ADផ្ទាំងផ្សព្វផ្សាយពាណិជ្ជកម្ម

Picture

សភាអាមេរិកត្រៀមបើកការស៊ើបអង្កេតលើគ្រួសារលោក ដូណាល់ ត្រាំ និងមនុស្សជំនិត

1 ថ្ងៃ មុន

សហរដ្ឋអាមេរិក ៖ ក្រុម​អ្នក​ប្រជាធិបតេយ្យ​កំពុង​តែ​រៀបចំ​ការ​ស៊ើ​ប​អង្កេត​នា​ពេល​ខាង​មុខ​​​របស់​សភា​ ។ កាលពី​ថ្ងៃ​ទី​១៨ ​វិច្ឆិកា​សមាជិក​ច្រើន​រូប​នៃ​គ្រួសារ​លោក​ដូ​ណា​ល់​ត្រាំ ព្រមទាំង​បណ្ដា​មនុស្ស​ជំនិត ត្រូវ​បាន​ស្នើ​ឲ្យ​រក្សា​ទុក​ឯកសារ​នានា​របស់​ពួក​គេ​។

កូនប្រុស​២​រូប​របស់​លោក​ត្រាំ និង​អនុ​ប្រធានាធិបតី​ លោក​ឌី​ជីវ៉ា​ន ស្ថិត​ក្នុង​ចំណោម​អ្នក​ដែល​សមាជិក​សភា​ជា​អ្នក​ប្រជា​ធិប តេយ្យ លោក​ ROBERT GARCIA ផ្ញើ​សារលិខិត​ឲ្យ​កាលពី​ថ្ងៃ​ទី​១៨ ​វិច្ឆិកា​ ។ សមាជិក​សភា​រដ្ឋ​កាលី​ហ្វ័​រ​នី​ញ៉ា​រូប​នោះ ស្នើ​ដល់​ពួក​​គេ​ឲ្យ​ត្រៀម​ និង​រក្សា​ទុក​ឯកសារ​នានា ដែល​សភា​អាច​ត្រូវការ​ក្នុង​ក្រប​ខណ្ឌ​នៃ​ការ​ស៊ើ​ប​អង្កេត​នា​ពេល​ខាង​មុខ​របស់​សភា​។

ក្នុង​សារលិខិត​លោក​ ROBERT GARCIA ​សរសេរ​ថា សម្រាប់​លោក​ដូ​ណា​ល់​ត្រាំ​ និង​កូនប្រុស​អ៉ី​រិ​ក​ត្រាំ លទ្ធភាព​នៃ​ការ​ស៊ើ​ប​អង្កេត​ផ្ដោត​លើ​ជម្លោះ​ផលប្រយោជន៍ ទាក់ទិន​នឹង​គម្រោង​ CRYPTOMONNAIES WORLD LIBERTY FINANCIAL ។ លោក​ថា​ ពួក​អ្នកចូលរួម​ក្នុង​រឿង​ធ្វើ​ពាណិជ្ជកម្ម ដែល​ហាក់ដូចជា​ពួក​លោក​អាច​ទាញ​យក​ផលប្រយោជន៍​ផ្ទាល់ខ្លួន​ដ៏​ច្រើន​សន្ធឹកសន្ធាប់ អាងខ្នង​ឪពុក​លោក​ជា​ប្រធានាធិបតី​ ។

ចំណែក​សារលិខិត​ជូន​លោក​ឌី​ជីវ៉ា​ន​ សមាជិក​សភា​រូប​នោះ​លើក​ឡើង​ពី​រឿង​ JEFFREY EPSTEIN ។ លោក​ស្នើ​ដល់​អនុ​ប្រធា​នាធិបតី ឲ្យ​រក្សា​ទុក​បណ្ដា​ឯកសារ​ទាក់ទិន​នឹង​ការ​ដោះ​ដូរ​នោះ​ ដែល​លោក​ឌី​ជីវ៉ា​ន​ចូលរួម​ដែរ​ ។ មាន​កិច្ចប្រជុំ​នានា ក្នុង​បន្ទប់​វិបត្តិ​នៃ​សេត​វិមាន ស្ដី​ពី​រឿង​ JEFFREY EPSTEIN ក្នុង​គោលបំណង​ពង្វាង​ការ​ចាប់អារម្មណ៍​របស់​សាធារណ​មតិ​លើ​សំណុំរឿង​EPSTEIN នេះ និង​កម្រិត​ការ​ពិនិត្យ​ទំនាក់ទំនង​រវាង​លោក ​JEFFREY EPSTEIN ដែល​ស្លាប់​ក្នុង​គុក​កាលពី​ឆ្នាំ​២០១៩ ​។

សារលិខិត​ក៏​ផ្ញើ​ទៅ​កាន់​រដ្ឋមន្ត្រី​យុត្តិធម៌​លោក​ TODD BLANCHE ដែល​សង្ស័យ​ថា ប៉ុនប៉ង​បិទ​បាំង​បណ្ដា​ឯកសារ​EPSTEIN​។
ពួក​អ្នក​ប្រជាធិបតេយ្យ​ក៏​គ្រោង​ស៊ើ​ប​អង្កេត​​ថា ភាព​នៃ​ការ​រំលោភ​បំពាន​អំណាច ក្នុង​ការ​អនុវត្ត​នយោបាយ​អន្តោប្រវេសន៍​របស់​រដ្ឋាភិបាល ដែល​រឿង​នោះ​ជាប់​ទាក់ទិន​នឹង​មនុស្ស​ជំនិត​ច្រើន​រូប​របស់​លោក​ត្រាំ​ ៕

​