ADផ្ទាំងផ្សព្វផ្សាយពាណិជ្ជកម្ម

Picture

ពលរដ្ឋ​ខ្មែរ​២​ម៉ឺន​នាក់​មិន​ទាន់​អាច​វិល​ត្រឡប់​លំនៅ​ឋាន​វិញ​! សម្តេច​ប្រធានរដ្ឋសភា លើក​ឡើង​ពី​បញ្ហា​ព្រំដែន​កម្ពុជា​-​ថៃ ជាមួយ​ប្រតិភូ​សមាជិក​រដ្ឋសភា​អូស្ត្រាលី

2 ថ្ងៃ មុន

រាជធានី​ភ្នំពេញ ៖ សម្តេច​រដ្ឋសភា​ធិ​ការ​ធិ​បតី ឃួ​ន សុ​ដា​រី ប្រធានរដ្ឋសភា នៃ​ព្រះរាជាណាចក្រ​កម្ពុជា បាន​ជម្រាប​ដល់​ប្រតិភូ​សមាជិក​រដ្ឋសភា​អូស្ត្រាលី អំពី ពី​ស្ថានភាព ដែល​ពលរដ្ឋ​ខ្មែរ​ប្រមាណ​២​ម៉ឺន​នាក់ កំពុង​រស់នៅ​ក្នុង​លំនៅ​ដ្ឋា​ន​បណ្តោះអាសន្ន ដោយសារ​មិន​អាច​វិល​ត្រឡប់​ទៅ​លំនៅ​ដ្ឋា​ន​វិញ​បាន ក្រោយ​ពី​ភាគី​ថៃ បាន​រំលោភ​បំពាន​លើ​អធិបតេយ្យ​កម្ពុជា ទោះបី​មាន​កិច្ចព្រមព្រៀង​ឈប់​បាញ់ និង​សន្តិភាព​យ៉ាងណា​ក្តី និង​បាន​នឹង​កំពុង​កាន់កា ប់​តំបន់​ទាំងនោះ​ដោយ​ខុសច្បាប់ ។

សម្តេច​ប្រធានរដ្ឋសភា បាន​បញ្ជាក់​ថា កម្ពុជា​គោរព​ច្បាប់​អន្តរជាតិ ស្រលាញ់​សន្តិភាព និង​ព្យាយាម​ដោះស្រាយ​ជម្លោះ​ដោយ​សន្តិវិធី​។ សម្រាប់​ព្រំដែន​គោក កម្ពុជា​ទាមទារ​ឱ្យ​ភាគី​ថៃ គោរព​ផែនទី​ផ្លូវការ​រវាង​ប្រទេស​ទាំង​ពីរ ដែល​ទទួលស្គាល់​ជា​អន្តរជាតិ​។ កម្ពុជា​មិន​អាច​ទទួលយក​បាន​ឡើយ នូវ​ការ​កំណត់ព្រំដែន​ដោយ​កម្លាំង និង​ដោយ​ឯកតោភាគី​បាន​ឡើយ ។

ការ​លើក​ឡើង​របស់​សម្តេច​រដ្ឋសភាធិបតី ឃួ​ន សុ​ដា​រី បាន​ជួប​ពិភាក្សា​ការងារ​ជាមួយ លោក​ជំទាវ Louise Miller-Fort សមាជិក​សភា​សហព័ន្ធ​, តំណាង រាស្ត្រ​មណ្ឌល Boothby និង​ជា​ប្រធាន​គណៈកម្មការ​គោ​លន​យោ បាយ​សង្គម និង​កិច្ចការ​ច្បាប់ នៅ​ព្រឹក​ថ្ងៃ​ទី​១៧ ខែវិច្ឆិកា ឆ្នាំ​២០២៦ នៅ​ក្នុង​ឱកាស​អញ្ជើញ​ចូលរួម​មហាសន្និបាត​អន្តរ​សភា​អាស៊ាន លើក​ទី​៤៧ ដែល​រដ្ឋសភា​ប្រទេស​ហ្វី​លី​ពី​ន​ធ្វើ​ជា​ម្ចាស់ផ្ទះ ។

សម្តេច​រដ្ឋសភាធិបតី បាន​គូស​បញ្ជា ក់ថា​៖ “​កម្ពុជា​ស្នើ​ភាគី​ថៃ​គោរព​ច្បាប់ គោរព​កិច្ចព្រមព្រៀង ព្រមទាំង​ដោះ ស្រាយ​បញ្ហា​ដោយ​យន្តការ​ទ្វេភាគី ដែល​មាន​ស្រាប់​។ ចំពោះ​ដែនសមុទ្រ​ត្រួតស៊ីគ្នា ភាគី​ទាំង​ពីរ​កំពុង​ដោះ​ស្រា យ​តាម​អនុសញ្ញា​អង្គការ​សហ​ប្រ ជា​ជាតិ​ស្តី​ពី​នីតិ​សមុទ្រ (UNCLOS)” ។

សម្តេច​ប្រធាន​លើក​ឡើង​ថា កម្ពុជា​សូម​វាយតម្លៃ​ខ្ពស់​ចំពោះ​ការ​ប្តេជ្ញា​ចិត្ត និង​ជំនាញ​ដ៏​ប៉ិន​ប្រសប់​របស់​អូស្ត្រាលី ក្នុង​ការ​អនុវត្ត​អនុសញ្ញា UNCLOS រួម​ទាំង​អភិបាលកិច្ច​ដែនសមុទ្រ និង​ការ​កំណត់ព្រំដែន​សមុទ្រ​។ ជាក់ស្តែង លោកស្រី ខា​ទ្រី​ណា ឃូ​ភើ (Katrina Cooper) ត្រូវ​បាន​តែងតាំង​ជា​ប្រធាន​គណៈកម្មការ​ផ្សះផ្សា​ដោយ​បង្ខំ ដើម្បី​ដោះស្រាយ​វិវាទ​ដែនសមុទ្រ​រវាង​កម្ពុជា និង​ថៃ ។

នៅ​ក្នុង​ជំនួប​ពិភាក្សា​នេះ ភាគី​ទាំង​ពីរ បាន​ពិភាក្សា​គ្នា​ដោយ​បើកចំហ និង​ផ្លាស់​ប្តូរ​បទ​ពិសោធន៍​ការងារ​រដ្ឋសភា លទ្ធិប្រជាធិបតេយ្យ ពាណិជ្ជកម្ម ទេសចរណ៍ អប់រំ និង​ជា​ពិសេស​ទំនាក់ទំនង​រវាង​ប្រជាជន និង​ប្រជាជន​យ៉ាង​ជិត​ស្និទ្ធ​។

ភាគី​ទាំង​ពីរ​បាន​វាយតម្លៃ​ខ្ពស់​ចំពោះ​កិច្ច​សហប្រតិបត្តិការ និង​ចំណង​មិ ត្ត​ភាព​នៃ​ប្រទេស​ទាំង​ពីរ ដែល​មានការ​រីក​ចម្រើន​ជា​លំដាប់ ទាំង​ស្ថាប័ន​នីតិប្បញ្ញត្តិ និង​នីតិប្រតិបត្តិ ដោយ​ឈរ​លើ​ភាព​ស្មោះត្រង់ ជឿ​ទុកចិត្ត និង​ការ​យោគយល់​គ្នា ដោយ​តម្កល់​ផលប្រយោជន៍​ជាតិ​ជា​ធំ​។ ពលរដ្ឋ​កម្ពុជា​មាន​ក្តី​ស្រលាញ់ និង​មាន​ជំនឿ​ទុកចិត្ត​លើ​ប្រទេស​អូស្ត្រាលី​។ ជា​រៀង​រាល់​ឆ្នាំ យុវជន​កម្ពុជា​ជា​ច្រើន​បាន​ចេញ​ទៅ​សិក្សា​នៅ​ប្រទេស​អូស្ត្រាលី ទាំង​ក្នុង​ក្រប​ខណ្ឌ​អាហា រូបករណ៍ និង​ការ​ចំណាយ​ថវិកា​ផ្ទាល់ខ្លួន​។

ចំណែក​លោក​ជំទាវ Louise Miller-Fort បាន​ឯកភាព​ចំពោះ​ប្រសាសន៍​លើក​ឡើង​របស់​សម្តេច​រដ្ឋសភាធិបតី ឃួ​ន សុ​ដា​រី និង​បាន​វាយតម្លៃ​ខ្ពស់​ចំពោះ​កិច្ច​សហប្រតិបត្តិការ​រវាង​ប្រទេស​ទាំង​ពីរ​នៅ​លើ​ច្រើន​វិស័យ រួម​ទាំង​បញ្ហា​សន្តិភាព​ផង​ដែរ​។

លោក​ជំទាវ Louise Miller-Fort មាន​ជំនឿ​មុតមាំ​ថា ជម្លោះព្រំដែន​កម្ពុជា​-​ថៃ នឹង​ត្រូវ​បាន​ដោះស្រាយ​ក្នុង​ពេល​ឆាប់​ៗ​នេះ ដោយ​សន្តិវិធី​។

សម្តេច​ប្រធានរដ្ឋសភា បាន​ថ្លែង​អំណរ គុណ​ដល់​អូស្ត្រាលី ដែល​បាន​ចូលរួម​ស្វែងរក​សន្តិភាព និង​ការ​អភិវឌ្ឍ​នៅ​កម្ពុជា​តាំងពី​ដើម​មក​។ ជំនួយ និង​ការ​គាំទ្រ​របស់​អូស្ត្រាលី​លើ​ច្រើន​វិស័យ ពិសេស​វិស័យ​អប់រំ គឺជា​ផ្នែក​សំខាន់​ដែល​មិន​អាច​កាត់​ផ្តាច់​បាន​ពី​ការ​អភិវឌ្ឍ​នៅ​កម្ពុជា​ឡើយ​។

សម្តេច​បាន​អបអរសាទរ​ចំពោះ ឯក​ឧ ត្តម មិ​ល​តុ​ន ឌី​ក (Milton Dick) ប្រធានរដ្ឋសភា​អូស្ត្រាលី ដែល​បាន​ជាប់​ឆ្នោត​ជា​ប្រធាន​សហភាព​អន្តរ​សភា (IPU) ក្នុង​អាណត្តិ​ថ្មី​នេះ​។

ឯកឧត្តម មិ​ល​តុ​ន ឌី​ក ធ្លាប់​បាន​អញ្ជើញ​បំពេញ​ទស្សនកិច្ច​នៅ​កម្ពុជា ដើម្បី​ចូលរួម​សន្និសីទ​ប្រធាន​សភា​នៃ​អន្តរ​សភា​លើក​ទី​២ ដែល​រៀបចំ​ឡើង​ដោយ​ព្រឹទ្ធសភា​កម្ពុជា ដែល​ពិតជា​បាន​បើក​ទំព័រ​ថ្មី​មួយ​សម្រាប់​កិច្ច​សហ ប្រតិបត្តិការ​រវាង​សភា​ទាំង​ពីរ​។ ជាមួយ​គ្នា​សម្តេច​រដ្ឋសភាធិបតី​ក៏​ធ្លាប់​បាន​បំពេញ​ទស្សនកិច្ច និង​សិក្សា​ស្វែង​យល់​ការងារ​របស់​រដ្ឋសភា​អូស្ត្រាលី​ផង​ដែរ​។

ក្នុង​ន័យ​នេះ សម្តេច​បាន​ស្នើ​ឱ្យ​សភា​ប្រទេស​ទាំង​ពីរ​ពង្រឹង​កិច្ច​សហ​ប្រ​តិ ប​ត្តិ​ការ​ជាមួយ​គ្នា​ឱ្យ​កាន់តែ​ស៊ីជម្រៅ​ឡើង និង​ស្នើ​ដល់​រដ្ឋសភា​អូស្ត្រាលី​ជួយ​ជំរុញ និង​ទាក់ទាញ​អ្នកទេសចរ និង​អ្នក​វិនិយោគ​មក​កម្ពុជា​បន្ថែម​ទៀត​៕