ប្រមុខរាជរដ្ឋាភិបាលក្រើនរំលឹកដល់កូនខ្មែរស្គាល់ឱ្យបានច្បាស់អំពីអត្តសញ្ញាណ និងផលិតផលវប្បធម៌ជាតិ
- ភ្នំពេញ
រាជធានីភ្នំពេញ ៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានក្រើនរំលឹកដល់កូនខ្មែរស្គាល់ឱ្យបានច្បាស់អំពីអត្តសញ្ញាណ និងផលិតផលវប្បធម៌ជាតិរបស់ខ្មែរ ដើម្បីចៀសវាងការភាន់ច្រឡំ ។
ថ្លែងក្នុងពិធីបើកពិព័រណ៍ផលិតផលខ្មែរលើកទី៤ ក្រោមប្រធានបទ«រួមគ្នាផលិត រួមគ្នាប្រើផលិតផលជាតិ» នៅព្រឹកថ្ងៃទី២១ ខែវិច្ឆិកា ឆ្នាំ២០២៦ នៅសាលសន្និបាទកោះពេជ្រសម្តេចធិបតី ហ៊ុន ម៉ាណែត បានណែនាំយ៉ាងប្រជាពលរដ្ឋខ្មែរ ពិសេស យុវជន និងអ្នកផលិតឱ្យយល់ដឹង និងស្គាល់ឱ្យបានច្បាស់អំពីអត្តសញ្ញាណ និងផលិតផលសិល្បៈវប្បធម៌របស់ខ្មែរ ។
សម្ដេចធិបតី ហ៊ុន ម៉ាណែត បានបញ្ជាក់ថា «ថ្ងៃមុន ប្រទេសថៃជាមួយភូមា គ្រាន់តែដាក់រូបមួយភ្លាមបញ្ហា ។ ឡាវ របាំ រឿងពីមុនវាអត់អីទេ ប៉ុន្តែអ្វីដែលរឿងតូចៗនេះ វាបង្ហាញនូវភាពចាំបាច់ដែលកូនខ្មែរត្រូវតែស្គាល់អត្តសញ្ញាណ និងស្គាល់នូវផលិតផលដែលជាផលិតផលសិល្បៈវប្បធម៌របស់ខ្មែរឱ្យបានច្បាស់ ដើម្បីចូលរួមអភិវឌ្ឍន៍ និងយកអភិរក្ស គឺថាអភិរក្ស និងការអភិវឌ្ឍទៅខាងមុខ»។
ពាក់ព័ន្ធនឹងការច្នៃប្រឌិត សម្តេចនាយករដ្ឋមន្ត្រី ក៏បានណែនាំថា បើទោះបីត្រូវច្នៃប្រឌិតយ៉ាងណាក៏ដោយ ក៏ត្រូវច្នៃឱ្យចំទម្រង់ និងរក្សាអត្តសញ្ញាណដើមរបស់ខ្មែរឱ្យបាន ៕

ចែករំលែកព័តមាននេះ