ADផ្ទាំងផ្សព្វផ្សាយពាណិជ្ជកម្ម

Picture

កម្ពុជា​ក្លាយជា​សមាជិក​ថ្មី​ នៃ​ទស្សនៈវិស័យ Super Intelligence របស់​សហរដ្ឋអាមេរិក

1 ថ្ងៃ មុន

រាជធានីភ្នំពេញ ៖ ស្ថានទូត​សហរដ្ឋអាមេរិក ​ប្រចាំ​នៅ​កម្ពុជា ​បាន​អះអាង​កាលពី​ថ្ងៃ​ទី១៧ ខែវិច្ឆិកា ឆ្នាំ២០២៦​ ថានៅ​ពេល​នេះ​កម្ពុជា​បាន​ក្លាយជា​ប្រទេស​សមាជិក​ថ្មី​ នៃ​ទស្សនៈវិស័យ Super Intelligence ឬ SI នេះ​ហើយ ។

ប្រភព​ដដែល ​បាន​អះអាង​ថា សហរដ្ឋអាមេរិក សូម​ស្វាគមន៍​កម្ពុជា ក្នុង​នាម​ជា​ប្រទេស​ថ្មី​មួយ ​ដែល​បាន​ចូលរួម​ចុះហត្ថលេខា​លើ​សេចក្តីថ្លែងការណ៍​រួម ​ស្តី​ពី​ភាព​ជា​ដៃគូ​សម្រាប់​ឱកាស​ក្នុង​វិស័យ​បញ្ញា​សិប្បនិម្មិត​ ។

ប្រភព​ដដែល ​បាន​បញ្ជាក់​ថា កម្ពុជា​បាន​ចូលរួម​ជាមួយ​សហរដ្ឋអាមេរិក និង​ប្រទេស​ដៃគូ​ ចំនួន៥៤ផ្សេង​ទៀត​ នៅ​ជុំវិញ​ពិភពលោក ក្នុង​ការ​ចែករំលែក​ចក្ខុវិស័យ​រួម​មួយ​ថា អនាគត​នៃ​បញ្ញា​សិប្បនិម្មិត​ពិសេស (Super Intelligence ឬ SI) គួរតែ​ផ្អែក​លើ​កិច្ច​សហប្រតិបត្តិការ ​ដែល​អាច​ទុកចិត្ត​បាន សន្តិសុខ​សេដ្ឋកិច្ច នវានុវត្តន៍ និង​ការ​ប្រកួតប្រជែង​ដោយ​យុត្តិធម៌​ ។

ប្រភព​ដដែល ​បាន​បន្ត​ថា ពេល​នេះ កម្ពុជា​បាន​ចូលរួម​ជាមួយ​សហរដ្ឋអាមេរិក និង​ប្រទេស​ដៃគូ​របស់​ខ្លួន ក្នុង​ការ​ជំរុញ​វិធីសាស្ត្រ​ដែល​គាំទ្រ​កំណើនសេដ្ឋកិច្ច និង​នវានុវត្តន៍​ក្នុង​វិស័យ SI ដោយ​ផ្អែក​លើ​អាទិភាព​រួម រួម​មាន ខ្សែ​ច្រវាក់​ផ្គត់ផ្គង់ ​ដែល​អាច​ទុកចិត្ត​បាន ការ​ជំរុញ​ការ​ចូលរួម​ពី​វិស័យ​ឯកជន និង​ការ​កសាង​ហេដ្ឋារចនាសម្ព័ន្ធ​ ដែល​នឹង​ក្លាយជា​កម្លាំង​ច​លករ​សម្រាប់​សតវត្សរ៍​ខាង​មុខ ​។

តាម​រយៈ​កិច្ច​សហប្រតិបត្តិការ​រួម​គ្នា កម្ពុជា​និង​អា​មេ​រិ​ក ​ព្រមទាំង​ប្រទេស​ផ្សេង​ៗ​ទៀត​នឹង​កសាង​អនាគត SI ដែល​បម្រើ​ផលប្រយោជន៍​ប្រជាជន ពង្រឹង​សេដ្ឋកិច្ច​របស់​ប្រទេស​សមាជិក និង​ផ្តល់​អំណាច​ដល់​សហគ្រិនភាព នវានុវត្តន៍ និង​នីតិរដ្ឋ ​៕