ADផ្ទាំងផ្សព្វផ្សាយពាណិជ្ជកម្ម

Picture

គណៈប្រតិភូ នៃ​កិច្ចប្រជុំ​ប្រទេស​និយាយ​ភាសា​បារាំង ជាង​១០០​នាក់ បាន​ចំណាយពេល​ពេញ ១​ថ្ងៃ ដើម្បី​ធ្វើ​ទស្សនកិច្ច​វប្បធម៌ នៅ​រមណីយដ្ឋាន​អង្គរ

2 ថ្ងៃ មុន

ខេត្តសៀមរាប ៖ ក្រុម​គណៈប្រតិភូ ចំនួន​ជាង ១០០​នាក់ នៃ​បណ្ដា​ប្រទេស​និយាយ​ភាសា​បារាំង (Francophonie) បាន​ចំណាយពេល​ពេញ​១​ថ្ងៃ នៅ​ថ្ងៃ​ទី​១៧ ខែវិច្ឆិកា ឆ្នាំ​២០២៦ ដើម្បី​ធ្វើ​ទស្សនកិច្ច​ផ្នែក​វប្បធម៌ និង​បេតិកភណ្ឌ​នៅ​ក្នុង​រមណីយដ្ឋាន​អង្គរ នា​ខេត្តសៀមរាប របស់​ប្រទេស​កម្ពុជា ​នេះ​បើ​យោង​តាម​អាជ្ញាធរ​ជាតិ​អប្សរា ។

គណៈប្រតិភូ​នៃ​បណ្ដា​ប្រទេស​និយាយ​ភាសា​បារាំង បាន​ចាប់ផ្ដើម​ទស្សនា​នៅ​ប្រាសាទអង្គរវត្ត និង​ប្រាសាទតាព្រហ្ម ក្រោយ​កិច្ចប្រជុំ​នៅ​រាជធានី​ភ្នំពេញ និង​នៅ​មុន​ពេល​ចាក​ចេញពី​ប្រទេស​កម្ពុជា​។ គណៈប្រតិភូ​ទាំងនេះ​មាន​ជាង​១០០​នាក់ មក​ពី ៣០​ប្រទេស នៅ​ក្នុង​ទ្វីបអាហ្វ្រិក កា​ណា​ដា និង​អឺរ៉ុប ​។

ក្នុង​ដំណើរ​ទស្សនកិច្ច​វប្បធម៌ និង​បេតិកភណ្ឌ​ពិភពលោក នៅ​តំបន់​អង្គរ គណៈប្រតិភូ នៃ​បណ្ដា​ប្រទេស​និយាយ​ភាសា​បារាំង​ទាំងនោះ បាន​បង្ហាញ​ទឹកមុខ​ញញឹម​ស្រស់ស្រាយ អម​ជាមួយ​ក្តី​រំភើប ដោយ​ភាគច្រើន​នៃ​គណៈប្រតិភូ​ទាំងនោះ ទើបតែ​បាន​ស្គាល់​តំបន់​អង្គរ និង​ប្រាង្គ​ប្រាសាទបុរាណ ដ៏​អស្ចារ្យ​របស់​ខ្មែរ ជា​លើក​ដំបូង​នៅ​ក្នុង​ជីវិត​របស់​ពួក​គេ​ ៕