មេដឹកនាំអាល់កៃដាថ្មី Ayman al-Zawahiri បានជម្រុញឱ្យក្រុមមូស្លីមតម្រង់គោលដៅវាយប្រហារលើសហរដ្ឋអាមេរិក និងសងសឹកចំពោះការស្លា.ប់របស់អតីតមេដឹកនាំ
របស់ខ្លួនអូសាម៉ាប៊ីនឡាដេន។ នេះបើតាមក្រុមភ្នាក់ងារសម្ងាត់ «SITE»។ SITE បានដកស្រង់តាមវីដេអូនៃកិច្ចប្រជុំមួយថា មេដឹកនាំថ្មីរបស់អង្គការភេរវកម្មអាល់កៃដា
មេដឹកនាំអាល់កៃដាថ្មី Ayman al-Zawahiri បានជម្រុញឱ្យក្រុមមូស្លីមតម្រង់គោលដៅវាយប្រហារលើសហរដ្ឋអាមេរិក និងសងសឹកចំពោះការស្លាប់របស់អតីតមេដឹកនាំ
របស់ខ្លួនអូសាម៉ាប៊ីនឡាដេន។ នេះបើតាមក្រុមភ្នាក់ងារសម្ងាត់ «SITE»។ SITE បានដកស្រង់តាមវីដេអូនៃកិច្ចប្រជុំមួយថា មេដឹកនាំថ្មីរបស់អង្គការភេរវកម្មអាល់កៃដា បានអំពាវនាវឱ្យអ្នកកាន់សាសនាអ៊ិស្លាម តាមប្រមាញ់សហរដ្ឋអាមេរិក ដោយសារបានសម្លាប់អូសាម៉ា។
លោក Zawahiri ថ្លែងក្នុងខ្សែវីដេអូ១២នាទីថា បងប្អូនអ៊ិស្លាមនៅគ្រប់តំបន់ ចូរតាមប្រមាញ់អាមេរិក ដែលបានសម្លាប់ Imam of the Mujahideen អូសាម៉ាប៊ីនឡាដេន ហើយទម្លាក់សាកសពរបស់លោកចូលសមុទ្រ រួចចាប់ខ្លួនភរិយានិងកូនប្រុសរបស់លោក។
លោក Zawahiri ឡើងកាន់តំណែងជាមេដឹកនាំអាល់កៃដា បន្ទាប់ពីប៊ីនឡាដេន ត្រូវសម្លាប់កាលពីថ្ងៃទី២ ឧសភា ដោយបានអំពាវនាវដល់ជនកាន់សាសនាមូស្លីមធ្វើសង្គ្រាមសាសនាប្រើប្រាស់យុទ្ធសាស្ត្រ ថ្មី ដែលនិយាយសំដៅលើការកែទំនាក់ទំនង។ គាត់និយាយថា ចលនាមូស្លីមនិងចលនាជីហាដគួរតែធ្វើសង្គ្រាមសាសនាឱ្យបានខ្លាំងក្លាបំផុតដូចសង្គ្រាមប្រើប្រាស់អាវុធ។
លោកក៏បានអំពាវនាវឱ្យប្រទេសអេហ្ស៊ីបនិងទុយនីស៊ីឱ្យប្រតិបត្តិច្បាប់អ៊ិស្លាមជាមូលដ្ឋានគ្រិះនៃនីតិបញ្ញត្តិ ដែលពេលនេះប្រទេសទាំង២នោះមានបាតុកម្មពេញប្រទេស។
ពេលនេះលោកបានក្លាយជាមនុស្សដែលសហរដ្ឋអាមេរិកតាមរកបំផុត។ គាត់ធ្លាប់ជាប់ពន្ធធនាគារ៣ឆ្នាំក្នុងប្រទេសអេហ្ស៊ីប ដោយសារបង្កើតកងទ័ព និងធ្វើឃាតលោកប្រធានាធិបតីអេហ្ស៊ីបលោកអានវ៉ាសាដាត ក្នុងឆ្នាំ១៩៨១ ហើយនៅឆ្នាំ១៩៩៧ បានសម្លាប់អ្នកទេសចរនៅក្នុងទីក្រុងLuxor។ គាត់ដូចជា អូសា ម៉ាប៊ីនឡាដេនដែរ បានលាក់ខ្លួនចាប់តាំងពីសហរដ្ឋអាមេរិកប្រកាសសង្គ្រាមប្រឆាំងភេរវកម្មក្រោយថ្ងៃទី១១ កញ្ញា ឆ្នាំ២០០១៕
ចែករំលែកព័តមាននេះ