ចាប់ខ្លួនឪពុកចុងម្នាក់ ពាក់ព័ន្ធករណីបំពា.នកូន
- មណ្ឌលគិរី
ខេត្តមណ្ឌលគិរី ៖ កម្លាំងការិយាល័យប្រឆាំងការជួញដូរមនុស្ស និងការពារអនីតិជន នៃស្នងការដ្ឋាននគរបាលខេត្តមណ្ឌលគិរី បានសហការជាមួយកម្លាំងអធិការដ្ឋាននគរបាលស្រុកស្នួល ខេត្តក្រចេះ ចុះឃាត់ខ្លួនពិរុទ្ធជនម្នាក់ដែលបានប្រព្រឹត្តឹទៅលើក្មេងស្រីម្នាក់ ដែលជាកូនចុងតាំងពីនាងអាយុ៩ឆ្នាំ រហូតដល់អាយុ១៥ឆ្នាំ ។
សេចក្តីរាយការណ៍ដែលកោះសន្តិភាពទើបទទួលបាននាថ្ងៃទី១៨ ខែវិច្ឆិកា ឆ្នាំ២០២៦ បានឱ្យដឹងថា ប្រតិបត្តិការឃាត់ខ្លួនជនរូបនេះ ធ្វើឡើងនៅថ្ងៃទី១៧ ខែវិច្ឆិកា ឆ្នាំ២០២៦ ក្រោមការសម្របសម្រួលនីតិវិធីពីលោក ស៊ាវ ងីឈាន់ ព្រះរាជអាជ្ញារង នៃអយ្យការអមសាលាដំបូងខេត្តមណ្ឌលគិរី តាមដីកាបង្គាប់ឱ្យចាប់ខ្លួន និងឃុំខ្លួនលេខ ២០៥ (គ) ជ.ច.ន/២៦ របស់ចៅក្រមជម្រះ នៃសាលាដំបូងខេត្តមណ្ឌលគិរី ។
ប្រភពបានបន្តថា ពិរុទ្ធជនឈ្មោះ រឿន ភារម្យ មានទីលំនៅបច្ចុប្បន្ននៅភូមិចក់ចារ ឃុំស្រែឈូក ស្រុកកែវសីមា ខេត្តមណ្ឌលគិរី បានរៀបការជាមួយម្តាយក្មេងស្រីរងគ្រោះនិងមានកូនបន្ថែមចំនួនពីរនាក់ ។ ជននេះបានបំពានទៅលើកូនស្រីចុងរបស់ខ្លួនតាំងពីអំឡុងឆ្នាំ២០១៩(កាលនោះក្មេងស្រីមានអាយុ៩ឆ្នាំ) និងធ្វើសកម្មភាពជាបន្តបន្ទាប់ រហូតក្មេងស្រីទ្រាំលែងបានក៏បានរាយការណ៍ទៅសមត្ថកិច្ចមូលដ្ឋាននាថ្ងៃទី៧ ខែមករា ឆ្នាំ២០២៦ ។
ក្រោយទទួលបានព័ត៌មាននេះភ្លាម កម្លាំងសមត្ថកិច្ចបានចុះប្រតិបត្តិការ ប៉ុន្តែជនល្មើសបានរត់គេចខ្លួនបាត់ស្រមោល ។ តែកម្លាំងជំនាញបានបន្តនិតិវិធី ស្រាវជ្រាវស៊ើបអង្កេតរហូតអាចស្វែងរកឃើញជនល្មើស ឈានដល់ការចាប់ឃាត់ខ្លួននៅថ្ងៃទី១៧ ខែវិច្ឆិកា ឆ្នាំ២០២៦ តែម្តង។
បច្ចុប្បន្ន ពិរុទ្ធជនឈ្មោះ រឿន ភារម្យ ត្រូវបានតុលាការផ្ដន្ទាទោសដាក់ពន្ធនាគាររយៈពេល ១២ឆ្នាំ ៕


ចែករំលែកព័តមាននេះ