ប៉ូលិសអូស្ត្រាលីគូសបញ្ជាក់ថា បុរសអូស្ត្រាលីម្នាក់ត្រូវចាប់ខ្លួនកាលពីថ្ងៃទី១៦ សីហា នៅសហរដ្ឋអាមេរិកក្នុងក្របខណ្ឌនៃការស៊ើបអង្កេតលើរឿងគ្រាប់បែកក្លែងក្លាយចងជាប់.កយុវនារីក្រុងស៊ីដនីម្នាក់ជាកូនស្រីរបស់សេដ្ឋីម្នាក់អស់រយៈពេលដល់ទៅ១០ម៉ោងទម្រាំអ្នកដោះមីនដោះយកចេញបាន ហើយក្រោយមកទើបដឹងថា
ប៉ូលិសអូស្ត្រាលីគូសបញ្ជាក់ថា បុរសអូស្ត្រាលីម្នាក់ត្រូវចាប់ខ្លួនកាលពីថ្ងៃទី១៦ សីហា នៅសហរដ្ឋអាមេរិកក្នុងក្របខណ្ឌនៃការស៊ើបអង្កេតលើរឿងគ្រាប់បែកក្លែងក្លាយចងជាប់.កយុវនារីក្រុងស៊ីដនីម្នាក់ជាកូនស្រីរបស់សេដ្ឋីម្នាក់អស់រយៈពេលដល់ទៅ១០ម៉ោងទម្រាំអ្នកដោះមីនដោះយកចេញបាន ហើយក្រោយមកទើបដឹងថា គ្រាប់បែកក្លែងក្លាយ ។ បុរសអាយុ៥០ឆ្នាំម្នាក់ត្រូវចាប់ឃុំឃាំងនៅក្រុង LOUISVILLE រដ្ឋកេនទុកគី ក្រោយពីប្រតិបត្តិការរួមគ្នាមួយជាមួយភ្នាក់ងារ FBI ។
កាលពីដើមខែសីហានេះនាង MADELE-INE PULVER អាយុ១៨ឆ្នាំជាកូនស្រីអ្នកជំនួញមានស្តុកស្តម្ភម្នាក់បានរស់នៅរយៈពេល១០ម៉ោងជាមួយរបស់ដែលដូចគ្រាប់បែកមួយគ្រាប់ចងជាប់កនាងដោយបុរសបិទមុខម្នាក់ ។ បុរសនោះបានបន្សល់ទុកកំណត់ហេតុមួយនៅនឹងកន្លែងដែលអាចឱ្យប៉ូលិសសន្និដ្ឋានបានថា នោះជាការប៉ុនប៉ងចាប់ជម្រិតមួយ ។ ប៉ុន្មានថ្ងៃក្រោយមក ប៉ូលិសអូស្ត្រាលីដោយរួមសហការជិតស្និទ្ធជាមួយ FBI បានកំណត់អត្តសញ្ញាណរបស់បុរសនោះ ហើយដឹងថា ជននោះចាកចេញទៅសហរដ្ឋអាមេរិករយៈពេលប៉ុន្មានថ្ងៃចុងក្រោយនេះ ។ យោងតាមប៉ូលិសថា បុរសនោះត្រូវនាំមកកាន់តុលាការមូលដ្ឋានមួយ ខណៈពេលអូស្ត្រាលីស្វះស្វែងឱ្យទទួលបានការធ្វើបត្យាប័ន ៕
ចែករំលែកព័តមាននេះ