ADផ្ទាំងផ្សព្វផ្សាយពាណិជ្ជកម្ម

Picture

បុរស​ម្នាក់​ក្រោយ​លែងលះ​ប្រពន្ធ​មាន​ជំងឺផ្លូវចិត្ត ទីបំផុតបញ្ចាប់ជីវិតខ្លួន

1 ថ្ងៃ មុន

រាជធានី​ភ្នំពេញ​ ៖ បុរស​ម្នាក់​បាន​ធ្វើ​អត្តឃាត​ចងក​សម្លាប់​ខ្លួន បណ្ដាល​ឲ្យ​ស្លាប់​បាត់បង់​ជីវិត​ នៅ​ក្នុង​បន្ទប់​ជួល​មួយ​កន្លែង ហើយ​បើ​តាម​ស្ត្រី​ជា​ម្ដាយ​បា​នប​ភ្លឺ​ប្រាប់​សមត្ថកិច្ច​ថា កូនប្រុស​គាត់​រូប​នេះ​ ក្រោយ​ពេល​លែងលះ​ប្រពន្ធ​រួច​មក​ក៏​មាន​ជំងឺផ្លូវចិត្ត ទើប​ចងក​ស្លាប់​បែប​នេះ​តែ​ម្ដង ។

សាកសព​បុរស​នោះ ​ត្រូវ​បាន​ស្ត្រី​ជា​ម្ដាយ​ប្រទះ​ឃើញ​បង្ក​ឲ្យ​មានការ​ភ្ញាក់ផ្អើលកាលពី​វេលា​ម៉ោង​១៩​យប់ ថ្ងៃ​ទី​១៧ ខែវិច្ឆិកា ឆ្នាំ​២០២៦ នៅ​ក្នុង​បន្ទប់​ជួល​លេខ​២៨ ជាន់​ទី​២ ស្ថិត​នៅ​ក្នុងភូមិ​ព្រៃ​បឹង សង្កាត់​កន្ទោក ខណ្ឌ​កំ​បូល រាជធានី​ភ្នំពេញ ។

បុរស​នោះ​ឈ្មោះ រ៉ា​ន់ រ៉ុយ ភេទ ប្រុស អាយុ​៣១​ឆ្នាំ មាន​ទីលំនៅ​អចិន្ត្រៃយ៍​នៅ​ភូមិ​កណ្ដាល ឃុំ​ច្រ​ណូ​ក ស្រុក​កំពង់លែង ខេត្តកំពង់ឆ្នាំង និង​បាន​មក​ស្នាក់​នៅ​ក្នុង​បន្ទប់​ជួល​កើតហេតុ​ខាងលើ ហើយ​បាន​យក​ខ្សែ​អង្រឹង​ចងក​ជាប់​ជាមួយ​ឥដ្ឋ​ខ្យល់​បន្ទប់​ជួល ។

អ្នកស្រី ហ៊​ន វន អាយុ​៥៨​ឆ្នាំ ត្រូវជា​ម្ដាយបង្កើត​បុរស​នោះ​បាន​បំភ្លឺ​ប្រាប់​សមត្ថកិច្ច​ថា កូនប្រុស​គាត់​ធ្លាប់​មាន​ប្រពន្ធ​និង​គេ​ដែរ ប៉ុន្តែ​ក្រោយមក​បាន​បែកបាក់​គ្នា​ដោយ​ប្រពន្ធ​ចុះ​ចោល​បាត់ ហើយ​ចាប់តាំងពី​ពេល​នោះ​មក កូនប្រុស​គាត់​ក៏​បាន​ក្លាយទៅជា​មនុស្ស​ម្នាក់​ផ្សេង​ទៀត ដែល​មាន​សភាព​ស្រងូតស្រងាត់​មិនសូវ​និយាយ​ស្ដី​ឡើយ ។ ក្រោយមក​គាត់​ក៏​បាន​នាំ​កូនប្រុស​ទៅ​កាន់​មន្ទីរពេទ្យ​ជាតិ​តេ​ជោ​សន្តិភាព ហើយ​ក្រោយ​ការ​ពិនិត្យ​ពិគ្រោះ​ជំងឺ​រួច​មក​គ្រូពេទ្យ​បាន​ប្រាប់​ថា កូនប្រុស​គាត់​មាន​ជំងឺផ្លូវចិត្ត និង​បាន​បើក​ថ្នាំ​ឲ្យ​លេប ប៉ុន្តែ​កូន​គាត់​លេបថ្នាំ​មិន​ទៀងទាត់​ឡើយ ។

ម្ដាយ​រូប​នោះ​បាន​និយាយ​ប្រាប់​បន្ត​ថា កូនប្រុស​បាន​ស្នាក់​នៅ​បន្ទប់​ជួល​ខាងលើ ចំណែក​គាត់​ក៏​ស្នាក់​នៅ​បន្ទប់​ជិត​គ្នា​ដែរ ហើយ​នៅ​វេលា​ម៉ោង​១៩​យប់​ថ្ងៃ​ទី​១៧ ខែវិច្ឆិកា ឆ្នាំ​២០២៦ គាត់​បាន​ទៅ​គោះ​ទ្វារ​ស្រែកហៅ​កូនប្រុស ប៉ុន្តែ​កូន​មិន​បាន​ឆ្លើយ​តប​ឡើយ ។ ដោយឡែក​ទ្វារ​បាន​ជាប់​គន្លឹះ​ពី​ខាងក្នុង​ទៀត ពេល​នោះ​គាត់​ក៏​បាន​ប្រាប់​បងប្អូន​ឲ្យ​ដឹង រួច​នាំ​គ្នា​គាស់​ទម្លាយ​ទ្វារ​បើក​ចូល​ទៅ​ក្នុង​បន្ទប់ ក៏​ឃើញ​កូនប្រុស​ដេក​ស្លាប់​នៅ​លើ​ឥដ្ឋការ៉ូ ហើយ​ភ្លាម​ៗ​នោះ​ពុំ​ទាន់​ដឹង​ថា​កូនប្រុស​ស្លាប់​ដោយសារ​អ្វី​ទេ ។

អ្នកស្រី ហ៊​ន វន​ បាន​និយាយ​ទៀត​ថា ក្រោយ​មើល​បន្តិច​ក្រោម​យមក​បានឃើញ​មាន​ខ្សែ​អង្រឹង​១​កំណាត់ នៅ​ជាប់​កកូន​ប្រុស និង​១​កំណាត់​ទៀត​នៅ​ជាប់​ប្រឡោះ​ឥដ្ឋ​ខ្យល់​ខាងលើ​បង្អួច ដោយ​មាន​ស្នាម​ដាច់ ទើប​ដឹង​ថា​កូនប្រុស​គាត់​ស្លាប់​ដោយ​ចងក ។ បន្ទាប់​មក​បាន​រាយការណ៍​ជូន​សមត្ថកិច្ច​ឲ្យ​ចុះ​ទៅ​ពិនិត្យ​កោសល្យវិច័យ រួច​នាំ​សព​យក​ទៅ​ធ្វើបុណ្យ​តាម​ប្រពៃណី ៕​