រាជធានីភ្នំពេញ ៖ កាលពីថ្ងៃទី១៣ សីហា សមត្ថកិច្ចនៃអធិការដ្ឋាននគរបាលខណ្ឌសែនសុខ បានឃាត់ខ្លួនជនសង្ស័យម្នាក់ពាក់ព័ន្ធការជួញដូរគ្រឿងញៀន នៅចំណុចលើផ្លូវ២០០៤ កែង៣៧១ ស្ថិតក្នុងភូូមិត្រពាំងឈូក សង្កាត់ទឹកថ្លា ខណ្ឌសែនសុខ ។
រាជធានីភ្នំពេញ ៖ កាលពីថ្ងៃទី១៣ សីហា សមត្ថកិច្ចនៃអធិការដ្ឋាននគរបាលខណ្ឌសែនសុខ បានឃាត់ខ្លួនជនសង្ស័យម្នាក់ពាក់ព័ន្ធការជួញដូរគ្រឿងញៀន នៅចំណុចលើផ្លូវ២០០៤ កែង៣៧១ ស្ថិតក្នុងភូូមិត្រពាំងឈូក សង្កាត់ទឹកថ្លា ខណ្ឌសែនសុខ ។
យោងតាមសម្តីរបស់លោកម៉ក់ ហុង អធិការនគរបាលខណ្ឌសែនសុខ បានឱ្យដឹងថា នៅវេលាម៉ោង១២និង៣០នាទីថ្ងៃត្រង់ទី១៣ សីហា កម្លាំងល្បាតរបស់អធិការដ្ឋាននគរបាលខណ្ឌសែនសុខកំពុងល្បាតតាមដងផ្លូវក៏ឃើញ និងសង្ស័យលើជនម្នាក់កំពុងជិះម៉ូតូម៉ាកវីវ៉ា ដែលមានឈ្មោះជា សុវណ្ណថៃ ក៏ហៅឈប់ ហើយឆែកឆេរឃើញមានម៉ាទឹកកក១កញ្ចប់តូច ហើយក៏ឃាត់ខ្លួនយកមកធ្វើការសាកសួរនៅអធិការដ្ឋាន។ បន្ទាប់មកជននោះបានសារភាពប្រាប់សមត្ថកិច្ចថា ទិញមកពីមនុស្ស២នាក់ទៀត ឈ្មោះសុខ ដារា និងឈ្មោះរស់ សុភ័ក្ត្រ ហើយសមត្ថកិច្ចក៏ទៅឃាត់ខ្លួន២នាក់នោះទៀត យកមកសាកសួរបន្ថែម រហូតបន្តឃាត់ខ្លួនឈ្មោះ
សុខ ដារ័ត្ន និងស្រីម្នាក់ទៀតឈ្មោះកែ ស្រីពេជ្របន្ថែមទៀតដែលពាក់ព័ន្ធ។
បច្ចុប្បន្នជនទាំង៥នាក់ និងវត្ថុតាងកំពុងឃាត់ខ្លួន និងរក្សាទុកនៅអធិការដ្ឋាននគរបាលខណ្ឌសែនសុខ ដើម្បីចាត់ការតាមនីតិវិធីច្បាប់។ គួរបញ្ជាក់ផងដែរថា ជនល្មើសតាំង៥នាក់នោះគឺកម្លាំងសមត្ថកិច្ចឃាត់ខ្លួននៅកន្លែងផ្សេងគ្នា ហើយដកហូតបានវត្ថុតាងគឺម៉ាទឹកកកចំនួន៩ថង់តូច ហើយនិងម៉ូតូ២គ្រឿង៕
ចែករំលែកព័តមាននេះ