ADផ្ទាំងផ្សព្វផ្សាយពាណិជ្ជកម្ម

Picture

គ្មានការលើកលែង៖ បង្ក្រាបការជួញដូរពស់ថ្លាន់ខុសច្បាប់ជាង៣០០​គីឡូ​ក្រាម និងឃាត់ខ្លួនជនសង្ស័យបាន​ម្នាក់

1 ថ្ងៃ មុន
  • សៀមរាប

​ខេត្ត​សៀម​រាប ៖ បើ​តាម​ប្រភព​ពី​កង​រាជ​អាវុធ​ហត្ថ​ខេត្ត​បាន​ឱ្យដឹងថា ​ដោយ​មានការ​ចង្អុល​​បង្ហាញ និង​បទបញ្ជា​ផ្ទាល់​ពី​លោក​ឧត្តម​សេនីយ៍ ត្រី សៀ ទី​ន មេបញ្ជាការ​កង​រាជ អាវុធហត្ថ​ខេត្តសៀមរាប បានឱ្យ​កម្លាំង​មូល​ដ្ឋា​នក​ង​រាជ អាវុធហត្ថ​ក្រុង​សៀម​រាប ​ចុះ​បង្ក្រាប​ករណី​ដឹក​ជញ្ជូន និង​រក្សា​ទុក​សត្វព្រៃ (​ពស់ថ្លាន់​) ដោយ​ខុសច្បាប់ នៅ​ភូមិ​៧ សង្កាត់​ចុង​ឃ្នៀស ក្រុង​សៀមរាប ដោយ​ឃាត់ខ្លួន​ជនសង្ស័យ​ម្នាក់ និង​ដកហូត​ពស់ថ្លាន់​សរុប​ចំនួន​២៧​កា​រ៉ុ​ង​ទម្ងន់​៣១៨,៤​គីឡូក្រាម ហើយ​បញ្ជូន​មក​កាន់​ទីបញ្ជាការ​កងរាជអាវុធហត្ថ​ខេត្តសៀមរាប ដើម្បី​រៀបចំ​ចាត់ចែង​ប្រគល់​ជូន​ខណ្ឌ​រដ្ឋបាល​ព្រៃឈើ​បន្ទាយស្រី ដើម្បី​ចាត់ការ​បន្ត​តាម​នីតិវិធី​ច្បាប់ ។  

ហេតុការណ៍​ចុះ​​បង្ក្រាប​​ធ្វើ​ឡើង​នៅ​ថ្ងៃ​ទី​១៧ និង​ថ្ងៃ​ទី​១៨ ខែវិច្ឆិកា ឆ្នាំ​២០២៦ ដោយ​មានការ​​សហការ​ជាមួយ​គណៈ​បញ្ជាការ​ឯកភាព​រដ្ឋបាល​ក្រុង និង​ខណ្ឌ​រដ្ឋបាល​ព្រៃឈើ​បន្ទាយ​ស្រី ក្នុងភូមិ​៧ សង្កាត់​ចុង​ឃ្នៀស ក្រុងសៀមរាប ខេត្តសៀមរាប​ ។ បច្ចុប្បន្ន ជនសង្ស័យ និង​វត្ថុ​តាង ត្រូវ​បាន​ប្រគល់​ជូន​ខណ្ឌ​រដ្ឋបាល​ព្រៃឈើ​បន្ទាយស្រី ដើម្បី​ចាត់ការ​បន្ត​តាម​នីតិវិធី​ច្បាប់​។

​សូម​បងប្អូន​ប្រជា​ពល​រដ្ឋ​ទាំងអស់ ​មេត្តា​ចូលរួម​ការពារ​និង​អភិរក្ស​សត្វព្រៃ ដោយ​មិន​គាំទ្រ​ការ​ជួញដូរ​សត្វព្រៃ​ខុសច្បាប់ ៕