងនេះធ្វើឲ្យពួកគេក្លាយជាជើងឯកពិភពលោក ឬក៏អ្នកវាយដណ្តើមខ្សែក្រវាត់ពិភពលោក ។ ហាតតុនគឺជាអតីតម្ចាស់ជើងឯកពិភពលោកស្ថាប័ន IBF និង IBO ក្នុងប្រភេទទម្ងន់ Light Welterweight។ គេធ្លាប់ឡើងរេញប្រកួតបានចំនួន៤៧លើក ក្នុងនោះឈ្នះ៤៥លើក ឈ្នះដោយផ្តួលដៃគូឲ្យសន្លប់ចំនួន៣២លើក មិនធ្លាប់ស្មើតែធ្លាប់ចាញ់២លើក ។ ការប្រកួតចុងក្រោយរបស់ហាតតុនគឺនៅថ្ងៃទី២ខែមេសាឆ្នាំ ២០០៩នៅសង្វៀន MGM Grand Garden Arenaទីក្រុងឡាសវេហ្គាសរដ្ឋនេវ៉ាដា សហរដ្ឋអាមេរិក។ ការបរាជ័យដោយសន្លប់ក្នុងទឹកទី២ក្រោមកណ្តាប់ដៃប៉ាក់គីអាវនៅពេលនោះបានធ្វើឲ្យរូបគេបាត់បង់ខ្សែក្រវាត់ស្ថាប័នIBO ៕
ចែករំលែកព័តមាននេះ